1 Pita 2:21 - Tataroha Diana

²¹ Iau, omu ke teteꞌurine aana a God e soiꞌomu oto huni esunge urine, na hule aana a Kraes e lae peꞌi sapesalu oto liutaa i tehulaꞌamiu urine noꞌone. Oto e haataꞌinie uuri-uurite ngeena huniꞌomu ni uuri i sulie.

1 Pita 2:21 ပူးပေါင်းရင်းမြစ်များ

Matiu 10:38

Na nga iini e kaꞌa mwaꞌe-mwaꞌe huni sapesalu hule aana maenga i lengine poꞌu-poꞌu i tehulaꞌaku, e kaꞌa malisine ike ke neꞌi pwaarongoisuli ineu.

Matiu 11:29

Omu ke lae mai huni aangaꞌinie tori aana haꞌa-uusulinge ineu, na omu ke neꞌi pwaarongoisuli ineu. Aena aana ineu, nou maneko na nou haꞌamwai-mweiꞌaau toꞌohuu. Na omu ke si lio oodoie mamalonga hunie maurihaꞌamiu i seeku. Jeremaea 6:16

Matiu 16:24

Oto a Jisas ko si unue hunie mo pwaarongoisuli ingeie ko teꞌuri, “Mala nga iini ko sare lulu i sulieu nge ke pulongosie maraana, na ke lulu i sulieu maꞌalana ko sapesalu oto hiitoꞌo mala mo iini i lengine mo poꞌu-poꞌu.

Tataroha Diana I Sulie A Jisas Kraes Nge A Luk E Uusue 24:26

Aana kire unue uri a Kraes kei saro sapesalu na kei mae oto urine, nge ke si lai iiꞌo aana manikuluhaꞌana.”

Tataroha Diana I Sulie A Jisas Kraes Nge A Jon E Uusue 13:15

Aana nga taa nou esuie ienini e neꞌie oto nga haꞌamalanga huniꞌomu, hunie omu ke haimaanie tolahaku, na omu ke haꞌamwai-mweiꞌaꞌomu mola hunie omu ke peꞌi-peꞌiꞌomu heiliu.

Tataroha Diana I Sulie A Jisas Kraes Nge A Jon E Uusue 16:33

Nou unue oto walu ola ienini huniꞌomu, hunie uri omu ke si toꞌo aana hanuelamanga aani iiꞌonga tararuru peꞌieu. Walumalau kei haꞌasapesaluꞌaꞌomu taane, taꞌe mwaanie omu meꞌu-meꞌu. Saemiu ke mango mola, aana nou tola hehesie oto walumalau.”

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Palonga 17:3

na ko lado luhesie mo neꞌisaenga hunire aana mo wala i laona mo Uusu-uusu Maaꞌi. Na e tohungei haataꞌi diana aana hunire uri a God e oalaꞌinie oto uri a Kraes kei sapesalu, na purihaꞌana kei heꞌi meuri eelihoꞌi loꞌu mwaanie maenga. Na e teꞌuri, “A Jisas nge no ko houleꞌinie huniꞌomu ienini, ingeie oto a Kraes nge omu ko maa-maaꞌoohie.”

Palonga 9:16

Na ineu maraaku, ne kei haataꞌinie hunie uri ke sapesalu oto hiitoꞌo i tehulaꞌaku.”

Uusu-uusu A Pol Hurula'aa Hunie Mo Rom 8:29

Aana uure mai naꞌo, a God e manataꞌinie oto mwala ingeie, na e oalaꞌinie hunie kire ke mani urihana a Kalena, hunie a Kalena kei neꞌie naꞌohai mwane aana mo eesine oto hunge.

1 Korinit 11:1

Oto omu ke lae i sulie tolahaku mala ineu no ko lae i sulie tolahana a Kraes.

Epesas 5:2

Manata-diananga oto ke paine i laona mau-meuringe iꞌomu, mala a Kraes e manata diana hunikie na e toliꞌaasie maraana hunie ke mae honotaka. Maenga ingeie hunikie e urihana nga uunu-olanga huni taꞌaasie oorahaꞌaa ikie, na a God e ilenimwaꞌe oto liutaa haahie, mala iinoni ko ilenimwaꞌe haahie dango wau-wesu nge e tohungei wesu mangoni.

Pilipae 2:5

Tolahamiu na ahutana loꞌongaꞌinge iꞌomu ke mani sada oto mala loꞌongaꞌinge na tolahana a Kraes.

