1 Pita 5:12 - Tataroha Diana

¹² Ngaeta aasikaelu aana hiiwalaimolinge nge nou sai norutoꞌo aana liutaa, nge a Saelas, na ingeie ni oto e peꞌieu huni uusue kele uusu-uusu oꞌoruꞌe ie huniꞌomu. Uusu-uusu ie nou uusue mola huni haꞌananauꞌomu na huni ere haꞌasusuꞌomu uri hahuꞌana manata-diananga a God huniꞌomu ke iiꞌo oto tarau peꞌiꞌomu maꞌalana nga taa ke rau-reu loꞌu eemiu. Oto omu ke iiꞌo susu oto aana.

1 Pita 5:12 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 21:21

Maholo a Pita e leesie pwaarongoisuli ngeena, oto ko dolosi aana a Jisas uuri, “?Poro paine, oto a mwane ie kei ue?”

Palonga 11:23

Na maholo e lai hule wau i Antiok ko si tohungei ilenimwaꞌe aana e leesie uri a God e haꞌadianaꞌara oto. Na ko si tohungei deu rarahire uri kire ke lulu i sulie oto Aalaha ikie toꞌohuu taraureꞌi.

Palonga 15:22

Oto mo hurulaꞌaa na mo rato na ahutana mwala aana soihaadaꞌinge, kire mani neꞌisae tararuru huni lio hilisie ngaeta mo mwane aada huni uusungeꞌinire peꞌie a Pol na Banabas i Antiok. Oto kire lio hilisie a Saelas na a Jiudas nge ngaeta sata aana a Basabas, aana ikirerue e ro naꞌohai mwane nge ahutana ruruhaa kire tohungei haꞌamaꞌu aadarue.

Palonga 20:24

Taꞌe mauringe ineu e kaꞌa roroꞌa ike hunieu, aana mei naꞌohai ola e roroꞌa hunieu oto uri ne ke haꞌamangoa asunge nge a Jisas Aalaha ikie e niie hunieu hunie ne ke asuie. Na mei esungena oto uri ne ke tarohaꞌinie Tataroha Diana i sulie aamasinge na manata-diananga a God hunikie.

Uusu-uusu A Pol Hurula'aa Hunie Mo Rom 5:2

aana ingeie mone e si da kie ko saie hahuꞌana manata-diananga a God nge kie iiꞌo i lalo aana siꞌiri. Na kie ko tohungei ilenimwaꞌe oto aana kie norutoꞌo mola uri kie kei iiꞌo ruru peꞌie a God aana manikuluhaꞌana.

1 Korinit 15:1

Maeni eesiku maaꞌi, no ko sare haꞌa-aamasitoꞌoꞌomu loꞌu mola aana Tataroha Diana nge nou laeliwala kaꞌu oto namiu aana, nge omu hele aana oto, na hiiwalaimolinge iꞌomu e susu oto i lengine.

2 Korinit 1:19

aena aana no ko lulu i sulie tolahana a Jisas Kraes. Ingeie oto Kalena God, nge iꞌemeelu a Saelas na a Timoti, melu tarohaꞌinie huniꞌomu, na omu meni saie oto uri ingeie e kaꞌa unue “Iau” hunikie, na ko tolana unue loꞌu “Haꞌike.” Taꞌe i tehulaꞌana a Kraes mone, a God ko unu-unue “Iau” hunikie mo iinoni,

2 Korinit 1:24

Iau, e toꞌohuu oto aana melu ko sare asu loko-loko mola peꞌiꞌomu hunie omu ke ilenimwaꞌe, na melu kaꞌa sare paine ike haahiꞌomu huni deu rarahiꞌomu hunie omu ke hiiwalaimoli, aana melu saie uri omu uure maꞌutaꞌa oto aana hiiwalaimolinge aana God.

Epesas 3:3

Iau, omu saie oto, aana nou kele uusu-uusu kaꞌu oto i sulie i laona uusu-uusu ienini. Oto waite mei oalaꞌinge a God e oꞌoꞌo mumuni, taꞌe e haataꞌinie oto aaku uri hunie ne ke saie.

Epesas 6:21

No ko uusungeꞌinie wau a Tikikas i seemiu hunie ke haꞌarongoꞌomu aana mo ola i suliꞌemeelu. Ingeie tohungei malahukaelu toꞌohuu, aana ingeie ngaeta mwane auꞌesu diana aana asunge a Aalaha ni ngeena. Oto a Tikikas nge ke si haꞌarongoꞌomu aana mo tataroha i sulieu na ke haꞌadodoa saemiu aana walana.

