1 Pita 5:1 - Tataroha Diana

¹ Oto no ko sare unue ngaeta mei wala ni haꞌananaunge huniꞌomu mo naꞌohai mwane aana soihaadaꞌinge. Ineu ngaeta naꞌohai mwane aana soihaadaꞌinge noꞌone mala iꞌomu, na hule aana nou sai ere haꞌawalaimoliꞌaa uri Tataroha Diana i sulie a Kraes e toꞌohuu aana ineu maraaku nou leesie kaꞌu sapesalunge a Kraes. Na nou saie uri ineu noꞌone ne kei toꞌo aana manikuluꞌanga a God aana maholo a Kraes kei ooli loꞌu mei.

1 Pita 5:1 ပူးပေါင်းရင်းမြစ်များ

Palonga 1:8

Taꞌe maholo Liꞌoa Maaꞌi kei siho oto mai haahiꞌomu, omu ke si honu aana nanamanga huni unu tahangaꞌinieu taꞌau i Jerusalem, na ahutana mo leu i Jiudia, na oto aana poꞌo ni henue i Samaria, na ahusie oto ahutana walumalau.”

Palonga 11:30

Kire teꞌurine, nge kire si uusungeꞌinie a Banabas na a Sol hunie kirerue ke toolea mo niinge na kire ke niiꞌi hunie mo naꞌohai iinoni aana soihaadaꞌinge.

Palonga 14:23

Na i laona ahutana mo soihaadaꞌinge kirerue lio hilisie mo naꞌohai mwane huni naꞌoda. Na kirerue iiꞌo mola peꞌie oolongaunge na aarengaꞌinge talada, na kirerue toliꞌaasire mola hunie a Aalaha, iini nge kire hiiwalaimoli oto aana.

Palonga 15:4

Maholo a Pol na Banabas kire lai hule taꞌau i Jerusalem mo hurulaꞌaa na mo rato aana soihaadaꞌinge, na ahutana soihaadaꞌinge kire tohungei tola konirerue. Oto a Pol na Banabas kire ko unu tahangaꞌinie hunie mwala walu ola nge a God e asuiꞌi hunirerue aana asunge ikirerue.

Palonga 15:6

Oto mo hurulaꞌaa na mo rato aana soihaadaꞌinge kire ruru, kire ko si ere i sulie mei olana.

Palonga 2:32

Na a Jisas oto a God e taꞌea hunie ke mauri eelihoꞌi mwaanie maenga, na melu tohungei leesie oto aana maameelu.

Palonga 20:17

Oto a Pol e haꞌatolaa mei wala uure i Maelitas hunie mo naꞌohai mwane aana soihaadaꞌinge i Epesas uri kire ke lae kaꞌu mei saana.

Palonga 20:28

“Oto omu ke kinetaꞌiniꞌomu, na omu ke kinetaꞌinie noꞌone amaa ni sipu nge a Liꞌoa Maaꞌi e niie huniꞌomu hunie omu ke lio i sulie. Na omu ke iiꞌo mala kira kakakali sipu, aana amaa ni sipu ngeena oto soihaadaꞌinge a God, ahutana mwala nge Kalena e holi mangora aana apune maholo e mae mala nga uunu-olanga.

Palonga 21:18

Oto aana dinge loꞌu i puri, ahutameelu, melu meni lae huni lai leesie a Jemes, na ahutana mo naꞌohai mwane aana soihaadaꞌinge ikire noꞌone peꞌie.

Palonga 3:15

Nge ko urine, na huulaa ni meurihe nge omu horo maesie oto. Taꞌe a God e taꞌe aalihoꞌi aana loꞌu mola mwaanie maenga, na iꞌemeelu oto melu tohungei leesie aana maameelu.

2 Korinit 5:1

Kie ko oꞌoꞌo mola mai laona walumalau peꞌie mei sape mamaelaꞌa nge hule aana e kaꞌa sai iiꞌo tewa ike, na e urihana mola iiꞌonga aana mo aapa-aapa i meꞌesu. Na maholo oho-aasilana mo aapa-aapa ngeena kei lae, nge kie ke si lae hunie mo nume diana oto liutaa. Aana kie saie uri a God e dau aakau aana mei sape diana liutaa naka huni iiꞌo aana taꞌau i Lengi, ola ingeie maraana e asuie na iini kei iiꞌo oto huu.

2 Korinit 5:8

Oto kie kaꞌa maꞌu ike, taꞌe kie loꞌongaꞌi meꞌutaꞌa mola uri e lae oto i diana liutaa huni toliꞌaasie mola mei sape ni welumalau ngeena, na hunie kie ke lai iiꞌo aana tohungei henue ikie i saana a Aalaha.

Pilipae 1:19

aena aana nou saie uri, mwaanie aarengaꞌinge iꞌomu talaku na mwaanie peꞌinge aana Liꞌoa Maaꞌi a Jisas Kraes, a God kei luhesieu taane mwaanie nume ni hoꞌo ie.

1 Timoti 5:1

Maholo o ko haꞌa-oodohie nga mwane nge e neꞌi rato oto, o ke suꞌuri ere raramaa hunie, taꞌe o ke ere rako peꞌie mala uri ingeie oto aamamu. Na o ke takuhie mo mwane saanau oto mala ikire mo eesimu mwane.

1 Timoti 5:19

O ke suꞌuri rongo hunie nga iini nge ko unue uri nga naꞌohai mwane haahie soihaadaꞌinge e dau huꞌisie nga haꞌatolanga, mala uri taꞌe ingeie mola ko ere urine na nga ro iini wa e oolu kire kaꞌa lae ike mai ere urine noꞌone.

