1 Pita 2:24 - Tataroha Diana

²⁴ Oto maholo a Kraes e lae huni mae i lengine poꞌu-poꞌu e toolea noꞌone oto mo oorahaꞌaanga ikie i sapena. Haꞌaloilana e lae haahie mo oorahaꞌaanga ikie urine hunie kie ke mae mwaanie oorahaꞌaa, taꞌe kie ke mauri loꞌu huni iiꞌo oodotaꞌi taraꞌasi. Na i tehulaꞌana mo malaka i sapena ngeena, nge haꞌa-uurilaka e si lae.

1 Pita 2:24 ပူးပေါင်းရင်းမြစ်များ

Matiu 27:26

Oto a Paelat e si luhesie a Barabas hunire. Na e unue hunie mo ramo uri kire ke holaꞌi wini-winie a Jisas, nge kire ke si horo maesie i lengine poꞌu-poꞌu.

Matiu 5:20

Oto no ko unue huniꞌomu uri mala oodotaꞌinge iꞌomu e kaꞌa paine liutaa aana oodo-oodonga mo Parise na mo haꞌa-uusuli aana mo Haꞌatolanga a Mosis, omu saꞌa roroꞌa ni adona ike silinge i laona Aalahanga a God.”

Matiu 8:17

Nga taa a God e unue hunie a Propet Aesaea e si oa i leune, aana e unue uuri, Ingeie mone e taꞌaasie mo maelaa ikie, na e haꞌamangoa taꞌena nga mwaringe mwaanikie. Aesaea 53:4

Tataroha Diana I Sulie A Jisas Kraes Nge A Mak E Uusue 15:15

A Paelat e sare haꞌasaedianaꞌaa mola mwala, oto e luhesie mola a Barabas hunire. Na e unue hunie mo ramo uri kire ke holaꞌi wini-winie a Jisas, nge kire ke si horo maesie i lengine poꞌu-poꞌu.

Tataroha Diana I Sulie A Jisas Kraes Nge A Luk E Uusue 4:18

Liꞌoa Maaꞌi a God oto peꞌieu, aena aana e lio hilisieu huni tarohaꞌinie Tataroha Diana hunie mo iinoni meitale. E uusungeꞌinieu huni tarohaꞌinie uri mo iini kire hoꞌosire i nume ni hoꞌo uri kire ke iiꞌo luhetaꞌi oto, na huni haꞌarongoa mo ulu uri kire ke lio loꞌu, Aesaea 61:1 na huni unue hunie mo iini kire iiꞌo i mamalutana mwala e sai haꞌamweꞌu-mweꞌu uri kire ke iiꞌo luhetaꞌi loꞌu, Aesaea 58:6

Tataroha Diana I Sulie A Jisas Kraes Nge A Jon E Uusue 1:29

Oto hai dinge loꞌu mola i purine, a Jon e leesie a Jisas ko lae mai saana, oto ko si teꞌuri, “!Lio kaꞌu! A mwane ngeena, ingeie oto Kalei Sipu a God, aena aana ingeie ni ko taꞌaasie oorahaꞌaa aana walumalau.

Tataroha Diana I Sulie A Jisas Kraes Nge A Jon E Uusue 19:1

Oto a Paelat e si unue hunie mo ramo uri kire ke toolea a Jisas na kire ke rapusie.

Palonga 10:35

Mala uri nga iini ko haꞌamaꞌu aana a God na ko esuie mo ola oodotaꞌi, nge a God kei ilenimwaꞌe haahie, maꞌalana e uure aana taꞌena nga poꞌo ni iinoni uri taa loꞌu i laona walumalau.

Palonga 10:39

Na iꞌemeelu mo hurulaꞌaa melu tohungei leesie oto aana maameelu ahutana mo ola nge a Jisas e asuiꞌi aana hanue iꞌemi mo Jiu lae-lae hule oto taꞌau i Jerusalem. Na melu leesie noꞌone kire uie i lengine poꞌu-poꞌu nge e mae.

Palonga 13:29

Na maholo kire haꞌa-oaie ahutana mo wala i sulie maenga nge uusuleni e lae i laona Uusu-uusu Maaꞌi, kire oohosie mwaanie poꞌu-poꞌu, kire si lai neꞌie i laona kilipweꞌu.

Palonga 5:30

Na iꞌomu nge omu horoꞌie a Jisas aana omu uie i lengine poꞌu-poꞌu, taꞌe God nge mo weuwaka i naꞌo kire palo-paloa nge e taꞌea loꞌu mwaanie maenga.

