1 Pita 4:12 - Tataroha Diana

¹² Maeni iinoni maaꞌi ineu, maholo ienini omu ko tohungei sapesalu oto hiitoꞌo aana mo ola ko lae peꞌi hite aamiu. Mwaanie omu pangataꞌinie walu ola urine na omu loꞌongaꞌinie uri walu ola ngeena ke suꞌuri hite aamiu. !Haꞌike!

1 Pita 4:12 ပူးပေါင်းရင်းမြစ်များ

1 Korinit 10:13

Ahutana mo malaahonga nge ko hite-hite aamu ngeena, taungei ola oto e sai hite mola aana taꞌena nga iinoni ni ngeena. Taꞌe a God ko deu mola i sulie haiholotaꞌinge ingeie, na e saꞌa tohungei toliꞌaasie ike uri malaahongalamu ke lae liue nga taa o sai uure honosie. Aena urine, maholo malaahongalamu ko lae, nge a God kei haataꞌinie tala huniꞌo mwaanie takalonga ngeena, na kei peꞌiꞌo taane hunie o ke uure aꞌailaꞌa honosie oorahaꞌaa.

1 Korinit 3:13

Taꞌe aana hai dinge ooreta, dunge kei haataꞌinie mo taungei esunge hai aaopaꞌi nge mwala e asuiꞌi, ohe kire diana taane wa haꞌike.

2 Timoti 3:12

Na e toꞌohuu oto uri taꞌe-taꞌena nga iini ko lado peꞌie a Jisas Kraes na ko sare iiꞌo maaꞌi nana, nge mwala kei haꞌaloie oto urine.

1 Pita 2:11

Maeni iinoni maaꞌi, iꞌomu nga mo iinoni ni welumalau haꞌike na omu iiꞌo mola mai mala mo awataa, na tohungei henue iꞌomu oto taꞌau i Lengi. Aena urine no ko unue oto huniꞌomu uri omu ke suꞌuri lae loꞌu i sulie mo saehanalinge aaela iꞌomu. Aana mo neꞌisaenga aaela ngeena kire sai ooho honosie maurihaꞌamiu.

1 Pita 4:4

Taꞌe maholo ienini mo malahumiu oto i naꞌo kire ko tohungei pangataꞌiniꞌomu aana omu kaꞌa sare lae loꞌu peꞌire huni deu i sulie mo tolahai ola aaela ngeena. Oto kire ko ere tataaꞌiniꞌomu oto.

1 Pita 5:9

Omu ke haꞌa-aꞌailaꞌaa hiiwalaimolinge iꞌomu na omu ke uure maꞌutaꞌa honosie mo malaahonga aana aaelanga na ahutana mo esunge aaela a Satan. Aana omu saie uri taꞌa-taꞌa taungei aasanga nge ko hite aamiu ngeena ko lae noꞌone hunie ahutana mo iinoni nge kire hiiwalaimoli aana taꞌe-taꞌena nga leu kire iiꞌo aana i laona walumalau.