1 Tesalonaeka 3:3

Melu sereꞌinie uri nga iini eemiu ke toli puri aana hiiwalaimolinge ingeie i tehulaꞌana taungeꞌinilemiu nge ko lae ngeena. Iꞌomu maraamiu na omu saie oto uri taungei ola mala ngeena kei reu urine aaka,

1 Tesalonaeka 4:2

Aana omu manataꞌinie oto uri Aalaha ikie a Jisas e unue hunie melu ke haꞌananauꞌomu urine.

2 Timoti 3:12

Na e toꞌohuu oto uri taꞌe-taꞌena nga iini ko lado peꞌie a Jisas Kraes na ko sare iiꞌo maaꞌi nana, nge mwala kei haꞌaloie oto urine.

Hibru 2:10

A God oto iini e haꞌaholaa taꞌena nga ola, na ingeie oto tohungei aalaha haahie ahutana mo olana. Na nga taa e asuie aana e toliꞌaasie Kalena ke sapesalu, e tohungei oodo na e malisi, aana saena God hunie Kalena ke haꞌa-uurie mo iinoni oto hunge. Oto aana a Kraes e sapesalu honotaka mo iinoni urine, nge e haꞌamangoa oto asunge ingeie mala a Haꞌa-uuritaka, na e haꞌa-uurie mo iini oto hunge hunie kire ke mani iiꞌo oto peꞌie aana manikuluhaꞌana taꞌau i Lengi.

1 Pita 1:20

Maholo na a God e kaꞌa haꞌaholaa ue walumalau, e pwani lio hilisie oto a Kraes hunie ke haꞌa-uuriꞌomu urine. Na aana maholo ienini nge e kaꞌa tewa oto hunie walumalau kei mango, a Kraes e pwani lae oto mai huni esuie leune huniꞌomu.

1 Pita 2:24

Oto maholo a Kraes e lae huni mae i lengine poꞌu-poꞌu e toolea noꞌone oto mo oorahaꞌaanga ikie i sapena. Haꞌaloilana e lae haahie mo oorahaꞌaanga ikie urine hunie kie ke mae mwaanie oorahaꞌaa, taꞌe kie ke mauri loꞌu huni iiꞌo oodotaꞌi taraꞌasi. Na i tehulaꞌana mo malaka i sapena ngeena, nge haꞌa-uurilaka e si lae.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

1 Pita 3:9

Maholo nga iini ko deu huꞌisiꞌomu aana nga mei ola aaela, omu ke suꞌuri oolisie loꞌu hunie. Na maholo nga iini ko ere aaelasiꞌomu, omu ke suꞌuri heꞌi ere aaelasie loꞌu. !Haꞌike! Taꞌe omu ke haꞌadianaꞌara mola, aana a God e soiꞌomu mei i saana hunie omu ke dau urine, na hunie omu ke helesie haꞌadianaꞌanga ingeie haahie.

1 Pita 4:1

Maholo a Kraes e iiꞌo ue mai laona walumalau, e sapesalu oto liutaa i tehulaꞌamiu. Oto aena ngeena, iꞌomu noꞌone omu ke haꞌa-aꞌailaꞌaa neꞌisaenga iꞌomu na omu ke iiꞌo aakau mola tarau huni sapesalu noꞌone mala ingeie. Aena aana nga iini ko sapesalu aana sapena i tehulaꞌana a Kraes ko haataꞌinie uri e aaliꞌu oto toꞌohuu mwaanie oorahaꞌaa.

1 Pita 4:13

E diana uri hunie omu ke ile-ilenimwaꞌe mola, aana omu ko sapesalu oto noꞌone mala a Kraes e sapesalu keꞌu. Aena leune omu kei ilenimwaꞌe noꞌone aana maholo a Kraes kei lae mai peꞌie manikuluhaꞌana God.

1 Jon 2:6

Aana nga iini ko unue uri ingeie oto iinoni a God, nge ke iiꞌo oodotaꞌi oto mala a Jisas Kraes e oꞌoꞌo kaꞌu.

1 Jon 3:16

Na kie ko si lio saie tohungana manata-diananga aena aana a Kraes e toliꞌaasie mangona i tehulaꞌaka. Oto ikie noꞌone kie ke mwaꞌe-mwaꞌe ni mae huni peꞌie mo eesike.

Haataꞌinge 12:11

Oto maholo ie e saꞌa haꞌasusungeꞌinie loꞌu mo eesike aana kire aꞌailaꞌasie oto aana apune a Kalei Sipu, aana walaimolinge kire tarohaꞌinie, aana kire toliꞌaasie maurihaꞌada i tehulaꞌana.