1 Pita 4:11 - Tataroha Diana

¹¹ Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.

1 Pita 4:11 ပူးပေါင်းရင်းမြစ်များ

Matiu 6:13

Na mwaanie o toliꞌaasiꞌemi huni oorahaꞌaa maholo malaahongalamami ko lae, taꞌe o ke lio i suli diana aamami mwaanie Iini Oorahaꞌaa.

Tataroha Diana I Sulie A Jisas Kraes Nge A Jon E Uusue 13:31

Oto i purine a Jiudas e iisitaa, a Jisas ko si teꞌuri, “Oto molana a God kei haataꞌinie manikuluhaꞌaku a Kale Ni Iinoni, na lio sailana manikuluhaꞌana a God kei lae oto noꞌone aana nga taa ineu a Kale Ni Iinoni ne kei esuie.

Palonga 7:38

Ingeie oto e oꞌoꞌo peꞌie mwala a God i laona hanuesala. Na ingeie oto e haꞌa-haꞌarongoa mo weuwaka, aana walu ola nge ensel e unuꞌi hunie i lengine toloi henue i Saenae. Na e rongoa mei wala ni meurihe a God, oto e niie mai hunikie.

Uusu-uusu A Pol Hurula'aa Hunie Mo Rom 11:36

A God oto e haꞌaholaa ahutana walu ola, na ahutana walu ola ngeena e uure mola aana nanamanga ingeie, na walu ola ngeena walu ola ingeie haliꞌite. !Oto kie ke haꞌamanikuluꞌaa God taraureꞌi! Ke urine oto.

Uusu-uusu A Pol Hurula'aa Hunie Mo Rom 12:3

Aana a God e manata diana mone hunieu, nge e lio hilisieu mala Hurulaꞌaa ingeie huniꞌomu mo Aapoloa Aaopa, na e niie noꞌone mei wala ienini hunie ne ke unue huniꞌomu uri nga iini eemiu ke suꞌuri neꞌi-neꞌisae toohaꞌinie maraana, taꞌe omu ke neꞌi-neꞌisae toꞌohuu mola, na omu ke totohoꞌomu maraamiu mola aana hiiwalaimolinge nge a God e niie huniꞌomu e paine uri taa.

Uusu-uusu A Pol Hurula'aa Hunie Mo Rom 16:27

A God maraana oto e toꞌo aana ahutana mo saenanaunge, na aena aana nga taa a Jisas Kraes e asuie hunikie, kie ke soi haꞌamanikuluꞌaa God oto di, na oto di. !Iau, ke urine oto!

Uusu-uusu A Pol Hurula'aa Hunie Mo Rom 3:2

Iiꞌonga mala iinoni ni Jiu e diana aana mo tala hunge. Eetana oto, a God e niie oto mai walana huniꞌemi mo Jiu uri emi ke lio i sulie.

1 Korinit 10:31

Taꞌe e uuri mola, maꞌalana omu ko ngeu wa omu ko inu wa omu ko esuie loꞌu taꞌena nga mei ola, taꞌe omu ke asuiꞌi mola huni haꞌamanikuluꞌaa a God.

1 Korinit 12:4

Mo taungei niinge ni Liꞌoa kire hunge na kire mani hei aaopaꞌi, taꞌe taꞌa-taꞌa Liꞌoa mola ni ko niiꞌi.

1 Korinit 3:10

A Jisas Kraes oto poo-pootana nume ngeena, na nga poo-poota aaopa hunie nga iini ke neꞌie loꞌu, haꞌike oto ooꞌoo. A God e niie mai nanamanga hunieu, hunie ne ke neꞌie mwane saenanau diana aana tohu-numanga. Oto ineu nge nou neꞌie poo-pootana nume ngeena, na ngaeta mo mwane ko si tohu nume i lengine. Taꞌe kire ke lio talada mola hunie kire ke tohu diana aana nume ngeena.

1 Korinit 6:20

aena aana a Kraes e pwani holiꞌomu oto aana holite oto paine. Oto walu ola omu ko esuiꞌi aana sapemiu, omu ke asuiꞌi hunie mwala ke soi haꞌamanikuluꞌaa a God haahiꞌi.

2 Korinit 2:17

Mo iini oto hunge ko lupweꞌi tarohaꞌinie walana God, taꞌe kire kaꞌa asu toꞌohuu ike, aena aana saeda mola hunie kire ke tari toꞌoha aana. Taꞌe iꞌemeelu, melu aaopa oto mwaanire aana melu ko tarohaꞌinie walana God aani sae manola peꞌie nanamanga a Kraes. Na melu saie uri a God nge e uusungeꞌiniꞌemeelu mala mo koni-konihe ingeie, na ko toꞌo-toꞌomaaie taane nga taa melu ko euꞌesuie.

