1 Pita 1:2 - Tataroha Diana

² A God Aamaka e lio hilisiꞌomu oto uure mai naꞌo i sulie oalaꞌinge ingeie. Na Liꞌoa Maaꞌi e lae peꞌi haꞌamaaꞌiꞌomu oto mai hunie omu ke iiꞌo maaꞌi, hunie omu ke lulu i sulie a Jisas Kraes. Lotohilemiu e lae aana apune, aena aana maenga ingeie oto uuraaꞌinge nge ko da omu iiꞌo rereꞌa mwaanie oorahaꞌaa. No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu taraureꞌi.

1 Pita 1:2 ပူးပေါင်းရင်းမြစ်များ

Matiu 24:22

Mala uri a God kaꞌa holo oꞌoruꞌe aana maholo ni siꞌohaꞌanga ngeena, nge nga iini saꞌa mauri ike loꞌu. Taꞌe i sulie a God e loꞌongaꞌinie mo iini nge e lio hilisire oto, nge mone kei holo oꞌoruꞌe aana maholona.”

Matiu 24:24

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Matiu 24:31

Oto ne kei uusungeꞌinie mai mo ensel ineu peꞌie aawatai eehuri oto paine, na kire kei lae peꞌi soꞌokonie mo iini nou lio hilisire mwaanie e hai maai dengi aana walumalau, uure aana ngaeta ngongoꞌai welumalau lai hule aana ngaeta ngongoꞌai welumalau.”

Tataroha Diana I Sulie A Jisas Kraes Nge A Mak E Uusue 13:20

Mala uri a God kaꞌa holo oꞌoruꞌe aana maholo ni siꞌohaꞌanga ngeena, nge nga iini saꞌa mauri ike loꞌu. Taꞌe i sulie a God e loꞌongaꞌinie mo iini nge e lio hilisire oto, nge mone kei holo oꞌoruꞌe aana maholona.

Tataroha Diana I Sulie A Jisas Kraes Nge A Mak E Uusue 13:22

Aena aana mo kraes eero-eero na mo propet eero-eero hunge kire kei lae mai. Na mala ko mwadaꞌu, kire kei haꞌatakaloa mo iini nge a God e lio hilisire oto. Kire kei haataꞌinie mo tolimaa na mo huꞌi-huꞌite aana mwala, taꞌe mwaanie omu hiiwalaimoli aada.

Tataroha Diana I Sulie A Jisas Kraes Nge A Mak E Uusue 13:27

Na aana maholona, ne kei uusungeꞌinie mo ensel hunie kire ke lae aana e hai suꞌu-suꞌue aana walumalau, huni soꞌokonie mo iini nou lio hilisire mwaanie e hai maai dengi aana walumalau, uure aana ngaeta ngongoꞌai welumalau lai hule aana ngaeta ngongoꞌai welumalau.”

Tataroha Diana I Sulie A Jisas Kraes Nge A Luk E Uusue 18:7

?Uri omu loꞌongaꞌinie a God e saꞌa haꞌa-oodohie ike nga mei ola urine hunie mo iini kire hiiwalaimoli aana, aena aana kire ko ngarasie i suli rodo na aatowaa huni peꞌinge? ?Na e ue? ?Uri omu loꞌongaꞌinie e saꞌa peꞌire ike lau-leu?

Palonga 15:18

Na ingeie oto e asuie mwala ke saie walu olana oto wau i naꞌo.” Emos 9:11-12

Palonga 2:23

Na a God e lae oto i sulie oalaꞌinge ingeie mala e loꞌongaꞌinie uure oto mai naꞌo maholo e toliꞌaasie uri omu ke tapolie a Jisas hunie horoꞌilana. Oto omu si niie i laona nimada mo puꞌo, na kire horo maesie i lengine poꞌu-poꞌu.

Palonga 20:32

Oto no ko neꞌiꞌomu i laona kinetaꞌinge a God. Aamasitoꞌo diana aana mei wala i sulie aamasinge paine ingeie. Aana mei wala ngeena e sai haꞌa-aꞌailaꞌaꞌomu, na e sai haꞌadianaꞌaꞌomu aana walu ola diana nge e toꞌo aani hunie mo iinoni ingeie.

