1 Pita 1:13 - Tataroha Diana

¹³ Oto i tehulaꞌana walu ola ngeena, nge omu ke dau aakau eemiu maraamiu huni esuie mo ola diana, na omu ke kinetaꞌinie tolahamiu mwaanie aaelanga. Na omu ke tohungei norutoꞌo mola aana God, na maaꞌoohi-susutoꞌonga iꞌomu ke maꞌutaꞌa i lengine niinge diana nge a God kei niie huniꞌomu aana maholo a Jisas Kraes kei ooli loꞌu mei.

1 Pita 1:13 ပူးပေါင်းရင်းမြစ်များ

Matiu 20:4

Oto ko unue hunire uuri, ‘Omu ke lae noꞌone i esu nekue aana hohola ineu, na ne ke si waaiꞌomu taane adona asunge iꞌomu.’

Tataroha Diana I Sulie A Jisas Kraes Nge A Luk E Uusue 12:35

Oto a Jisas ko heꞌi teꞌuri loꞌu, “Omu ke dau aakau taraureꞌi loosie nga taa ko lae mai. Omu ke roro maꞌutaꞌa aana mo toꞌoni iꞌomu, na omu ke haꞌakaunie mo laite iꞌomu kire ke eeso-eeso,

Tataroha Diana I Sulie A Jisas Kraes Nge A Luk E Uusue 17:30

“Aitana kei urine noꞌone aana hai dinge nge ineu a Kale Ni Iinoni ne kei ooli mei.

Tataroha Diana I Sulie A Jisas Kraes Nge A Luk E Uusue 17:8

Taꞌe poro paine ingeie kei unue hunie uuri, ‘O ke dau aakau kaꞌu aana mo ngeulaa akue. Mango o ke si oolisi na o ke raretaꞌinieu. Ne kei ngeu na ne kei inu mango, nge iꞌoe o ke si ngeu loꞌu.’

Uusu-uusu A Pol Hurula'aa Hunie Mo Rom 13:13

Iau, kie ke iiꞌo oodotaꞌi oto mola tarau, mala mwala ko esuie mola mo ola haadaꞌi i laona matapwanga aana aatowaa. Kie ke suꞌuri esuie mo ngeunge aaela na mahiringe aana inuhilana mo wei ni pweunge. Masinge na ke suꞌuri loꞌu, na kie ke suꞌuri tara loꞌu i sulie mo tolahai ola aaela urine. Kie ke suꞌuri toolea loꞌu haꞌa-erenga na heotaꞌinge.

Uusu-uusu A Pol Hurula'aa Hunie Mo Rom 8:19

Taꞌe-taꞌena nga ola a God e haꞌaholaa ko maa-maaꞌoohi peꞌi toꞌue luada huni leesie haataꞌinilana manikuluhaꞌana mo tohungei kalena God.

1 Korinit 1:7

hule aana soihaadaꞌinge iꞌomu e toꞌo aana oto taꞌena nga niinge aana Liꞌoa Maaꞌi. Oto omu saꞌa tola talea ike nga mei ola aana maholo nge omu ko maaꞌoohi peꞌi heri-huninge loosie Aalaha ikie a Jisas Kraes kei ooli loꞌu mei.

1 Korinit 13:13

Na e oolu mei ola e iiꞌo huu oto ie—hiiwalaimolinge, na maaꞌoohinge susutoꞌo, na manata-diananga. Taꞌe manata-diananga oto naꞌohana e oolu mei ola ngeena.

Epesas 6:14

Oto omu ke uure aakau. Omu ke hoꞌosie oto walaimolinge mala rorotoꞌoni iꞌomu, na omu ke toꞌoni oto haahiꞌomu aana oodo-oodonga mala toꞌoni ni oohotaa nge ko kinetaꞌinie sae.

Kolosi 3:4

Tohungana maurihe iꞌomu oto a Kraes, na maholo a Kraes kei haataꞌi aana manikuluhaꞌana maholo kei ooli loꞌu mei, nge iꞌomu noꞌone omu ke si haataꞌi tararuru peꞌie.

2 Tesalonaeka 1:7

Na a God kei haꞌamangoa taane mo weonga mo iini nge taungeꞌinilada ko lae i tehulaꞌana. Oto maꞌalana kolu ko meni sapesalu oto ie, taꞌe aana nga maholo ue mai, kolu saꞌa heꞌi sapesalu loꞌu. Na leune ke si reu taane aana maholo nge Aalaha ikie a Jisas kei uure taꞌau i Lengi na kei siho mai peꞌie mo ensel ingeie nge kire toꞌo aana nanamanga paine.

