1 Pita 1:8 - Tataroha Diana

⁸ Nou saie taane uri omu kaꞌa leesie ike a Kraes, taꞌe omu tohungei manata diana mola hunie. Na maꞌalana omu kaꞌa sai leesie ue aana maholo ienini, taꞌe omu ko lae peꞌi hiiwalaimoli mola aana peꞌi ilenimwaꞌenga paine oto liutaa. Ilenimwaꞌenga iꞌomu e lae oto i peine liutaa na e manikuluꞌe, na hule aana nga mo wala kire kaꞌa adona ike haataꞌinilana ilenimwaꞌenga paine iꞌomu ngeena.

1 Pita 1:8 ပူးပေါင်းရင်းမြစ်များ

Matiu 10:37

Nga iini nge ko manata diana hunie aamana wa nikana liutaa aaku, e kaꞌa malisine ike ke neꞌi pwaarongoisuli ineu. Na nga iini ko manata diana hunie kalena mwane wa kalena keni liutaa aaku, e kaꞌa malisine ike ke neꞌi pwaarongoisuli ineu.

Tataroha Diana I Sulie A Jisas Kraes Nge A Jon E Uusue 14:15

Oto a Jisas e heꞌi unue loꞌu hunie mo pwaarongoisuli ingeie uuri, “Mala uri omu ko manata diana hunieu, omu ke tola i sulie mo haꞌatolanga ineu.

Tataroha Diana I Sulie A Jisas Kraes Nge A Jon E Uusue 14:21

A tei nge ko rongo hunie mo haꞌatolanga ineu na ko tola i suliꞌi, ingeie oto iini e manata diana hunieu. Na a tei ko manata diana hunieu, nge Aamaku kei manata diana hunie. Ineu noꞌone ne kei manata diana hunie, na ne ke si haꞌasaie aana tolahaku.”

Tataroha Diana I Sulie A Jisas Kraes Nge A Jon E Uusue 14:24

Taꞌe iini nge e kaꞌa manata diana oto hunieu, e kaꞌa tola oto i sulie walaku eena. Mo wala omu ko rorongoꞌi ngeena, e kaꞌa mo loꞌongaꞌinge ike mola ineu maraaku, taꞌe kire uure mai mwaanie a Mamaꞌa iini nge e uusungeꞌinieu mei.

Tataroha Diana I Sulie A Jisas Kraes Nge A Jon E Uusue 16:22

Oto iꞌomu na e urine noꞌone. Omu ko saehuu oto molana, taꞌe ne kei heꞌi leesiꞌomu taane loꞌu, na saemiu ke si honu aani ilenimwaꞌenga, aana taungei ilenimwaꞌenga nge nga iini e saꞌa taꞌaasie ike loꞌu mwaaniꞌomu.

Tataroha Diana I Sulie A Jisas Kraes Nge A Jon E Uusue 20:29

Oto a Jisas ko si teꞌuri hunie, “Iꞌoe, o hiiwalaimoli eeku mola aena aana o leesieu. Taꞌe deidehie oto liutaa mo iini e kaꞌa leesieu, taꞌe kire hiiwalaimoli.”

Tataroha Diana I Sulie A Jisas Kraes Nge A Jon E Uusue 8:42

Oto a Jisas ko teꞌuri hunire, “Mala uri a God ke neꞌi aamamiu toꞌohuu, haꞌalaa omu manata diana hunieu, aena aana nou uure oto mai mwaanie a God na ineu oto i seemiu ie. Nou kaꞌa lae ike mola mai tohuku, taꞌe ingeie ni e uusungeꞌinieu mei.

Palonga 16:34

E toolea a Pol na Saelas wau i nume ingeie, ko si nii ngeulaa adarue. Na ahutana mwala aana nume ingeie kire ko ilenimwaꞌe oto aana kire mani hiiwalaimoli aana a God.

Uusu-uusu A Pol Hurula'aa Hunie Mo Rom 14:17

Aana mo ola mala ngaunge na inunge, kire kaꞌa roroꞌa ike i laona Aalahanga a God. Taꞌe mo ola nge Liꞌoa Maaꞌi ko niiꞌi mala oodotaꞌinge na hanuelamanga na ilenimwaꞌenga haꞌalaa kire roroꞌa.

Uusu-uusu A Pol Hurula'aa Hunie Mo Rom 15:13

A God oto iini nge kie ko maaꞌoohi susutoꞌo hunie, na no ko eiꞌeitanaie hunie ke haꞌahonuꞌomu aana ilenimwaꞌenga na hanuelamanga paine aena aana omu hiiwalaimoli aana. Na no ko eiꞌeitanaie noꞌone hunie nanamanga aana Liꞌoa Maaꞌi ke tohungei haꞌa-aꞌailaꞌaa hiiwalaimolinge iꞌomu maholo omu ko maaꞌoohi susutoꞌo hunie nga taa e haiholotaꞌinie hunikie.

