1 Pita 3:8 - Tataroha Diana

⁸ Leu ooreta no ko unue mola uri omu ke mani toꞌo aana mola taꞌa-taꞌa mei sae, na omu ke aama-aamasiꞌomu heiliu. Omu ke mana-manata diana huniꞌomu heiliu mala mo mwaasine. Omu ke sae-saediana huniꞌomu heiliu, na omu ke haꞌamwai-mweiꞌaꞌomu maraamiu.

1 Pita 3:8 ပူးပေါင်းရင်းမြစ်များ

Matiu 18:33

?Na e ue o kaꞌa aamasie iini oamune oto mala nou aamasiꞌo?’

Tataroha Diana I Sulie A Jisas Kraes Nge A Luk E Uusue 10:33

Taꞌe lae-lae, ngaeta mwane ni Samaria, mwane aana hanue mo maelonga ikie mo Jiu, ko lae noꞌone hao i sulie tala ngeena. E lae hao i leesie a mwaena na e eno mola i sulie tala, oto ko tohungei aamasie.

Palonga 2:1

Oto e hule aana Houlaa Ni Pentekos e hiu wiki mola i purine a Jisas e tahelaꞌi mwaanie maenga, na aana hai dinge ngeena mo hurulaꞌaa kire mani ruru aana taꞌa-taꞌa leu i Jerusalem.

Palonga 27:3

Oto aana dinge i puri nge melu si lai aarapuu aana huilume i Saedon. A Jiulias mone ko aamasie a Pol, oto e toliꞌaasie mola ke lai leesie mo malahune wau i leune hunie kire ke peꞌie aana taꞌena nga mei ola e saetoꞌo aana.

Palonga 28:7

Na aalaha aana mala-malau ngeena satana a Pablias, na e toꞌo aana hohola mola karaꞌinie leu melu iiꞌo aana ngeena. E unue melu ke lai iiꞌo kaꞌu weu i nume ingeie, na e oolu hei dinge nge melu iiꞌo peꞌie na e tohungei lio i suli diana aameelu.

Palonga 4:32

Oto ahutana mo iini kire hiiwalaimoli kire si meni neꞌisae tararuru i sulie walu ola. Nga iini e kaꞌa loꞌongaꞌinie ike uri mo ola e toꞌo aani uri mo ola oto ingeie maraana, taꞌe mo ola nge nga iini e toꞌo aani mo ola ahutada mango.

Uusu-uusu A Pol Hurula'aa Hunie Mo Rom 12:10

Omu ke manata diana huniꞌomu heiliu oto mala mo mwaasine, na omu ke haꞌamaꞌu eemiu heiliu liutaa aana o haꞌamaꞌu eemu maraamu.

Uusu-uusu A Pol Hurula'aa Hunie Mo Rom 15:5

A God oto ni ko peꞌi-peꞌikie hunie hiiwalaimolinge ikie ke aꞌailaꞌa hunie kie ke uure maꞌutaꞌa taraꞌasi. Na no ko aarea God hunie ke peꞌiꞌomu urine hunie omu ke iiꞌo diana peꞌie taꞌa-taꞌa mei sae aani lulu i sulilana tolahana Jisas Kraes.

1 Korinit 1:10

Maeni eesiku maaꞌi, no ko eitanaiꞌomu aana satana a Jisas Kraes Aalaha ikie, uri omu ke neꞌie mola taꞌa-taꞌa mei sae. Omu ke toliꞌaasie mo tolahai ola ni oopanga, taꞌe omu ke mani neꞌisae diana hunie omu ke asu loko-loko loꞌu.

1 Korinit 12:26

Mala uri nga taꞌa-taꞌa sasarai ola aana sape ko sapesalu, nge ahutana mo sasarai ola ko meni sapesalu tararuru oto peꞌie. Na mala uri nga taꞌa-taꞌa sasarai ola haꞌamanikuluꞌalana ko lae, nge ahutana mo sasarai ola ko meni ilenimwaꞌe tararuru oto noꞌone peꞌie.

Epesas 4:2

Omu ke haꞌamwai-mweiꞌaꞌomu tarau, na omu ke toli rako peꞌie mwala. Omu ke saemamae mola, na omu ke haataꞌinie manata-diananga iꞌomu huniꞌomu heiliu aani saeꞌaasilana nga moi taa kire dau huꞌisiꞌomu eeni.

Epesas 4:31

Omu ke toliꞌaasie taꞌe-taꞌena nga tolahai ola ni loohaꞌi roroꞌanga, na ni ngiduupunge, na ni saewasunge. Na omu ke toliꞌaasie taꞌena nga teanga aaela, na ni eeronga huni waelie nga iini, na omu ke toliꞌaasie noꞌone taꞌena nga mei hiinge huni waelie ngaeta iinoni.