Kolosi 1:7

Omu rongoa walu ola ngeena mwaanie a Epapras, iini melu tohungei manata diana hunie mala ngaeta koni-konihe a Kraes peꞌiꞌemeelu. Ingeie ngaeta mwane ni nou-norue na ko esu loko-loko peꞌiꞌemeelu tarau huniꞌomu.

Kolosi 4:7

Maholo a Tikikas kei hule i seemiu, ingeie ke si haꞌarongoꞌomu taane loꞌu aana nga moi taa ko reu eeku aana maholo ienini. Ingeie ngaeta malahuku diana na ko tohungei peꞌi diana aaku aana asunge ienini nana Aalaha ikie.

Kolosi 4:9

Malahukaelu diana a Onesimas ko lae noꞌone wau peꞌie, na ingeie omu sai diana aana oto, aana ingeie ngaeta iini oto noꞌone aamiu. Oto kirerue ke si haꞌarongoꞌomu aana nga moi taa ko reu-reu mei i leu.

1 Tesalonaeka 1:1

Saediananga mwaanieu a Pol na a Saelas na a Timoti huniꞌomu aana soihaadaꞌinge wau i Tesalonaeka. Iꞌomu oto mo iinoni a God Aamaka na Aalaha ikie a Jisas Kraes, na melu ko eitanai uri hahuꞌana manata-diananga na hanuelamanga ingeie ke iiꞌo peꞌiꞌomu.

2 Tesalonaeka 1:1

Saediananga mwaanieu a Pol na a Saelas na a Timoti huniꞌomu aana soihaadaꞌinge wau i Tesalonaeka. Iꞌomu oto mo iinoni a God Aamaka na Aalaha ikie a Jisas Kraes,

Hibru 13:22

No ko eitanaiꞌomu, maeni eesiku maaꞌi, uri omu ke rongo diana aana mei wala ni haꞌasusulemiu ienini, aana nou kaꞌa uusu-uusu tewa ike.

1 Pita 1:13

Oto i tehulaꞌana walu ola ngeena, nge omu ke dau aakau eemiu maraamiu huni esuie mo ola diana, na omu ke kinetaꞌinie tolahamiu mwaanie aaelanga. Na omu ke tohungei norutoꞌo mola aana God, na maaꞌoohi-susutoꞌonga iꞌomu ke maꞌutaꞌa i lengine niinge diana nge a God kei niie huniꞌomu aana maholo a Jisas Kraes kei ooli loꞌu mei.

1 Pita 4:10

Iau, omu ke peꞌiꞌomu heiliu, aana a God e niie oto hunie taꞌena nga iini eemiu mei nanamanga huni deu esunge nana. Oto taꞌena nga iini eemiu ke asu diana aana taungei nanamanga a God e niie oto nana, hunie mo niinge hai aaopaꞌi nge a God e niiꞌi nana soihaadaꞌinge ke mani eehu diana.

2 Pita 1:12

Nou saie uri omu saenanau taane oto aana walu ola ngeena, na omu ko uure maꞌutaꞌa noꞌone peꞌie mo wala toꞌohuu nge haꞌa-uusulilemiu e lae aani. Taꞌe maꞌalana ke urine, ne kei lae peꞌi haꞌa-haꞌa-aamasitoꞌoꞌomu loꞌu eeni suli maholo.

2 Pita 2:15

Mo haꞌa-uusuli eero-eero ngeena kire ko lae mwaanie tala oodo na kire lae takalo oto mola, aana kire ko lae mola i sulie tolahana propet a Belam oto waite, mwane kalena a Beo. A Belam e oalaꞌi keꞌu ni esuie mei ola e kaꞌa oodo ike, aena aana saena e tohungei peinesie mola mei toꞌoha.

3 Jon 1:12

Oto o ke peꞌie a Demitrias maholo kei hule wau i seemiu, aana ahutana mwala ko meni unue uri ingeie mwane diana, na walu ola ko esuiꞌi e oodotaꞌi na ko haataꞌinie uri e toꞌohuu oto. Ineu na nou unue noꞌone urine, na iꞌoe, o saie mola no ko ere toꞌohuu.

Jiud 1:3

Maeni malahuku, nou tohungei saetoꞌo aana uri ne ke uusu-uusu oto huniꞌomu i sulie mei haꞌa-uuringe nge kolu meni toꞌo aana. Nou sare ere haꞌasusuꞌomu loꞌu uri hunie omu ke uure aꞌailaꞌa peꞌie mei wala toꞌohuu nge kie mani hiiwalaimoli oto aana. A God e niie oto mei wala ngeena hautaꞌai hunikie, ahutana mo iinoni ingeie, na e saꞌa roroꞌa oolisie ike oto ooꞌoo.