1 Pita 2:1 - Tataroha Diana

¹ Oto aena urinena, mwaanie omu heꞌi lulu i sulie loꞌu mo neꞌisaenga aaela huni waelie ngaeta iini. Omu ke suꞌuri heꞌi eero loꞌu, na omu ke suꞌuri lupweꞌi eeroa mwala, na omu ke suꞌuri saehanalie mo ola ngaeta iini, wa omu ke lae peꞌi ere aaelasie ngaeta mwala.

1 Pita 2:1 ပူးပေါင်းရင်းမြစ်များ

Matiu 15:7

!Omu neꞌi iinoni eero-eero oto, aana omu ko lupweꞌi deu-deu mola! Nga taa a God e unue hunie a Propet Aesaea ke unue i suliꞌomu e toꞌohuu oto.

Matiu 23:28

Iꞌomu, omu urine noꞌone. Aana leesilemiu poꞌoi sinaha uri iꞌomu ni oto mo iinoni diana, taꞌe wai lalo aamiu, e honu oto mola aana lupweꞌi-deunge na oorahaꞌaa.

Matiu 24:51

Oto aalaha ngeena kei tohungei haꞌaloi letehie koni-konihe ingeie ngeena, na kei uusungeꞌi aasie oto peꞌie mwala ko lupweꞌi deu-deu. I leune kire kei iiꞌo mola peꞌie ngaranga na saehuunge paine.”

Matiu 7:5

!Nga hero-heronga kaꞌa urine ike! Mala uri o ko teꞌurine, nge o ko lupweꞌi deu-deu mola ni ngeena. Taꞌe o ke holaꞌi taꞌaasie kaꞌu rotoi ei leku ngeena mwaanie maamu hunie maamu ke manola. Oto o ke si lio susulie kele ngangaꞌai ola i maana aasimu hunie o ke kae aasie.”

Tataroha Diana I Sulie A Jisas Kraes Nge A Mak E Uusue 12:15

Taꞌe a Jisas e lio saie mola mo pwelonga ikire, oto ko aalamire uuri, “?E ue omu ko sare lupweꞌi pwaoau? Omu ke haataꞌinie kaꞌu seleni hunie takis ngeena aaku.”

Tataroha Diana I Sulie A Jisas Kraes Nge A Luk E Uusue 11:44

!Aama-aamasilemiu! Aana omu urihana mola mo kilipweꞌu kire aano oto, aana aapa poꞌoi sinaha e lio diana taane na mwala saꞌa lio saie ike uri rae kire aanomie i leune.”

Tataroha Diana I Sulie A Jisas Kraes Nge A Luk E Uusue 12:1

Ngaeta maholo, mo sinolai iinoni oto hunge kire ruru mei saana a Jisas, na leune e lae wai honu aani iinoni hule aana nga leu ni uure haꞌike loꞌu. Oto a Jisas ko si holaꞌi teꞌuri hunie mo pwaarongoisuli ingeie, “Omu ke lio talamiu mwaanie tolahana mo Parise, aana ikire mwala eero-eero. Mala nga kele mei iis ko esuie nga nime pulaoa paine ke hane, nge tolahana eeronga ikire ko toꞌohie walu ola kire ko esuiꞌi.

Tataroha Diana I Sulie A Jisas Kraes Nge A Luk E Uusue 6:42

Na e kaꞌa diana ike noꞌone uri hunie o ke unue hunie aasimu uuri, ‘Kaꞌu, ne ke taꞌaasie kele ngangaꞌai ola ngeena mwaanie maamu,’ na hule aana iꞌoe maraamu rotoi ei laku noꞌone mola e eno honosie maamu. !Nga hero-heronga kaꞌa urine ike! Mala uri o ko teꞌurine, nge o ko lupweꞌi deu-deu mola ni ngeena. Taꞌe o ke holaꞌi taꞌaasie kaꞌu rotoi ei laku ngeena mwaanie maamu hunie maamu ke manola. Oto o ke si lio susulie kele ngangaꞌai ola i maana aasimu hunie o ke kae aasie.”