Epesas 4:32

Taꞌe omu ke toꞌo aana mei saemamae na omu ke aamasiꞌomu heiliu, na omu ke saeꞌaasi hunie taꞌena nga iinoni mala a God ko sae-saeꞌaasi huniꞌomu i tehulaꞌana a Kraes.

Pilipae 2:3

Na omu ke suꞌuri da nga mei ola huni haꞌapainaꞌaꞌomu na huni toohaꞌiniꞌomu haahie. Taꞌe omu ke haꞌamwai-mweiꞌaꞌomu, na omu ke loꞌongaꞌinie uri ngaeta mwala kire roroꞌa liutaa aamiu.

Pilipae 3:16

Taꞌe maꞌalana uri kie kaꞌa mani neꞌisae mouteꞌi ue, e roroꞌa oto liutaa hunie ahutaka kie ke hele susuleꞌi aani lulu i sulilana walaimolinge nge kie hiiwalaimoli oto aana.

Kolosi 3:12

Iꞌomu, a God e lio hilisiꞌomu hunie omu ke neꞌi iinoni maaꞌi ingeie nge e tohungei manata diana huniꞌomu. Oto aena urine, iꞌomu noꞌone omu ke haataꞌinie aamasinge hunie mo iinoni, na omu ke saemamae hunie mwala, na omu ke haꞌamwai-mweiꞌaꞌomu, na omu ke toli rako peꞌie mwala, na omu ke suꞌuri sae-saewasu oto lau-leu peꞌie mwala.

Hibru 13:1

Omu ke mana-manata diana huniꞌomu heiliu oto mala iꞌomu mo mwaasine toꞌohuu i lalo aana a Kraes.

Jemes 2:13

Aena ngeena omu ke haataꞌinie hai-aamasinge iꞌomu oto hunie mo iinoni, aana a God e saꞌa haataꞌinie ike loꞌu hai-aamasinge ingeie aana maholo kei leie mo iini nge kire kaꞌa sai hei aamasi. Taꞌe mo iini nge kire haataꞌinie hai-aamasinge, nge kire kei uure na kire saꞌa maꞌu ike aana maholo a God kei leire.

Jemes 3:17

Taꞌe saenanaunge nge e lae mai mwaanie a God e uuri. E rereꞌa, na e honu aana hanuelamanga, na e mamae, na e sai tola i suli, na e sai hei-aamasi, na ko peꞌi. Saenanaunge urine e kaꞌa sai lupweꞌi deu-deu na e kaꞌa sai rara ike haahie nga iini.

Jemes 5:11

Kolu unue uri kire iiꞌo ni saediananga, sulie kire kaꞌa mamalo ike mwaanie asunge a God. Omu rongoa kaꞌu uri a Job e maaꞌoohi susutoꞌo, na omu saie taane uri a God e nii sapeie loꞌu hunie aana toꞌo-toꞌonga ingeie i puri. Oto omu meni saie oto uri a God e honu aana aamasinge na manata-diananga.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

1 Pita 2:17

Na omu ke haꞌamaꞌu aana taꞌena nga iinoni, na oto liutaa omu ke mana-manata diana hunie mo eesimiu maaꞌi. Iau, mala nou unue kaꞌu, omu ke haꞌamaꞌu aana inemauri peine ni Rom, taꞌe omu ke haꞌamaꞌu aana a God oto liutaa.

1 Pita 5:5

Oto loꞌu huniꞌomu mo saanau, omu ke totola i sulie mo rato. Na oto ahutemiu, omu ke mani haꞌamwai-mweiꞌaꞌomu na omu ke peꞌi-peꞌiꞌomu heiliu. Aana mo Uusu-uusu Maaꞌi e unue uri, A God e kaꞌa saetoꞌo aana ike iini ko too-toohaꞌinie maraana, taꞌe ko haa-haataꞌinie manata-diananga ingeie hunie mo iini ko haꞌamwai-mweiꞌara. Provebs 3:34

2 Pita 1:7

na omu ke sapeie loꞌu manata-diananga hunie mo eesimiu aana hiiwalaimolinge, na omu ke heꞌi sapeie loꞌu noꞌone manata-diananga hunie ahutana mo iinoni.

1 Jon 3:14

Kie manataꞌinie oto uri kie tahisie nanamanga aana maenga na uri kie toꞌo aana oto maurihe. Kie manataꞌinie leune aena aana kie manata diana hunie mo eesike. Taꞌe iini nge manata-diananga haꞌike aana, iini urine e iiꞌo susu ue i mamalutana maenga.