1 Pita 4:9 - Tataroha Diana

⁹ Na mala uri nga iini e hiiwalaimoli ko saetoꞌo aana nga mei ngeulaa wa nga leu ni iiꞌo, nge omu ke tolakonie aana mo nume iꞌomu peꞌi ilenimwaꞌenga.

1 Pita 4:9 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 12:13

Omu ke peꞌie mo iinoni a God aana maholo kire ko lae oodoie aasanga, na omu ke tola konie mo awataa i laona mo nume iꞌomu.

Uusu-uusu A Pol Hurula'aa Hunie Mo Rom 16:23

A Gaeas noꞌone ko niie wau mei wala ni saediananga huniꞌomu. Ingeie oto e tola konieu a Pol i nume ingeie aana maholo ienini, na e toliꞌaasie noꞌone nume ingeie hunie mwala aana soihaadaꞌinge ke loko aana. A Erastas iini lio-lio i suli toꞌoha aana huilume ienini, na aasikaelu a Kuotas kirerue ko niie noꞌone mei wala ni saediananga huniꞌomu.

2 Korinit 9:7

Oto nga iini na e nii-nii oto i sulie saena, na mwaanie e nii mola aana kire ko deu rarahie, na ingeie e lalawa huni nii. Taꞌe ke nii oto aani mwaꞌe-mwaꞌenga, aana a God e manata diana hunie iini ko nii aani ilenimwaꞌenga.

Pilipae 2:14

Taꞌe-taꞌena nga ola omu ko euꞌesuie, omu ke auꞌesu oodo-oodo oto mola aana, mwaanie upwanga na haitelilinge haahiꞌi.

1 Timoti 3:2

Oto taꞌena nga iini nge e neꞌi naꞌohai mwane haahie soihaadaꞌinge ke holaꞌi iiꞌo oodotaꞌi na ke suꞌuri toliꞌaasie nga matahaa hunie mwala ke siho aana. Iinonine ke suꞌuri tolarue, na ke kinetaꞌinie tolahana, na ke nihisie saena. Iinonine ke tohungei iiꞌo diana hunie ke malisine mwala ke haꞌamaꞌu aana, na ke tola konie mwala i laona nume ingeie, na ke sai haꞌa-uusuli diana aana mwala.

Taetas 1:8

Taꞌe kire ke takuhie mola mo awataa, na kire ke mwaꞌe-mwaꞌe mola huni esuie mo ola diana. Kire ke kinetaꞌinie tolahada hunie kire ke asuie mola mo ola oodotaꞌi. Kire ke iiꞌo maaꞌi, na kire ke nihisie saeda mwaanie aaelanga.

Pilimon 1:14

Taꞌe nou kaꞌa sare da ike leune na nou kaꞌa holaꞌi ere peꞌiꞌo, mwaanie uri o saꞌa ilenimwaꞌe ike haahie. Aana nou kaꞌa sare dau rarahiꞌo ike huni esuie mei ola diana urine, taꞌe saeku hunie iꞌoe mola maraamu o ke neꞌisae ni esuie.

Hibru 13:16

Na mwaanie omu pupulongosie peꞌilana ngaeta mwala aani esunge diana nada, aena aana mo uunu-olanga urine noꞌone nge saena God ko lae otoi mamango haahiꞌi.

Hibru 13:2

Na mwaanie omu pupulongosie tolakonilana mo awataa i nume iꞌomu. Aana nga mo iini e teteꞌurine kaꞌu oto wau i naꞌo, na hule aana kire kaꞌa saie ike uri kire ko tolakonie taane oto mo ensel i nume ikire.

Jemes 5:9

Omu ke suꞌuri upwesiꞌomu heiliu, maeni eesiku, mwaanie a God e leiꞌomu. Na leinge e karaꞌinie oto kei lae mai.