Uusu-uusu A Pol Hurula'aa Hunie Mo Rom 1:5

A Jisas e tohungei haataꞌinie hahuꞌana manata-diananga ingeie hunieu aana e lio hilisieu hunie ne ke neꞌi hurulaꞌaa ingeie, uri hunie ne ke naꞌona mwala aana taꞌena nga komu hunie kire ke haꞌapainaꞌaa satana, na hunie kire ke hiiwalaimoli aana, na hunie kire ke tola i sulie walana.

Uusu-uusu A Pol Hurula'aa Hunie Mo Rom 1:7

Oto ie no ko uusu-uusu hunie ahutemiu weu i Rom, mwala nge a God e manata diana huniꞌomu na e soiꞌomu hunie omu ke neꞌie oto mo tohungei iinoni maaꞌi ingeie. No ko eitanaie a God Aamaka na a Jisas Kraes Aalaha ikie, uri kire ke haataꞌinie hahuꞌana manata-diananga huniꞌomu, na uri ke niie hanuelamanga huniꞌomu.

Uusu-uusu A Pol Hurula'aa Hunie Mo Rom 11:2

A God e saꞌa tohungei sereꞌinie ike mwala ingeie nge e lio hilisire oto uure wau i naꞌo. Omu saie kaꞌu oto laladonga i sulie a Elaeja i laona mo Uusu-uusu Maaꞌi, aana maholo e aarea God na e tohungei ere aaelasie mwala ni Israel uuri,

Uusu-uusu A Pol Hurula'aa Hunie Mo Rom 11:28

Mo Jiu, kire sereꞌinie Tataroha Diana, na aena urinena a God ko tohungei saewasulire oto. Taꞌe nga taa kire asuie ngeena ko peꞌiꞌomu, mwala nge iꞌomu nga mo Jiu haꞌike, aena aana maholo kire kaꞌa hiiwalaimoli, nge melu lae mai tarohaꞌinie a Kraes huniꞌomu. Taꞌe i sulie a God e lio hilisire mone oto, a God ko tohungei manata diana hunire ue, i sulie haiholotaꞌinge ingeie hunie mo weuwada.

Uusu-uusu A Pol Hurula'aa Hunie Mo Rom 15:16

hunie uri ne ke neꞌi iinoni euꞌesu a Jisas Kraes huni peꞌiꞌomu, mwala nge iꞌomu nga mo Jiu haꞌike. No ko tarohaꞌinie Tataroha Diana uri hunie iꞌomu mo Aapoloa Aaopa, omu ke lae mai i saana God. Oto e urihana no ko esu mala pris aana no ko tooleꞌomu mo Aapoloa Aaopa mai i saana God mala nga uunu-olanga e maaꞌi na a God ko sae mango haahie, aana a Liꞌoa Maaꞌi e haꞌamaaꞌiꞌomu oto nana.

Uusu-uusu A Pol Hurula'aa Hunie Mo Rom 16:19

Nou saie uri iꞌomu, omu saꞌa rongo ike hunire, aana ahutana mwala kire mani rongoa oto uri omu ko totola i sulie mola a Aalaha, na aena mei olana nge no ko tohungei ilenimwaꞌe haahiꞌomu. Taꞌe saeku uri omu ke tohungei saenanau i sulie walu ola diana, na omu ke iiꞌo haꞌatau loꞌu mwaanie walu ola aaela.

Uusu-uusu A Pol Hurula'aa Hunie Mo Rom 16:26

Taꞌe mala mo propet kire ere lalai aana, na mala a God Mau-meuriꞌe e unue, mei wala ienini ko lae oto hunie mo Aapoloa Aaopa aana taꞌena nga leu hunie uri kire ke hiiwalaimoli aana God na kire ke lulu i sulie.