1 Korinit 16:22

Taꞌena nga iini nge e kaꞌa manata diana hunie a Aalaha ikie a Jisas, nge haꞌaloinge a God kei hite aana. No ko eitanaie a Aalaha ikie a Jisas hunie ke lae mai lau-leu,

2 Korinit 1:22

na e niie Liꞌoa Maaꞌi ingeie ke iiꞌo huu oto i lalo aaka mala haꞌa-ara a God. Liꞌoa Maaꞌi ko haataꞌinie uri ikie mo iinoni a God, na ahutana mo heiholotaꞌinge a God kei oa oto hunikie.

2 Korinit 12:4

Nou saie mola uri a God e tooleau oto taꞌau i saana i Paradaes, kaꞌu nou rongoa mo ola kire tohungei menikuluꞌe oto liutaa, hule aana ere-erenga ikie mo iinoni e kaꞌa toꞌo aana ike mo wala diana huni lado luhesie mo tohungei ola manikuluꞌe ngeena.

2 Korinit 4:18

Oto melu kaꞌa neꞌisae paine ike mola haahie mo ola nge kie sai leesiꞌi, taꞌe melu neꞌisae paine haahie mo ola nge kie kaꞌa sai leesiꞌi ike aana maaka. Aana mo ola nge kie sai leesiꞌi aana maaka, kire kaꞌa sai iiꞌo tewa ike. Taꞌe mo ola nge kie kaꞌa sai leesiꞌi ike aana maaka, nge haꞌalaa kire sai iiꞌo huu.

2 Korinit 5:7

Oto mau-meuringe ikie ko lae-lae mola aani hiiwalaimolinge, na e kaꞌa lae ike i sulie walu ola kie sai leesie aana maaka.

2 Korinit 9:15

Na ahutaka kie ke paalahea God haahie hahuꞌana niinge oto paine e niie hunikie, nge hule aana nga mo wala e kaꞌa malisine ike ere-luhesilana.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Epesas 3:19

Nga iini e saꞌa sai diana aana ike ahutana walu ola i sulie manata-diananga a Kraes hunie, taꞌe no ko eitanai talamiu uri omu ke sai diana aana manata-diananga a Kraes huniꞌomu. Urine nge omu kei honu aana nanamanga na tolahana a God.

Epesas 6:24

Na no ko eitanaie a God noꞌone uri ke haataꞌinie hahuꞌana manata-diananga ingeie huniꞌomu, mo iini nge manata-diananga iꞌomu hunie Aalaha ikie a Jisas Kraes e kaꞌa sai mou-mou ike aana taꞌena nga maholo.

Pilipae 1:25

Nou sai diana aana uri kei urine oto toꞌohuu. Na nou saie oto uri ne kei iiꞌo mola ue peꞌiꞌomu, hunie ne ke haꞌasusue hiiwalaimolinge na ilenimwaꞌenga iꞌomu.

Pilipae 3:3

Taꞌe ikolu, a God e asuie torihesiꞌonga toꞌohuu i saekaelu. Oto ikolu mo iinoni a God toꞌohuu, na ikire haꞌike, aena aana kolu ko paloa a God toꞌohuu aana peꞌinge a Liꞌoa Maaꞌi. Kolu norutoꞌo mola aana a Jisas Kraes huni haꞌa-uurikolu, na kolu kaꞌa norutoꞌo ike aana mo ola poꞌoi sinaha aana sape mala torihesiꞌonga.

Pilipae 4:4

Omu ke ile-ilenimwaꞌe tarau haahie a Aalaha. Na no ko heꞌi unue loꞌu uri omu ke ile-ilenimwaꞌe.

Hibru 11:1

?Oto nga taa ni hiiwalaimolinge? Hiiwalaimolinge oto norutoꞌonga uri nga taa kie ko maaꞌoohi susutoꞌo hunie kei oa toꞌohuu hunikie, na ni saie uri mo ola e toꞌohuu taane maꞌalana uri kie kaꞌa leesiꞌi ue.

Hibru 11:27

Aani hiiwalaimolinge mone, a Mosis e lae mwaanie i Ijip, na e uure aꞌailaꞌa honosie saewasunge a inemauri, aena aana ko tola i sulie mola Inemauri nge nga iini e kaꞌa sai leesie ike.

1 Pita 1:6

Aena urine omu ke ile-ilenimwaꞌe mola, maꞌalana uri omu ko sapesalu aana kele maholo ienini i tehulaꞌana walu ola e aasa nge ko lae peꞌi oohongiꞌomu.

1 Pita 2:7

Na huniꞌomu mo iini omu hiiwalaimoli, hau ngeena tohungei ola diana oto liutaa, aena aana a Jisas oto ni ngeena. Taꞌe e kaꞌa neꞌie ike nga mei ola diana i maana mwala nge kire kaꞌa hiiwalaimoli aana. Na mo Uusu-uusu Maaꞌi e ere loꞌu i sulie hau ngeena aana e unue noꞌone uuri, Hau nge mwala tou-tohu nume kire leledie kaꞌu, e si lae mai neꞌie naꞌohai heu oto aana poo-pootana nume. Sam 118:22

1 Pita 5:4

Na maholo nge Naꞌohai Kakalihe haahie mo sipu kei ooli mei, nge ingeie ke si niie waaite e tohungei menikuluꞌe huniꞌomu, na mei waaite ngeena e saꞌa mango ike loꞌu aana nga maholo.