Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pita 1:3 - Tataroha Diana

3 E hahuꞌei diana hunie kie ke paalahea God, Aamana Aalaha ikie a Jisas Kraes. Aena aana aamasinge ingeie hunikie mone e haꞌahutekie loꞌu hunie mauringe haalu. Oto i tehulaꞌana taꞌelaꞌinge a Jisas Kraes mwaanie maenga, nge kie toꞌo aana mei heiholotaꞌinge diana nge kie tohungei norutoꞌo oto aana.

အခန်းကိုကြည့်ပါ။ ကော်ပီ




1 Pita 1:3
56 ပူးပေါင်းရင်းမြစ်များ  

Kire kaꞌa neꞌi kalena God ike aana hutanga nge e uure mwaanie hari-huninge ni sape i sulie tolaha ni iinoni, taꞌe kire hute haalu oto aana God maraana.


Omu ke ile-ilenimwaꞌe tarau haahie mo heiholotaꞌinge a God huniꞌomu. Maholo siꞌohaꞌanga ko hite aamiu, omu ke hele maꞌutaꞌa mola aana hiiwalaimolinge, na omu ke iiꞌo peꞌi aarengaꞌinge mola tarau.


A God oto iini nge kie ko maaꞌoohi susutoꞌo hunie, na no ko eiꞌeitanaie hunie ke haꞌahonuꞌomu aana ilenimwaꞌenga na hanuelamanga paine aena aana omu hiiwalaimoli aana. Na no ko eiꞌeitanaie noꞌone hunie nanamanga aana Liꞌoa Maaꞌi ke tohungei haꞌa-aꞌailaꞌaa hiiwalaimolinge iꞌomu maholo omu ko maaꞌoohi susutoꞌo hunie nga taa e haiholotaꞌinie hunikie.


Iau, a God e niie mai a Jisas uri hunie ke mae honotana mo oorahaꞌaanga ikie, oto e taꞌe aalihoꞌi aana loꞌu uri hunie kie ke neꞌie iinoni oodotaꞌi i maana.


Holaꞌinaꞌo kie oꞌoꞌo mola mala mo maelonga a God. Taꞌe i tehulaꞌana maelana a Kalena, nge e si da kie lae mai neꞌi malahune. Aena leune e toꞌohuu, na aana maholo ie kie haꞌimalahune oto peꞌie a God, na a Kalena ko meuri i lalo aaka, nge kie sai diana aana oto uri a God kei haꞌa-uurikie toꞌohuu.


Liꞌoa Maaꞌi a God nge e taꞌe aalihoꞌi aana Jisas Kraes loꞌu mwaanie maenga, na ingeie oto e iiꞌo i lalo aamiu. Na mala a God e taꞌelaꞌinie sapena Kraes, nge kei taꞌelaꞌinie loꞌu sapemiu nge e mamaelaꞌa, aana Liꞌoa Maaꞌi nge e iiꞌo i lalo aamiu.


A God e haꞌa-uurikie oto, na aani hiiwalaimolinge aana walana, kie ko si maa-maaꞌoohie mola mo ola e unue kei niiꞌi naka. Nga iini saꞌa talei maa-maaꞌoohie ike mei ola e rau mango oto, taꞌe kei maaꞌoohie mola mei ola e kaꞌa rau ue. Na ikie, kie kaꞌa leesie ue nga taa kie ko maa-maaꞌoohie ngeena, taꞌe kie ko maa-maaꞌoohi susutoꞌo mola.


Na e oolu mei ola e iiꞌo huu oto ie—hiiwalaimolinge, na maaꞌoohinge susutoꞌo, na manata-diananga. Taꞌe manata-diananga oto naꞌohana e oolu mei ola ngeena.


!Taꞌe haꞌike! Walaimolinge oto uri a Kraes e taꞌelaꞌi mwaanie maenga mala nga haiholotaꞌinge uri hungelana mo iini e mae oto kire kei haro taꞌelaꞌi loꞌu noꞌone hunie mauringe huu.


Kie ke mani paalahea God, Aamana Jisas Kraes Aalaha ikie, aana a Mamaꞌa oto aahuꞌine aamasinge na iini ni haꞌadodoa saeka mo iinoni.


Hanuelamanga na aamasinge a God ke iiꞌo peꞌiꞌomu mo iini omu ko lulu i sulie haꞌatolanga ienini i laona maurihaꞌamiu, na iꞌomu oto mo tohungei iinoni ingeie.


Na no ko eitanaie a God nge ingeie hahuꞌana Aamana Aalaha ikie a Jisas Kraes, uri a Liꞌoa Maaꞌi ke haataꞌinie mo ola i sulie a God huniꞌomu, na omu ke saenanau diana aani.