Uusu-uusu A Pol Hurula'aa Hunie Mo Rom 8:13

Mala uri omu kei iiꞌo oto i sulie mo tolahai ola aaela urine, nge omu kei mae mola. Taꞌe mala uri omu kei iiꞌo oto i sulie tolahana Liꞌoa Maaꞌi na uri omu kei toliꞌaasie oto toꞌohuu mo tolahai ola aaela iꞌomu, nge omu ke si helesie maurihe huu.

Uusu-uusu A Pol Hurula'aa Hunie Mo Rom 8:33

?A tei ni kei roroꞌa uusuikie haahie mei oorahaꞌaa? ?Uri a God? !Haꞌike oto ooꞌoo! Ikie mo iini nge a God e lio hilisikie oto, na a God maraana oto e unue uri kie oodotaꞌi mola.

1 Korinit 1:30

Aena aana a God mone e si da omu lae mai neꞌi iinoni tararuru peꞌie a Jisas Kraes. Ingeie oto e lae mai huni niie saenanaunge a God hunikie, na ingeie mola ni e haꞌa-oodohikie peꞌie a God, na e haꞌamaaꞌikie, na e holikie mwaanie iiꞌonga i memelutana oorahaꞌaa.

1 Korinit 6:11

E toꞌohuu oto, holaꞌinaꞌo ngaeta mo iini hikemiu kire urine noꞌone. Taꞌe ie, loto-aasilana mo oorahaꞌaa iꞌomu e lae oto, na haꞌamaaꞌilemiu e lae oto aana satana Aalaha ikie a Jisas Kraes na aana nanamanga Liꞌoa Maaꞌi a God ikie.

2 Korinit 10:5

Oto melu sai ohoie mola taꞌena nga neꞌisaenga honosie a God aana mo reisinge ngeena, na melu sai oho aasie mola taꞌena nga ere-toohaꞌinge nge mwala ko unu-unue aana kire sereꞌi eeliꞌu huni tola i sulie a God. Na aana mo reisinge ngeena melu tola hehesie oto mo neꞌisaenga takalo ikire na melu ko haꞌa-uusulire huni tola i sulie a Kraes.

2 Korinit 13:14

No ko aarengaꞌi hunie uri Aalaha ikie a Jisas Kraes ke haataꞌinie hahuꞌana manata-diananga ingeie huniꞌomu, na hunie uri a God ke haꞌadianaꞌaꞌomu aana manata-diananga ingeie, na hunie a Liꞌoa Maaꞌi ke lokoa ahutana saemiu aani hatanga peꞌie.

Kolosi 3:12

Iꞌomu, a God e lio hilisiꞌomu hunie omu ke neꞌi iinoni maaꞌi ingeie nge e tohungei manata diana huniꞌomu. Oto aena urine, iꞌomu noꞌone omu ke haataꞌinie aamasinge hunie mo iinoni, na omu ke saemamae hunie mwala, na omu ke haꞌamwai-mweiꞌaꞌomu, na omu ke toli rako peꞌie mwala, na omu ke suꞌuri sae-saewasu oto lau-leu peꞌie mwala.

2 Tesalonaeka 2:13

Maeni eesiku maaꞌi, e malisine melu ke paalahea God mola tarau haahiꞌomu, aana iꞌomu mo iini a Aalaha e manata diana huniꞌomu. A God e lio hilisiꞌomu uure oto wau i naꞌo huni haꞌa-uuriꞌomu, na e haꞌa-uuriꞌomu aana omu hiiwalaimoli aana mo wala toꞌohuu, na a Liꞌoa Maaꞌi e da omu neꞌi iinoni maaꞌi.

2 Timoti 2:10

Aena urine kaꞌu, maꞌalana mwala ko haꞌaloieu mala ie, taꞌe no ko iiꞌo susu mola. Aana tala urine nge no ko peꞌie mwala nge a God e lio hilisire oto, hunie kire ke toꞌo aana maurihe peꞌie a Jisas Kraes na kire ke iiꞌo peꞌie aana manikuluhaꞌana oto di.

Taetas 1:1

Saediananga mwaanieu a Pol, huniꞌo Taetas. Ineu nga koni-konihe a God na hurulaꞌaa a Jisas Kraes. E uusungeꞌinieu huni peꞌie hiiwalaimolinge mo iini nge a God e lio hilisire hunie kire ke neꞌi iinoni ingeie, na huni haꞌa-uusulire i sulie walaimolinge nge kei peꞌire hunie kire ke iiꞌo maaꞌi.