Tataroha Diana I Sulie A Jisas Kraes Nge A Jon E Uusue 1:47

Maholo a Jisas e leesie a Nataniel ko lae mai takoie, ko si ere oalana uuri, “A mwane ie tohungei mwane ni Israel toꞌohuu nge e saꞌa hahuꞌei eeroa ike nga iini.”

Uusu-uusu A Pol Hurula'aa Hunie Mo Rom 1:29

Kire honu mola aana taꞌena nga ola aaela, na tataꞌalanga, na saehanalinge, na oorahaꞌaa. Kire honu mola aana heotaꞌinge, na horonga, na haiseuninge, na eeronga, na maaleledinge. Kire sai sihoai ola mola tarau,

1 Korinit 14:20

Maeni eesiku, omu ke suꞌuri deu mala mwela aana loꞌongaꞌinge iꞌomu. Kei lae otoi diana liutaa taane hunie omu ke neꞌi mwela aani esuilana tataꞌalanga, taꞌe aana loꞌongaꞌinge, omu ke neꞌi rato oto.

1 Korinit 5:8

Oto aena urinena, kie ke mani ilenimwaꞌe, taꞌe kie ke suꞌuri ilenimwaꞌe peꞌi tola i sulilana mo tolaha lalahuꞌe aana saewasunge na inu wei ni pweunge na dau roroꞌanga. !Haꞌike! Mo oorahaꞌaa urine kire urihana iis nge e sai sikihie mola walu ola. Taꞌe ikie, kie taꞌaasie oto walu ola urine, na kie ko ilenimwaꞌe mola peꞌi saemanola na peꞌie walaimolinge.

2 Korinit 12:20

Aana no ko maarara mwaanie uri maholo ne kei hule hao, na nou leledie helelamiu. Na ohe iꞌomu, omu saꞌa rongo ike hunieu maholo ne kei haꞌa-oodohiꞌomu. No ko maarara mwaanie nou lae hao i seemiu na nou oodoie mola walu ola mala haꞌa-erenga, na heotaꞌinge, na saewasunge, na sae aaelanga, na oopanga, na isinge, na sihoai-olanga, na toohaꞌinge, na maaola-olanga kire iiꞌo mola i matolamiu.

Epesas 4:31

Omu ke toliꞌaasie taꞌe-taꞌena nga tolahai ola ni loohaꞌi roroꞌanga, na ni ngiduupunge, na ni saewasunge. Na omu ke toliꞌaasie taꞌena nga teanga aaela, na ni eeronga huni waelie nga iini, na omu ke toliꞌaasie noꞌone taꞌena nga mei hiinge huni waelie ngaeta iinoni.

1 Tesalonaeka 2:3

Oto omu sai kohie mola uri melu kaꞌa haꞌa-olaꞌomu ike aani loꞌongaꞌinge takalo, wa aani eeronga, wa aani pwelonga.

1 Timoti 3:11

Mo huꞌe, na e urine loꞌu, aana kire ke haro neꞌie mo keni e malisine mwala ke haꞌamaꞌu aada. Kire ke suꞌuri ere aaelasie nga iinoni, taꞌe kire ke kinetaꞌinie tolahada, na kire ke neꞌi huꞌe ni nou-norue nge mwala e sai norutoꞌo mola aada tarau.

Taetas 2:3

Na o ke haꞌa-uusulie noꞌone mo huꞌe hunie kire ke lulu i sulie tolahai iinoni diana nge e malisine mo iini kire hiiwalaimoli aana a Jisas. Kire ke suꞌuri sisiho aana mwala, na kire ke suꞌuri inu-inu wei ni mehiri hiitoꞌo. Taꞌe kire ke haꞌa-uusulie mwala mola aana tolahai iinoni diana,

Hibru 12:1

Oto pulitaa oto paine ienini kire haataꞌi diana aana tala aana hiiwalaimolinge ngeena, na kire loko kali-kelikie oto huni toꞌo-toꞌomaaie hurunge ni hiiwalaimolinge ikie. Aena urine, kie ke toliꞌaasie taꞌena nga ola ko liu-liu honosikie mwaanie hiiwalaimolinge aana God, na kie ke toliꞌaasie noꞌone mo walo ni oorahaꞌaa nge ko hiriꞌikie oto tarau. Oto kie ke huru aꞌailaꞌa taraꞌasi aana hurunge nge a God e totohoa oto naka huni huru aana.