Kie ke paalahea Aamana a Jisas Kraes Aalaha ikie, aana a God e haꞌadianaꞌakie aana mo niinge ni Liꞌoa ingeie uure i Lengi i tehulaꞌana iiꞌo-rurunge ikie peꞌie a Jisas Kraes.


Na i tehulaꞌana a Kraes e tapa oolisikie aana maelana, nge a God e taꞌaasie noꞌone mo oorahaꞌaanga ikie. A Kraes e tohungei haꞌadianaꞌakie aana mo hahuꞌei niinge diana ingeie


Taꞌe a God e aamasikie, na manata-diananga ingeie hunikie e tohungei peine liutaa.


Peꞌie nanamanga a God i lalo aaka, a God e sai esuie walu ola e liutaa loꞌu aana taꞌena nga ola kie sai sukaa wa loꞌongaꞌinie.


Taꞌe kei toꞌohuu urine aamiu mola mala uri omu ko tohungei uure aꞌailaꞌa taraꞌasi aani hiiwalaimolinge peꞌi norutoꞌonga, na omu ke maaꞌoohi susutoꞌo mola hunie haiholotaꞌinge a God huniꞌomu nge omu rongoa oto aana Tataroha Diana. Na nou hiiwalaimoli kei toꞌohuu oto urine aamiu. Na tarohaꞌinilana taꞌa-taꞌa Tataroha Diana ngeena ko lae aana taꞌena nga leu i laona walumalau, na ineu a Pol, nou neꞌie koni-konihe aana Tataroha Diana ngeena huni lae peꞌie laeliwalanga aana.


E asuie leune hunie iꞌomu mo Aapoloa Aaopa, omu ke manataꞌinie uri a Kraes e sai iiꞌo oto i lalo aamiu, na ko haꞌawalaimoliꞌaa huniꞌomu uri iꞌomu noꞌone omu sai iiꞌo peꞌie i laona manikuluhaꞌana. Mei saehaahinge a God nge e iiꞌo mumuni keꞌu ni otona, na e tohungei diana hunikie na e lio manikuluꞌe.


Oto tarau aana aarengaꞌinge iꞌemeelu hunie a God Aamaka, melu ko aamasitoꞌo aana mo tolahai iinoni diana nge omu ko lulu i suliꞌi i sulie hiiwalaimolinge iꞌomu aana a Jisas, na mo weonga iꞌomu i tehulaꞌana omu manata diana hunie a God. Na melu ko loꞌongaꞌinie noꞌone uuranga aꞌailaꞌa iꞌomu aani norutoꞌonga aana a Jisas Kraes Aalaha ikie.


Maeni eesiku maaꞌi, saemeelu uri omu ke sai diana aana nga taa kei reu aana mo iini nge kire mae oto. Mwaanie omu sae-saehuu mala mo iini e puꞌo nge kire kaꞌa norutoꞌo ike aana a God.


Oto melu ko eitanai uri Aalaha ikie a Jisas Kraes na a God Aamaka, ke haꞌasusue saemiu na ke haꞌa-aꞌailaꞌaꞌomu hunie taꞌena nga mei ola diana omu ko esuie wa omu ko unue. Na kei toꞌohuu oto aana melu saie oto uri e tohungei manata diana hunikie na haꞌasusulaka e saꞌa mou-mou ike oto ooꞌoo, na haiholotaꞌinge ingeie hunikie e tohungei diana na kie sai nou-norue oto mola haliꞌite.


Taꞌe Aalaha ikie e niie hahuꞌana manata-diananga ingeie hunieu, na aena ngeena mone nou eeliꞌu huni hiiwalaimoli aana a Kraes Jisas, na huni mana-manata diana hunie mwala mala ingeie noꞌone e manata diana hunire.


Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka


Taꞌe a Kraes mone Kalena God, na ingeie oto ko aalaha haahie uluhe aana nume a God, na ko tohungei lio i suli diana aana. Na ikie oto uluhe aana nume a God ngeena, mala uri kie kaꞌa mou-mou ike aani hiiwalaimolinge na kie ko maaꞌoohi susutoꞌo peꞌie norutoꞌonga aana Kraes oto taraureꞌi.


Uure oto aana hari-huninge ingeie, nge kolu neꞌi kalena. E haꞌahutekie aana mei wala toꞌohuu ingeie, hunie kie ke mani neꞌie oto naꞌohai ola aana ahutana mo ola nge e haꞌaholaꞌi.


Oto i tehulaꞌana walu ola ngeena, nge omu ke dau aakau eemiu maraamiu huni esuie mo ola diana, na omu ke kinetaꞌinie tolahamiu mwaanie aaelanga. Na omu ke tohungei norutoꞌo mola aana God, na maaꞌoohi-susutoꞌonga iꞌomu ke maꞌutaꞌa i lengine niinge diana nge a God kei niie huniꞌomu aana maholo a Jisas Kraes kei ooli loꞌu mei.