2 Korinit 9:13

Na i tehulaꞌana mei esunge diana iꞌomu ngeena ko haataꞌinie hiiwalaimolinge iꞌomu e toꞌohuu, nge mwala oto hunge kei paalahea God. Omu hiiwalaimoli aana Tataroha Diana a Kraes na omu tola i sulie Tataroha Diana ngeena aani peꞌinge hunire na ahutana mwala loꞌu. Oto mwala hunge kei haꞌamanikuluꞌaa God haahie mwaꞌe-mwaꞌenga iꞌomu.

Epesas 1:19

Na no ko eitanaie a God loꞌu hunie omu ke lio saie noꞌone nanamanga paine ingeie nge ko esu i laona manataka, mo iini kie hiiwalaimoli aana. Nanamanga nge ko esu oto aana maurihaꞌaka,

Epesas 4:29

Omu ke suꞌuri unu-unue mo wala aaela, taꞌe omu ke unu-unue mo wala nge kire malisine maholo ngeena huni peꞌie mwala. Aana taungei erenga urine, e sai haꞌadianaꞌaa mo iini nge kire ko rongoa.

Epesas 5:20

Na omu ke paalahea God Mamaꞌa tarau haahie taꞌena nga ola aana satana Aalaha ikie a Jisas Kraes.

Epesas 6:10

Oto taꞌa-taꞌa mei ola no ko sare unue loꞌu. Omu ke uure maꞌutaꞌa peꞌie aꞌailaꞌanga a Aalaha nge omu lado oto peꞌie, aana ingeie oto e toꞌo aana nanamanga e paine liutaa.

Pilipae 1:11

Oto omu ke si honu aana hue-huana oodotaꞌinge nge a Jisas Kraes maraana haꞌalaa ko niie, aani esuilana mo ola diana hunie mwala ke haꞌamanikuluꞌaa God peꞌi paalahelana haahiꞌi.

Pilipae 2:11

Na ahutada kire kei meni houleꞌinie oto uri a Jisas Kraes ingeie Aalaha haahie taꞌena nga ola. Na kire kei meni haꞌamanikuluꞌaa satana God Aamaka.

Kolosi 4:6

Omu ke ere hunire peꞌie saenanaunge na mo wala diana mwaanie kire poo-poosuaꞌa huni rongo huniꞌomu, taꞌe hunie kire ke rongo diana i sulie ahutana mo aalaminge nge o kei niiꞌi hunie mo dolosinge ikire.

1 Tesalonaeka 2:4

!Haꞌike! A God e lio hilisiꞌemeelu oto na e norutoꞌo oto aameelu uri melu melisine oto tarohaꞌinilana Tataroha Diana. Oto maholo melu ko ere, melu kaꞌa ere ike mola i sulie saena mwala, taꞌe oto i sulie saena God, iini e saenanau uri melu ke asu toꞌohuu nana, na e lio hilisiꞌemeelu huni esu nana.

1 Timoti 1:17

Oto kie ko tohungei paalahea Inemauri nge e iiꞌo huu, e saꞌa roroꞌa mae ike loꞌu, kie kaꞌa sai leesie ike aani maa. Taꞌe ingeie mola e neꞌi tohungei God, ahutaka mo iinoni kie ke haꞌamaꞌu aana kie ke soi haꞌamanikuluꞌaa oto di, oto di. !Iau, ke urine oto!

1 Timoti 6:16

Ingeie oto haliꞌite nge e saꞌa roroꞌa mae ike. E iiꞌo i lalo aana raa-raa, raa-raa ngeena nga iini e saꞌa lae wau karaꞌinie, nga iinoni e kaꞌa leesie ike ue a God, wa ke sai leesie. Oto mwala kei meni soi haꞌamanikuluꞌaa oto di. Nanamanga ingeie kei iiꞌo huu oto nana. !Iau, ke urine oto!

Taetas 2:1

Taꞌe iꞌoe, Taetas, o ke haro haꞌa-uusulie mola mwala aana haꞌa-uusulinge toꞌohuu.