Uusu-uusu A Pol Hurula'aa Hunie Mo Rom 6:11

Oto iꞌomu loꞌu, omu ke loꞌo-loꞌongaꞌiniꞌomu maraamiu noꞌone urine, aena omu lado mone oto peꞌie a Jisas Kraes, oto oorahaꞌaa e saꞌa sakaahiꞌomu ike loꞌu, na omu ko meuri oto huni haꞌapainaꞌaa a God.

Uusu-uusu A Pol Hurula'aa Hunie Mo Rom 6:13

Na mwaanie omu toitoliꞌaasie nga leu aana sapemiu e asuie loꞌu nga mei ola aaela wa ke neꞌie loꞌu mei sape huni euꞌesuie oorahaꞌaa. Taꞌe omu ke toliꞌaasiꞌomu oto taꞌingelu mola hunie a God mala mwala e mae kaꞌu mwaanie tolahai ola aaela na kire heꞌi meuri loꞌu huni esu nana. Oto omu ke niie ahutana mo aapa aana sapemiu hunie a God ke asuie walu ola diana aani.

Uusu-uusu A Pol Hurula'aa Hunie Mo Rom 6:16

Omu saie kaꞌu oto uri maholo omu ko toliꞌaasiꞌomu maraamiu huni iiꞌo i mamalutana nga iini na huni lulu i sulie, iinoni ngeena oto kei aalaha haahiꞌomu na omu saꞌa dau ike loꞌu mala saemiu. Oto, iꞌomu mola maraamiu eena. Omu sai iiꞌo mola i memelutana oorahaꞌaa hunie ke horo maesiꞌomu, wa omu sai iiꞌo i memelutana a God hunie ke haꞌa-oodohiꞌomu peꞌie maraana.

Uusu-uusu A Pol Hurula'aa Hunie Mo Rom 6:2

!Haꞌike oto ooꞌoo! !Mau-meuringe ikie i laona oorahaꞌaanga e mae oto! Kie mae oto uri hunie kie ke toliꞌaasie tolaha ni oorahaꞌaanga ngeena. ?Oto kie ke si lae loꞌu peꞌi iiꞌo i laona oorahaꞌaa uri taa eena?

Uusu-uusu A Pol Hurula'aa Hunie Mo Rom 6:22

Taꞌe ienini, a God e haꞌa-uuriꞌomu oto mwaanie nanamanga aana oorahaꞌaa, na e da oto omu ke neꞌi iinoni euꞌesu nana. Na hue-huana leune oto maurihaꞌamiu ko neꞌi ola maaꞌi oto, na omu ko helesie oto maurihe huu.

Uusu-uusu A Pol Hurula'aa Hunie Mo Rom 6:7

aena aana maholo iinoni ko mae oto, e iiꞌo luhetaꞌi oto mwaanie nanamanga aana oorahaꞌaa.

Uusu-uusu A Pol Hurula'aa Hunie Mo Rom 7:6

Taꞌe aana kie mae mone oto peꞌie a Kraes, kie iiꞌo luhetaꞌi oto mwaanie mo Haꞌatolanga nge kire hele roroꞌikie i naꞌo. Oto ienini kie sai esu oto aana tolaha haalu aani lulu i sulilana mola Liꞌoa Maaꞌi, na e kaꞌa ike loꞌu aani lulu i sulilana mo ola lalahuꞌe kire uusuꞌi i laona mo Haꞌatolanga.

1 Korinit 15:3

Aana mo eehuꞌi ola niilana e holaꞌi lae hunieu, oto nou haꞌarongoꞌomu eeni. A Kraes e mae honotana mo oorahaꞌaanga ikie, oto mala uusulana e lae i laona mo Uusu-uusu Maaꞌi.

2 Korinit 6:17

Aena urinena a Aalaha e unue noꞌone uuri, Omu ke toliꞌaasie mo puꞌo, na omu ke iiꞌo aaopa oto mwaanire. Omu ke suꞌuri hele i sulie loꞌu nga mei ola e madaꞌa, aana omu kei iiꞌo oodotaꞌi urine nge ne kei ilenimwaꞌe peꞌiꞌomu. Aesaea 52:11

Kalesia 3:13

Taꞌe mo Haꞌatolanga a Mosis ko uesie mo iini kire kaꞌa dau i suliꞌi. Aamasitoꞌo kaꞌu aana Uusu-uusu Maaꞌi nge e unue uuri, A God ko uesie taꞌena nga iini nge kire ko aaroroa i lengine nga ai.Diutronomi 21:23 Oto mei olana nge e rau aana a Jisas honotaka, na aena leune nge uesinge aana mo Haꞌatolanga e lae hunie a Jisas. Taꞌe aena leune noꞌone a Jisas e haꞌa-uurikie mwaanie uesinge aana iiꞌonga loꞌu i mamalutana mo Haꞌatolanga.

Epesas 5:9

aena aana tolahana raa-raa nge e sai da taꞌena nga ola ke lae diana, na ke oodo, na ke toꞌohuu.