I tehulaꞌana Kraes mone omu hiiwalaimoli aana a God. Na aena aana a God e taꞌe aalihoꞌi aana a Kraes mwaanie maenga na e niie manikuluꞌanga nana, nge omu sai diana aana uri omu sai hiiwalaimoli oto toꞌohuu aana a God na norutoꞌonga iꞌomu aana haiholotaꞌinge ingeie kei oa toꞌohuu taane.


Iau, omu ke teteꞌurine aena aana omu hute haalu hunie iiꞌonga haalu. Walana God e si esuie omu ko hute hunie iiꞌonga haalu ngeena, na mei wala ngeena mei ola nge e kaꞌa sai mae ike, taꞌe e iiꞌo huu oto di na oto di.


Taꞌe omu ke urihana mola mo kele wee-wee nge kire si hute na kire saetoꞌo aana susunge oto hiitoꞌo. Aana iꞌomu noꞌone, e malisine omu ke tohungei saetoꞌo aana haꞌa-uusulinge a God mala kele wee-wee e tohungei saetoꞌo aana ewei susu. Aana haꞌa-uusulinge a God e sai peꞌiꞌomu hunie omu ke pai-peine diana aana mo tolaha diana a God i laona mauringe haalu ngeena nge a God e si niie namiu aana e haꞌa-uuriꞌomu.


Taꞌe omu ke neꞌisae haꞌamaꞌu mola aana Kraes mala Aalaha iꞌomu. Na omu ke iiꞌo aakau mola taraureꞌi huni aalamie mwala nge kire ko dodolosi eemiu i sulie hiiwalaimolinge iꞌomu aana a Kraes, na mei diananga uri taa omu ko maaꞌoohi susutoꞌo huni toolea mwaanie.


Na haꞌa-uurilada ngeena, nga tolimaa aana haꞌa-uurilaka nge ko lae mai hunikie aana loto-maaꞌinge. Loto-maaꞌinge nge ko haꞌa-uurikie ngeena e kaꞌa neꞌie ike mei ola mola aana wai ko hoda aasie mo mada mwaanie sapeka, taꞌe kie ko loto maaꞌi oto toꞌohuu maholo kie haiholotaꞌinie hunie a God aani sae manola uri kie kei lulu i sulie oto aani norutoꞌonga aana. Na loto-maaꞌinge urine e toꞌo aana nanamanga huni haꞌa-uurikie aena aana a Jisas Kraes e taꞌelaꞌi eelihoꞌi mwaanie maenga.


Oto wau i naꞌo, mo huꞌe maaꞌi nge kire norutoꞌo aana God, kire haꞌalaunire urine aani tola i sulilana mo poro ikire. Na urine nge kire tohungei lio diana oto liutaa.


Omu saie oto uri a Kraes ingeie e oodotaꞌi. Oto e malisine uri omu ke saie loꞌu uri ahutana mo kalena God, helelada e oodotaꞌi noꞌone.


Na ahutaka nge kie ko lio-lio peꞌie maaꞌoohinge loosie maholo ngeena, kie ko kinetaꞌinikie hunie kie ke iiꞌo rereꞌa oto mala a Kraes e rereꞌa.


A tei nge e neꞌie oto kalena God, e kaꞌa oora-oorahaꞌaa ike, aena aana mei epu a God oto i lalo aana. Na aena aana a God oto aamana, e aasa hunie kei oorahaꞌaa loꞌu.


Maeni iinoni maaꞌi ineu, kie ke manata diana hunikie hailiu, aana manata-diananga e uure aana God. Taꞌena nga iini ko mana-manata diana, nge ko haataꞌinie uri ingeie oto kalena a God na e saie a God.


Taꞌena nga iini ko hiiwalaimoli aana a Jisas uri ingeie a Kraes, a Haꞌa-uuritaka nge a God e haiholotaꞌinie kaꞌu huni uusungeꞌinie mai, nge iinoni ngeena e hute haalu mala ngaeta kalena God. Na taꞌena nga iini ko manata diana hunie Mamaꞌa i Lengi, nge ke manata diana noꞌone hunie mo iini nge e hute aana.


Kie manataꞌinie oto uri taꞌe-taꞌena nga iini e hute aana a God, e kaꞌa talei oora-oorahaꞌaa ike, aana a Kalena God ko kinetaꞌinie mwaanie uri Naꞌohai Iini Tataꞌala, a Pwelu Eero-eero, e kopi aana huni waelie.


aena aana taꞌena nga iini e neꞌi kalena God oto, ko aꞌailaꞌasie mola walumalau aani norutoꞌonga aana Kraes.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