Hibru 11:28

E hiiwalaimoli aana God, kaꞌu e aehotaa ngauhe paine aana Liumwaanie mala a God e unue hunie. A Mosis e unue uri mwala ni Israel kire ke tataaꞌinie apune mo kalei sipu i pweune maa aana mo nume ikire, hunie uri ensel ko lae mai huni horo maesie mo naꞌohai mwela e saꞌa hule ike aana mwala ni Israel.

Hibru 12:24

Na kie lae oto mai i saana Jisas. Ingeie oto iini ko haꞌa-uurerurukie peꞌie a God aana e haꞌa-uuresie haiholotaꞌinge haalu a God peꞌie mo iinoni. Na apune a Jisas nge tataaꞌinilana e lae huni hoda rereꞌa aaka mwaanie oorahaꞌaa e haataꞌinie oto mei ola e diana loꞌu liutaa aana apune a Ebol nge e soi peine mola hunie nga iini ke suꞌue maenga ingeie.

Hibru 5:9

Oto urine a God e haataꞌinie uri nga mei ola e kaꞌa aaela ike aana a Jisas, na a Jisas e si neꞌie tala hunie maurihe aana mwala ko tola i sulie.

1 Pita 1:14

Holaꞌinaꞌo, maholo na omu kaꞌa sai diana aana ue nga mei ola, omu talei lae taꞌewau oto mola i sulie saemiu. Taꞌe omu ke suꞌuri lae loꞌu i sulie mo saehanalinge aaela iꞌomu ngeena. !Suꞌuri loꞌu! Taꞌe aana maholo ienini omu ke tola i sulie oto a God mala mo mwela diana ingeie.

1 Pita 1:19

!Haꞌike! E holi eelihoꞌi eemiu aana tohungana apune a Kraes, aana a Kraes e mae honotamiu urihana nga kele kalei sipu aana uunu-olanga. Na mala kire ko lio hilisie nga kele kalei sipu e kaꞌa toꞌo aana ike nga mei ola ke aaela aana hunie uunu-olanga, nge e urine noꞌone aana a God e lio hilisie a Kraes.

1 Pita 1:20

Maholo na a God e kaꞌa haꞌaholaa ue walumalau, e pwani lio hilisie oto a Kraes hunie ke haꞌa-uuriꞌomu urine. Na aana maholo ienini nge e kaꞌa tewa oto hunie walumalau kei mango, a Kraes e pwani lae oto mai huni esuie leune huniꞌomu.

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

1 Pita 2:9

Taꞌe iꞌomu oto, a God e lio hilisiꞌomu nana. Iꞌomu oto mo pris a Inemauri, na iꞌomu oto mwala maaꞌi ingeie. Iꞌomu oto mo tohungei iinoni a God maraana, nge e lio hilisiꞌomu huni tarohaꞌinie tolahai esunge diana ingeie. Aana a God oto e soiꞌomu mei mwaanie rodohono na omu lai sili i laona raa-raa ingeie e manikuluꞌe.

2 Pita 1:2

No ko eitanaie a God uri hahuꞌana manata-diananga na hanuelamanga ingeie ke iiꞌo peꞌiꞌomu maholo omu ko pei-peine i lalo aana sai-olanga a God na Aalaha ikie a Jisas.

2 Jon 1:1

Saediananga mwaanieu Rato ni mwane aana soihaadaꞌinge, huniꞌo tohungei keni diana a God peꞌie maeni kalemu. Ineu peꞌie ahutana oto mo iini e manataꞌinie walaimolinge ko manata diana huniꞌomu,

2 Jon 1:13

Mei wala ni saediananga noꞌone huniꞌo mwaanie mo kalena a keni eesimu, tohungei keni diana a God noꞌone mala iꞌoe.

Jiud 1:2

No ko aarea God uri aamasinge, hanuelamanga na manata-diananga ingeie ke aahu oto huniꞌomu.