1 Pita 4:18 - Tataroha Diana

¹⁸ Aana mo Uusu-uusu Maaꞌi e unue uuri, ?Mala uri haꞌa-uurilana kira oodotaꞌi e kaꞌa mwadaꞌu ike, nge kei uri taa hunie kira oorahaꞌaa nge kire kaꞌa manataꞌinie ike a God? Provebs 11:31

1 Pita 4:18 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 15:1

Aana ngaeta hai dinge, mwala susulu toꞌoha na mo iini e oorahaꞌaala kire lae mai saana Jisas huni rongoa mo haꞌa-uusulinge ingeie.

Tataroha Diana I Sulie A Jisas Kraes Nge A Luk E Uusue 23:31

Ineu nou urihana ai nge e mauri, aana nou kaꞌa dau huꞌisie nga mei ola, taꞌe maꞌalana e urine walu ola aaela ko reu oto aaku ienini. ?Oto kei uri taa taane huniꞌomu, mo iinoni oorahaꞌaala? Kei tohungei aaela oto liutaa huniꞌomu aana omu urihana mola ai nge e mae aakau oto loosie aasilana i laona dunge.”

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Palonga 27:24

oto ko teꞌuri, ‘Suꞌuri meꞌu Pol. O kei haro lai uure i naona Inemauri Peine ni Rom. Na aana a God e rongo hunie aarengaꞌinge iꞌoe, oto ke si haꞌa-uurie ahutana mwala nge kire ko lae peꞌiꞌo ngeena.’

Palonga 27:31

Taꞌe a Pol ko teꞌuri hunie ramo paine haahie tangalai ramo ngeena na hunie mo ramo peꞌie, “Mala uri mo mwane aana haka kire kaꞌa iiꞌo peꞌie haka, nge a God e saꞌa roroꞌa haꞌa-uuriꞌomu ike.”

Uusu-uusu A Pol Hurula'aa Hunie Mo Rom 1:18

Uure i Lengi a God e haataꞌinie oto uri e tohungei saewasu haahie ahutana oorahaꞌaa na tataꞌalanga mwala. A God kei haro haꞌaletehire taane, aena aana mo tataꞌalanga ikire ko deu honosie mola walaimolinge mwaanire maraada na mwaanie ngaeta mwala loꞌu.

Uusu-uusu A Pol Hurula'aa Hunie Mo Rom 5:6

Aana tohungana maholo a God e lio hilisie, nge a Kraes e mae huni peꞌikie mo iinoni oorahaꞌaala huni lulu i sulie a God, aana kie kaꞌa sai peꞌikie ike maraaka urine.

1 Korinit 10:12

Aena urinena, maeni eesiku, mala nga iini ko unue uri ko uure maꞌutaꞌa oto, nge ke tohungei lio talana oto mwaanie e oorahaꞌaa mala mo weuwaka i naꞌo.

1 Timoti 1:9

Na kie saie taane noꞌone uri mo Haꞌatolanga ngeena kire kaꞌa iiꞌo ike huni haꞌa-oodohie mwala diana, taꞌe huni haꞌa-oodohie mo iini nge kire ko deu aaelasie mo Haꞌatolanga na kire ko deu roroꞌanga mola tarau. Haꞌatolanga oto ola huni haꞌa-oodohie mo iini nge kire sereꞌinie a God na kire iiꞌo mola peꞌie oorahaꞌaanga na kire ko ere mwakataꞌinie mola a God na taꞌena nga ola maaꞌi. Na Haꞌatolanga ola noꞌone huni haꞌa-oodohie mo iini ko horoꞌie mo aamada na mo nikada na taꞌena nga iinoni loꞌu.

Hibru 4:1

Haiholotaꞌinge a God ngeena e iiꞌo mola ue, uri mo iini nge kire hiiwalaimoli aana kire sai mamalo aana leu ni mamalo e dau aakau aana loosire. Oto omu ke lio-lio diana talamiu, mwaanie uri nga iini eemiu e oore aani helesilana mei mamalonga ngeena.

Jemes 5:6

Omu leie kira oodotaꞌi hunie maenga, na omu horoꞌire, taꞌe ikire, kire kaꞌa uure honosiꞌomu ike.

1 Pita 5:8

Taꞌe maelonga paine iꞌomu ngeena, a Pwelu Eero-eero, ko talei lae kali-keliꞌomu oto mola tarau huni waeliꞌomu. Ingeie ngeena domana oto nga laeon ko lae peꞌi tea paine aana ko lio hunie nga iini huni oonomie. Oto omu ke lio-lio diana talamiu, na omu ke kinetaꞌinie tolahamiu mwaanie aaelanga.

2 Pita 3:7

Oto aana taꞌa-taꞌa mei wala a God noꞌone mola, nge salo na aano huu kire iiꞌo siꞌiri, na nanamanga aana walana mola nge ko hele aadarue loosie Dinge Ni Leinge. Aana maholona dunge kei lae mai huni weru suuheꞌinie walumalau na ahutana mo iinoni nge kire kaꞌa manataꞌinie ike a God.

Jiud 1:15

huni leie ahutana mwala. Na ko lae mai huni lei mae aana ahutada kira oorahaꞌaala haahie mo oorahaꞌaa kire asuiꞌi aana kire kaꞌa lae ike i sulie tolahana God. Na kei haꞌaloie kira oorahaꞌaala haahie mo tohungei wala aaela nge kire unuꞌi honosie a God.”