Pilipae 1:11

Oto omu ke si honu aana hue-huana oodotaꞌinge nge a Jisas Kraes maraana haꞌalaa ko niie, aani esuilana mo ola diana hunie mwala ke haꞌamanikuluꞌaa God peꞌi paalahelana haahiꞌi.

Kolosi 2:14

A God e usuri aasie oto mo uusu-uusu aana mo roroꞌanga ikie nge leilaka ko lae-lae haahiꞌi i sulie kie mani heitohea mo Haꞌatolanga a Mosis. E tohungei haꞌamangoa oto uusu-uusu ngeena aana maelana a Jisas i lengine poꞌu-poꞌu.

Kolosi 2:20

Omu mae tararuru oto peꞌie a Kraes na luhesilemiu e lae oto mwaanie taꞌena nga nanamanga aana walumalau. ?Oto e ue nge omu ko saronai lae-lae ue i sulie mo haꞌatolanga aana walumalau? ?E ue omu ko saronai hele maꞌutaꞌa ue aana mo haꞌatolanga mala mo iini ienini?

Kolosi 3:3

Aena aana e urihana omu mae oto, na e aasa hunie omu kei hiolo loꞌu hunie mo tolahai ola aaela ni welumalau. Na mauringe toꞌohuu iꞌomu e iiꞌo mumuni oto peꞌie a Kraes i saana a God.

Hibru 10:10

Oto a Jisas Kraes e asuie nga taa a God e saetoꞌo aana hunie ke asuie, nge e toliꞌaasie sapena maraana hunie ke mae mala nga uunu-olanga mola hautaꞌai. Na aena urinena nge e si da kie neꞌi iinoni oodotaꞌi i maana God.

Hibru 10:5

Aena urine kaꞌu, maholo a Kraes e lae mai laona walumalau, e unue hunie a God uuri, O kaꞌa saetoꞌo aana ike uri kire ke asuie nga mo uunu-olanga i seemu wa kire ke niie mo uuraaꞌinge huniꞌo, taꞌe o niie oto mei sape nakue hunie ne ke tola i suliꞌo urine.

Hibru 12:13

Na omu ke huru i sulie tala e oodo, hunie mo iini nge ko lae mai purimiu ngeena nge hiiwalaimolinge ikire e kaꞌa susu ike ue, kire ke sai kohie tala na mwaanie kire lae takalo.

Hibru 7:26

Oto a Jisas ingeie oto Hahuꞌana Naꞌohai Pris e sai peꞌikie. Ingeie oto e maaꞌi, na e kaꞌa oorahaꞌaala ike, na oopalana e lae oto mwaanie mwala e oorahaꞌaa, na a God e tohungei haꞌapainaꞌaa oto liutaa aana e tahelaꞌinie oto taꞌau i Lengi.

Hibru 9:28

Na urine noꞌone, a Kraes e toliꞌaasie maurihaꞌana mola hautaꞌai hunie ke mae mala nga uunu-olanga aana ko helesie haꞌaletehinge haahie mo oorahaꞌaa mo iinoni hunge. Na a Kraes kei heꞌi ruana lae loꞌu mei, taꞌe aana maholo nge ko lae mai ngeena, e saꞌa lae ike mai huni mae honotana mo oorahaꞌaa ikie loꞌu. !Haꞌike! Taꞌe kei lae mai huni toolea mai maurihe huu nana mwala kire ko maaꞌoohie.

Jemes 5:16

Aena urinena, nge omu ke haꞌahoue mo oorahaꞌaa iꞌomu oodoiꞌomu heiliu, na omu ke aarengaꞌi talamiu heiliu hunie omu ke awaa. Sulie aarengaꞌinge mwane oodotaꞌi e tohungei nanama, na e sai esuie mo ola paine.

1 Jon 2:29

Omu saie oto uri a Kraes ingeie e oodotaꞌi. Oto e malisine uri omu ke saie loꞌu uri ahutana mo kalena God, helelada e oodotaꞌi noꞌone.

1 Jon 3:7

Maeni mwela ineu, suꞌuri toliꞌaasie nga iini ke haꞌatakaloꞌomu. Aana iini nge helelana e lae oto i sulie oodotaꞌinge, iini urine e oodotaꞌi oto, mala kaꞌu oto a Kraes e oodotaꞌi.

Haataꞌinge 22:2

Ko aahe hao i denumana tala paine i Jerusalem Haalu ngeena, na i reune wai ngeena mo ei aana maurihe kire i leune. Kire ko hungu-hungu aawalai maai hungunge mwana rue aana halisi, na hautaꞌai suli waro-waro. Na mo apa-apana ai ngeena kire sai kuraa ahutana mo aapoloa aana.