1 Pita 2:19 - Tataroha Diana

¹⁹ Mala uri kire ko haꞌaloiꞌomu mola mwaakule na omu kaꞌa dau aaelasie nga mei ola, taꞌe omu ko iiꞌo rako mola aena aana omu ko loꞌongaꞌinie a God, nge a God kei haꞌadianaꞌaꞌomu taane haahie.

1 Pita 2:19 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 6:32

?Aana mala uri omu kei manata diana mola hunie mo iini e manata diana huniꞌomu, omu unue uri a God kei haꞌadianaꞌaꞌomu haahie leune? !Haꞌike oto ooꞌoo! Aena aana mo iinoni oorahaꞌaa na kire ko maa-manata diana noꞌone mola urine hunie mo iini e manata diana hunire.

Tataroha Diana I Sulie A Jisas Kraes Nge A Jon E Uusue 15:21

Taꞌe kire kei teungeꞌiniꞌomu mola aena aana omu ko norutoꞌo aaku, na aana kire kaꞌa saie ike iini e uusungeꞌinieu mei.

Palonga 11:23

Na maholo e lai hule wau i Antiok ko si tohungei ilenimwaꞌe aana e leesie uri a God e haꞌadianaꞌara oto. Na ko si tohungei deu rarahire uri kire ke lulu i sulie oto Aalaha ikie toꞌohuu taraureꞌi.

Uusu-uusu A Pol Hurula'aa Hunie Mo Rom 13:5

Aena urinena, e diana huni tola i sulie mo naꞌohai iinoni aana kahamani, kaꞌa ike mola aena aana omu ko meꞌuteꞌinie haꞌaloilemiu, taꞌe omu ke tola i sulire aena aana omu saie noꞌone uri leune ni e diana na e oodo.

1 Korinit 15:10

Taꞌe aana niinge ni hahuꞌana manata-diananga a God e lae hunieu mone, no ko oꞌoꞌo urine ue ie. Na manata-diananga a God hunieu e kaꞌa waetaꞌi ike taane mola mwaakule, aana nou lae peꞌi esu oto hiitoꞌo loꞌu liutaa aada mo hurulaꞌaa. Taꞌe nou kaꞌa asuie ike taane tohuku, aana niinge a God mone ko peꞌieu huni esuie leune urine.

2 Korinit 1:12

Maeni eesiku, manataku e taha mola aana nou saie uri melu kaꞌa eeroa ike nga iini aana nga maholo, taꞌe melu ko lulu i sulie mola oodo-oodonga nge a God e saetoꞌo aana. Walu ola melu ko euꞌesuiꞌi e uure mola aana hahuꞌana manata-diananga a God, na melu kaꞌa asuie ike nga mei ola i sulie saenanaunge ni iinoni. Tolahameelu e diana oto urine tarau peꞌie ahutana mo iinoni, na oto liutaa maholo melu oꞌoꞌo peꞌiꞌomu.

2 Korinit 8:1

Oto ienini, maeni eesiku maaꞌi, melu ko sare haꞌarongoꞌomu aana haꞌadianaꞌanga a God hunie mo iini kire hiiwalaimoli aana a Jisas oto mai aana poꞌo ni henue i Masedonia. Aana manata-diananga ingeie e paine hunire mone, a God e tohungei haꞌadianaꞌara aana mei ola diana.

2 Timoti 1:12

Aena urinena nge no ko sapesalu siꞌiri ie. Taꞌe nou saꞌa roroꞌa ni masa ike, aena aana nou manataꞌinie a Jisas, iini nge nou norutoꞌo aana. Na nou saie uri ingeie e sai kinetaꞌinie walu ola nou neꞌiꞌi i nimana huni lio i suliꞌi, na kei kinetaꞌi diana aani lai hule aana dinge ooreta.

Hibru 10:2

Mala uri taungei uunu-olanga ngeena ke toꞌo aana nga nanamanga toꞌohuu huni haꞌarereꞌaa mwala mwaanie oorahaꞌaa, haꞌalaa kire saꞌa roroꞌa ni esuie loꞌu nga mei uunu-olanga urine, aena aana kire kei iiꞌo rereꞌa taraꞌasi oto na manatada kei taha oto mwaanie nga mei oorahaꞌaa.

1 Pita 2:20

Taꞌe mala uri haꞌaloilemiu ko lae haahie nga mo ola omu deu aaelasiꞌi toꞌohuu, nge maꞌalana omu ke iiꞌo rako uri taa, taꞌe omu ke suꞌuri loꞌongaꞌinie uri nga haꞌadianaꞌanga kei lae huniꞌomu. Taꞌe mala uri omu ko iiꞌo rako maholo omu ko sapesalu haahie nga mo ola diana omu esuiꞌi, nge a God kei haꞌadianaꞌaꞌomu haahie leune.

1 Pita 4:15

Taꞌe nga iini ke suꞌuri loꞌongaꞌi uri a God ke haꞌadianaꞌaa aana ko sapesalu haahie mei ola aaela e asuie. Oto omu ke kinetaꞌinie tolahamiu mwaanie taꞌena nga aaelanga mala horonga wa pelinge wa laenga hailiu i saana mwala huni waelie mo esunge ikire, wa taꞌena nga ola nge ko deu huꞌisie mo haꞌatolanga.