1 Pita 3:17 - Tataroha Diana

¹⁷ Mala uri omu ko sapesalu i tehulaꞌana omu ko tola i sulie a God, nge e diana mola. Leune e diana liutaa aana omu ko sapesalu aena aana omu ko esuie mo ola aaela.

1 Pita 3:17 ပူးပေါင်းရင်းမြစ်များ

Matiu 26:39

Oto a Jisas e kele lae taꞌau mwaaniraelu, ko si pouruuru i aano haahie maana na ko aarea God, ko unue uuri, “Mamaꞌa, iiola o niie mai hunie ne ke hotelaꞌinie ko aasaieu oto. Mala ko mwadaꞌu, saeku o ke oolisie aana nga iini mwa-mwate. Taꞌe neꞌewau oto, o ke dau mola i sulie nga taa o saetoꞌo aana, na o ke suꞌuri deu i sulie nga taa nou saetoꞌo aana.”

Matiu 26:42

Oto a Jisas ko heꞌi ruana lae loꞌu, na ko aarengaꞌi uuri, “Mamaꞌa, mala e kaꞌa mwadaꞌu oto huni taꞌaasie mei sapesalunge ie mwaanieu, nge no ko eitanaiꞌo ke oa oto urine huniꞌo.”

Palonga 18:21

Maholo ko deu aakau oto huni lae mwaanire, oto ko teꞌuri, “Mala uri a God e saetoꞌo aana ne ke ooli loꞌu mei, nge omu ke leesieu loꞌu i leu.” Oto e si lai taꞌe aana haka, no ko lae oto mwaanie i Epesas.

Palonga 21:14

E aasa oto hunie melu kei uure honosie, oto melu rohu na melu ko teꞌuri mola, “Toliꞌaasie nga taa a God e saetoꞌo aana ke oa oto.”

1 Pita 1:6

Aena urine omu ke ile-ilenimwaꞌe mola, maꞌalana uri omu ko sapesalu aana kele maholo ienini i tehulaꞌana walu ola e aasa nge ko lae peꞌi oohongiꞌomu.

1 Pita 2:15

Aana a God e saetoꞌo aana omu ke asuie mo ola e diana na e oodotaꞌi, aana urine omu sai uure honosie mo erenga hero-heroꞌa mwala ko talei unuꞌi mola aena aana kire kaꞌa saie nga mei ola diana.

1 Pita 2:20

Taꞌe mala uri haꞌaloilemiu ko lae haahie nga mo ola omu deu aaelasiꞌi toꞌohuu, nge maꞌalana omu ke iiꞌo rako uri taa, taꞌe omu ke suꞌuri loꞌongaꞌinie uri nga haꞌadianaꞌanga kei lae huniꞌomu. Taꞌe mala uri omu ko iiꞌo rako maholo omu ko sapesalu haahie nga mo ola diana omu esuiꞌi, nge a God kei haꞌadianaꞌaꞌomu haahie leune.

1 Pita 3:14

Taꞌe maꞌalana uri omu ko sapesalu i tehulaꞌana oodotaꞌinge, omu ke ile-ilenimwaꞌe mola aana a God kei haro haꞌadianaꞌaꞌomu taane. Oto omu ke suꞌuri tolahiꞌe i sulie mei sapesalunge, na omu ke suꞌuri meꞌuteꞌinie nga iini.

1 Pita 4:15

Taꞌe nga iini ke suꞌuri loꞌongaꞌi uri a God ke haꞌadianaꞌaa aana ko sapesalu haahie mei ola aaela e asuie. Oto omu ke kinetaꞌinie tolahamiu mwaanie taꞌena nga aaelanga mala horonga wa pelinge wa laenga hailiu i saana mwala huni waelie mo esunge ikire, wa taꞌena nga ola nge ko deu huꞌisie mo haꞌatolanga.

1 Pita 4:19

Oto maholo omu ko sapesalu aena aana oalaꞌinge a God mone e lae oto urine, nge omu ko sapesalu i sulie oalaꞌinge ingeie, na omu ke suꞌuri aakohe mwaanie asunge diana, taꞌe omu ke toliꞌaasie maurihaꞌamiu i nimana God. Ingeie oto e haꞌaholaꞌomu, na e saꞌa pulongosie ike mo heiholotaꞌinge ingeie huni lio i suliꞌomu.