2 Timoti 4:8

Na waaite nge ne kei toolea i maana halinge ngeena e iiꞌo aakau loosieu oto, aana ineu nou iiꞌo oodotaꞌi oto i maana God. A Aalaha kei lei oodotaꞌi aana ahutana mwala, na aana Dinge Ooreta ke si waaieu taane. E saꞌa da ike leune hunieu haliꞌite, taꞌe hunie ahutana mo iini kire manata diana hunie na kire ko maaꞌoohie oolinge ingeie mai.

Taetas 1:5

Iau, kaleku, nou haꞌa-ooreꞌo kaꞌu mola wau i Krit hunie o ke haꞌamangoa mo esunge nge kure kaꞌa haꞌamangoꞌi ue, na hunie o ke lio hilisie nga mo mwane hunie kire ke neꞌi naꞌohai mwane huni lio i sulie mo soihaadaꞌinge i laona mo huilume wau i leune. O ke asuie walu ola ngeena mala nou unuꞌi oto huniꞌo.

Hibru 12:1

Oto pulitaa oto paine ienini kire haataꞌi diana aana tala aana hiiwalaimolinge ngeena, na kire loko kali-kelikie oto huni toꞌo-toꞌomaaie hurunge ni hiiwalaimolinge ikie. Aena urine, kie ke toliꞌaasie taꞌena nga ola ko liu-liu honosikie mwaanie hiiwalaimolinge aana God, na kie ke toliꞌaasie noꞌone mo walo ni oorahaꞌaa nge ko hiriꞌikie oto tarau. Oto kie ke huru aꞌailaꞌa taraꞌasi aana hurunge nge a God e totohoa oto naka huni huru aana.

1 Pita 1:12

Oto a God e haataꞌinie hunie mo propet uri mei wala toꞌohuu nge kire ko lae peꞌi tarohaꞌinie ngeena, e kaꞌa mei ola ike mola huni peꞌire maraada, taꞌe mei ola oto huni peꞌilemiu aana ni ngeena. Na Liꞌoa Maaꞌi nge a God e uusungeꞌinie mai, e niie oto nanamanga hunie ngaeta mwala siꞌiri, uri hunie kire ke tarohaꞌinie Tataroha Diana ngeena huniꞌomu. Na aana walu ola ngeena e tohungei diana na e manikuluꞌe oto liutaa, nge hule aana mo ensel taꞌau i Lengi na ikire noꞌone kire ko sare sai diana aana Tataroha Diana ngeena.

1 Pita 1:7

Walu ola urine, mo ola mola huni leesie uri hiiwalaimolinge iꞌomu e toꞌohuu taane. Hiiwalaimolinge iꞌomu ngeena e kele urihana kol nge holitana e paine. Aana kire sai esu oto hiitoꞌo aana kol lae hule aana kire sai neꞌie i laona dunge paine hunie ke aahe, hunie kire ke toolea tohungei kol nge e manola, na nga mei mada haꞌike loꞌu peꞌie. Mo aasanga ko deu urine noꞌone aana hiiwalaimolinge iꞌomu ngeena, taꞌe hiiwalaimolinge iꞌomu e tohungei hiꞌe loꞌu liutaa aana kol ngeena nge hule aana kei eiꞌaa mola. Oto mala uri hiiwalaimolinge iꞌomu ke susu maꞌalana mo aasanga uri taa ko hite aamiu, nge mwala kei tohungei haꞌapainaꞌaꞌomu na kire kei soi haꞌamanikuluꞌaꞌomu na kire kei laheꞌomu oto hiitoꞌo aana maholo a Jisas Kraes kei ooli loꞌu mei.

1 Pita 4:13

E diana uri hunie omu ke ile-ilenimwaꞌe mola, aana omu ko sapesalu oto noꞌone mala a Kraes e sapesalu keꞌu. Aena leune omu kei ilenimwaꞌe noꞌone aana maholo a Kraes kei lae mai peꞌie manikuluhaꞌana God.

1 Pita 5:4

Na maholo nge Naꞌohai Kakalihe haahie mo sipu kei ooli mei, nge ingeie ke si niie waaite e tohungei menikuluꞌe huniꞌomu, na mei waaite ngeena e saꞌa mango ike loꞌu aana nga maholo.

1 Jon 3:2

Iau maeni malahuku, kie neꞌi mwela oto a God, na kie kaꞌa saie ue uri a God kei oolisikie loꞌu uri taa taꞌau i Lengi. Taꞌe kie saie taane oto uri maholo a Kraes kei ooli loꞌu mei, kie kei hei-oolisi mala ingeie, aana kie kei leesie tohungana manikuluhaꞌana.

2 Jon 1:1

Saediananga mwaanieu Rato ni mwane aana soihaadaꞌinge, huniꞌo tohungei keni diana a God peꞌie maeni kalemu. Ineu peꞌie ahutana oto mo iini e manataꞌinie walaimolinge ko manata diana huniꞌomu,

3 Jon 1:1

Saediananga mwaanieu Rato ni mwane aana soihaadaꞌinge, huniꞌo Kaeas. Nou tohungei manata diana huniꞌo, malahuku diana ineu,

Haataꞌinge 1:9

Ineu a Jon, aasimiu kolu meni hiiwalaimoli aana a Jisas. Ikolu, kolu ko meni lae peꞌi uure maꞌutaꞌa, maꞌalana mwala ko teungeꞌinikolu haahie uri ikolu oto i laona Aalahanga a God. Kire neꞌieu wau i laona mala-malau ni hoꞌo i Patmos, aena aana no ko tarohaꞌinie walana a God na walaimolinge i sulie a Jisas.