1 Pita 4:6 - Tataroha Diana

⁶ Aena leune kaꞌu laeliwalanga aana Tataroha Diana e haro lae hunie mwala oto waite nge kire aiꞌaa oto mwaanikolu siꞌiri. Aana maholo kire mau-meuri ue, leilada e lae oto, na sapeda e mae oto. Taꞌe maꞌalana kire mae oto aana sape, kire toꞌo aana oto maurihe huu peꞌie a God taꞌau i Lengi.

1 Pita 4:6 ပူးပေါင်းရင်းမြစ်များ

Matiu 24:9

“Aana maholona mo maelonga iꞌomu kire kei tapoliꞌomu, na kire kei haꞌaloiꞌomu, na kire kei horo maesiꞌomu. Ahutana mo iinoni kei maalelediꞌomu aena aana omu ko lulu i sulieu.

Uusu-uusu A Pol Hurula'aa Hunie Mo Rom 8:2

Na aena aana kie lado mone oto peꞌie a Kraes, nge nanamanga aana Liꞌoa Maaꞌi e niie mauringe oto hunikie, na e da kie iiꞌo luhetaꞌi oto mwaanie nanamanga aana oorahaꞌaa nge e sai horoꞌikie.

Kalesia 2:19

“Taꞌe nou saꞌa teꞌurine loꞌu, aena aana maholo nou eriꞌapasie lulu i sulilana mo Haꞌatolanga, nge nou si lio saie uri e aasa hunie ne ke dau oodoie oodo-oodonga i maana God urine. Oto e urihana nou mae oto hatarie mo Haꞌatolanga aana nou toliꞌaasiꞌi oto, na ienini no ko meuri oto mola nana God. Nou mae oto peꞌie a Kraes i lengine poꞌu-poꞌu ingeie.

Kalesia 5:25

Oto aana a Liꞌoa Maaꞌi e niie maurihe hunikie nge kie ke lio i sulie maurihaꞌaka hunie kie ke mani aato ae toꞌohuu peꞌie a Liꞌoa Maaꞌi.

1 Pita 1:12

Oto a God e haataꞌinie hunie mo propet uri mei wala toꞌohuu nge kire ko lae peꞌi tarohaꞌinie ngeena, e kaꞌa mei ola ike mola huni peꞌire maraada, taꞌe mei ola oto huni peꞌilemiu aana ni ngeena. Na Liꞌoa Maaꞌi nge a God e uusungeꞌinie mai, e niie oto nanamanga hunie ngaeta mwala siꞌiri, uri hunie kire ke tarohaꞌinie Tataroha Diana ngeena huniꞌomu. Na aana walu ola ngeena e tohungei diana na e manikuluꞌe oto liutaa, nge hule aana mo ensel taꞌau i Lengi na ikire noꞌone kire ko sare sai diana aana Tataroha Diana ngeena.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

1 Pita 3:19

Iau, e mauri eelihoꞌi loꞌu, na ko lae-lae ue peꞌie taꞌa-taꞌa mei esunge ingeie mala waite maholo e lae aana nanamanga a Liꞌoa huni laeliwala hunie mo iini aana pongine a Noa maholo e asuie haka. Maꞌalana mwala aana maholona kire tohungei aaela oto liutaa, taꞌe a God e talei maa-maaꞌoohie mola kire ke aaliꞌu mei takoie. Taꞌe kire hai-heitohe mola na siꞌiri maurihaꞌada e iiꞌo oto mola i nume ni hoꞌo. Maholo lue-lue paine e tola, e walu aata iini aada mola kire taꞌe i laona haka hunie haꞌa-uurilada ke lae mwaanie kire inu.

Haataꞌinge 14:18

Oto ensel nge ko lio-lio i sulie dunge aana ora ni uunu ola, e lae mai mwaanie ora ni uunu-uunu na ko soi weu hunie ensel nge e hele aana naihi uuri, “O ke toolea naihi iꞌoe na o ke lae oto i soꞌo niu, aena aana mo niu i laona pariki aana walumalau kire ulu-ulu oto.”