Taetas 2:15

O ke haꞌa-uusulire tarau i sulie walu ola nge no ko unuꞌi huniꞌo ienini. O ke ere haꞌasusure, na o ke haꞌa-oodohie mo iini kire ko lae takalo mwaanie tala diana ngeena. O toꞌo aana oto nanamanga huni deu urine, oto o ke suꞌuri toliꞌaasie nga mo iini kire ke loꞌongaꞌi mwakataꞌiniꞌo.

Hibru 13:7

Omu ke aamasitoꞌo aana mo iini nge kire unu-unue kaꞌu walana God huniꞌomu na kire naꞌomiu i sulie tala diana ngeena. Omu ke toꞌomaaie iiꞌonga diana ikire lai hule oto aana kire mae, hunie iꞌomu noꞌone omu ke hiiwalaimoli diana loꞌu mala ikire.

Hibru 5:12

Omu hiiwalaimoli ko tewa oto, na e malisine omu ke neꞌi haꞌa-uusuli oto. Taꞌe e lio mala omu kaꞌa sai diana aana ue mo haꞌa-uusulinge nge omu holaꞌi rongoꞌi keꞌu i sulie a Kraes. ?E ue kaꞌu e urine? Omu urihana mola mo mwela nge kire ko sususu ue, na omu kaꞌa malisine ue ngaulana mo ngeulaa maꞌutaꞌa.

Jemes 1:19

Maeni eesiku, omu ke loꞌongaꞌi kohi i sulie mo ola ienini. Omu ke mwaꞌe-mwaꞌe huni hehurongo, na haro loꞌongaꞌi omu ke si ere. Suꞌuri saewasu oto lau-leu,

Jemes 1:26

Mala nga iini ko loꞌongaꞌinie uri ingeie nga mwane aana soihaadaꞌinge, taꞌe e kaꞌa kinetaꞌinie erenga aana meana, nge urine ko talei haꞌapweue mola maraana, na asunge ingeie aana soihaadaꞌinge, nga ola toꞌohuu haꞌike.

1 Pita 2:12

Oto omu ke lio-lio talamiu i matolana mo iinoni ni welumalau aana kire ko sare haꞌa-haꞌapeliꞌomu haahie mo ola hunge. Taꞌe omu ke iiꞌo oodotaꞌi mola tarau hunie kire ke leesie tolahamiu e oodotaꞌi. Omu ke teteꞌurine hunie maholo aasanga kei hite aada, ikire noꞌone kire ke si hiiwalaimoli, na kire ke soi haꞌamanikuluꞌaa a God haahiꞌomu.

1 Pita 2:5

Urine iꞌomu noꞌone omu ke urihana mo heu hunie nume a God. Na neꞌisaenga aana nume a God oto ahutana mo iinoni nge kire ko lulu i sulie aana nanamanga a Liꞌoa Maaꞌi, nge soihaadaꞌinge a God otona. Iꞌomu aana soihaadaꞌinge a God, omu meni neꞌie oto mwala maaꞌi nge kire sai lae oodo taꞌau i naꞌona a God huni uunu-uunu ola i saana. Iau, omu meni neꞌi pris oto, na aana peꞌinge a Jisas Kraes mone, mo ola diana omu ko esuiꞌi nana kire neꞌie mo uuraaꞌinge nge a God ko ilenimwaꞌe haahiꞌi ngeena.

1 Pita 4:10

Iau, omu ke peꞌiꞌomu heiliu, aana a God e niie oto hunie taꞌena nga iini eemiu mei nanamanga huni deu esunge nana. Oto taꞌena nga iini eemiu ke asu diana aana taungei nanamanga a God e niie oto nana, hunie mo niinge hai aaopaꞌi nge a God e niiꞌi nana soihaadaꞌinge ke mani eehu diana.

1 Pita 4:16

Taꞌe mala uri nga iini ko sapesalu i tehulaꞌana ko lulu i sulie a Kraes, nge ke suꞌuri masa haahie leune, taꞌe ke paalahea mola a God aena aana mwala kire lio saie oto uri ingeie ngaeta iini a Kraes.

1 Pita 5:11

Kie ke paalahea God haahie nanamanga ingeie e saꞌa mango loꞌu. Iau, ke urine oto.

Jiud 1:25

Ingeie oto e taꞌa-taꞌa God mou-mouteꞌi a Haꞌa-uuritaka. Oto kie ke haꞌapainaꞌaa aena aana i tehulaꞌana a Jisas Kraes Aalaha ikie, e toꞌo aana taꞌena nga manikuluꞌanga, na aalahanga, na sakanga, na nanamanga uure oto waite, na oto molana, na oto di.