Jemes 1:21

Oto omu ke neꞌi aasie mwaaniꞌomu ahutana mo ola tataꞌala na taꞌena nga ola aaela nge ko peine hailiu. Na omu ke haꞌamwai-mweiꞌaꞌomu hunie omu ke tola i sulie mo haꞌananaunge maaꞌi a God nge hasileni e lae oto i manatamiu, aana kire sai haꞌa-uuriꞌomu.

Jemes 3:14

Taꞌe mala o ko loꞌongaꞌiniꞌo oto mola maraamu, na saemu e honu mola aana saewasunge ni heotaꞌinge, nge o ke suꞌuri toohaꞌiniꞌo mala o saenanau, na o ke suꞌuri aaluhie walaimolinge aana eeronga urine.

Jemes 4:11

Maeni eesiku, omu ke suꞌuri sisiho aana nga iini. Mala omu ko siho aana nga iini i lalo aana Kraes, wa omu ko leie, nge omu ko ere waelie oto haꞌatolanga kire ko lulu i sulie. Urine nge e haataꞌinie omu kaꞌa hele ike i sulie mo haꞌatolanga, taꞌe omu ko sare haꞌapainaꞌaꞌomu loꞌu liutaa aana haꞌatolanga ngeena huni leie.

Jemes 4:5

Mo Uusu-uusu Maaꞌi kire unue uuri, a God e saetoꞌo aana liꞌoa nge e neꞌie aaka ke iiꞌo oto mola nana haliꞌite. ?Na ohe omu unue uri kire talei ere-ere mwaakule mola aana kire ere urine? !Haꞌike!

Jemes 5:9

Omu ke suꞌuri upwesiꞌomu heiliu, maeni eesiku, mwaanie a God e leiꞌomu. Na leinge e karaꞌinie oto kei lae mai.

1 Pita 2:16

A God e luhesiꞌomu oto mwaanie haꞌaletehinge haahie mo oorahaꞌaa iꞌomu, taꞌe mwaanie omu loꞌongaꞌinie uri omu ko iiꞌo luhetaꞌi urine, nge omu sai deu taꞌewau mola mala saemiu huni lae i sulie tataꞌalanga. !Haꞌike! Taꞌe aana omu iiꞌo luhetaꞌi mwaanie nanamanga aana oorahaꞌaa, nge omu ke iiꞌo oto mala mo tohungei koni-konihe a God.

1 Pita 2:22

Nga taa mo Uusu-uusu Maaꞌi e unue i sulie a Kraes e toꞌohuu, aana e teꞌuri, E kaꞌa asuie ike nga mei ola aaela, na nga mei wala ni eeronga e kaꞌa maau ike mwaanie ngidune. Aesaea 53:9

1 Pita 3:10

Oto mala mo Uusu-uusu Maaꞌi e unue uuri, Nga iini ko heri hunie mauringe diana na uri hunie ke iiꞌo ni ilenimwaꞌenga mola i suli dinge, nge ke kinetaꞌinie meana mwaanie erenga aaela, na ke suꞌuri unu-unue nga mei wala ni eeronga.

1 Pita 4:2

Oto maholo omu iiꞌo ue mai i laona walumalau ie, omu ke suꞌuri lulu i sulie walu ola aaela mola mala saemiu. !Suꞌuri! Omu ke lulu i sulie mola nga taa a God e saetoꞌo aana.

1 Pita 4:4

Taꞌe maholo ienini mo malahumiu oto i naꞌo kire ko tohungei pangataꞌiniꞌomu aana omu kaꞌa sare lae loꞌu peꞌire huni deu i sulie mo tolahai ola aaela ngeena. Oto kire ko ere tataaꞌiniꞌomu oto.

Haataꞌinge 14:5

Kire kaꞌa dau wala aaela ike aani eeronga, taꞌe kire tohungei iiꞌo oodotaꞌi taꞌingelu mola.