2 Timoti 4:5

Taꞌe iꞌoe oto o ke loꞌo-loꞌongaꞌi diana tarau, na o ke uure aꞌailaꞌa mola maꞌalana uri o ko lae oodoie loꞌu aasanga. O ke lae taraꞌasi mola peꞌie tarohaꞌinilana Tataroha Diana, na o ke asuie toꞌohuu mei esunge a God e niie huniꞌo ngeena.

2 Timoti 4:8

Na waaite nge ne kei toolea i maana halinge ngeena e iiꞌo aakau loosieu oto, aana ineu nou iiꞌo oodotaꞌi oto i maana God. A Aalaha kei lei oodotaꞌi aana ahutana mwala, na aana Dinge Ooreta ke si waaieu taane. E saꞌa da ike leune hunieu haliꞌite, taꞌe hunie ahutana mo iini kire manata diana hunie na kire ko maaꞌoohie oolinge ingeie mai.

Hibru 10:35

Oto mwaanie omu toliꞌaasie loꞌu mei hiiwalaimolinge maꞌutaꞌa iꞌomu ngeena, aana a God e sai waaie mwala nge kire hele maꞌutaꞌa aana hiiwalaimolinge ikire.

Hibru 3:6

Taꞌe a Kraes mone Kalena God, na ingeie oto ko aalaha haahie uluhe aana nume a God, na ko tohungei lio i suli diana aana. Na ikie oto uluhe aana nume a God ngeena, mala uri kie kaꞌa mou-mou ike aani hiiwalaimolinge na kie ko maaꞌoohi susutoꞌo peꞌie norutoꞌonga aana Kraes oto taraureꞌi.

Hibru 6:19

Aana haiholotaꞌinge a God ngeena domana oto uri nga hunata maꞌutaꞌa hunie maurihaꞌaka ni ngeena. Na hunata ngeena e kaꞌa sai ada loꞌu, aana a Jisas ni ngeena, na ingeie oto taꞌau aana tohungana leu maaꞌi i saana God.

Hibru 9:28

Na urine noꞌone, a Kraes e toliꞌaasie maurihaꞌana mola hautaꞌai hunie ke mae mala nga uunu-olanga aana ko helesie haꞌaletehinge haahie mo oorahaꞌaa mo iinoni hunge. Na a Kraes kei heꞌi ruana lae loꞌu mei, taꞌe aana maholo nge ko lae mai ngeena, e saꞌa lae ike mai huni mae honotana mo oorahaꞌaa ikie loꞌu. !Haꞌike! Taꞌe kei lae mai huni toolea mai maurihe huu nana mwala kire ko maaꞌoohie.

1 Pita 1:10

Mo propet oto i naꞌo kire unu tahangaꞌinie taane uri a God kei tohungei haꞌadianaꞌaꞌomu peꞌie manata-diananga oto paine. Na suli maholo kire saa-saaie mo Uusu-uusu Maaꞌi, kire haitale waaꞌiniꞌini i laona mo Uusu-uusu Maaꞌi uri hunie kire ke lio saie tala uri taa nge a God kei haꞌa-uuriꞌomu aana.

1 Pita 3:15

Taꞌe omu ke neꞌisae haꞌamaꞌu mola aana Kraes mala Aalaha iꞌomu. Na omu ke iiꞌo aakau mola taraureꞌi huni aalamie mwala nge kire ko dodolosi eemiu i sulie hiiwalaimolinge iꞌomu aana a Kraes, na mei diananga uri taa omu ko maaꞌoohi susutoꞌo huni toolea mwaanie.

1 Pita 4:7

Maholo ie ko karaꞌinie oto haꞌamangolana ahutana walu ola. Oto omu ke loꞌo-loꞌongaꞌi diana na omu ke kinetaꞌinie tolahamiu mwaanie nga mei ola e waelie aarengaꞌinge iꞌomu.

1 Pita 5:12

Ngaeta aasikaelu aana hiiwalaimolinge nge nou sai norutoꞌo aana liutaa, nge a Saelas, na ingeie ni oto e peꞌieu huni uusue kele uusu-uusu oꞌoruꞌe ie huniꞌomu. Uusu-uusu ie nou uusue mola huni haꞌananauꞌomu na huni ere haꞌasusuꞌomu uri hahuꞌana manata-diananga a God huniꞌomu ke iiꞌo oto tarau peꞌiꞌomu maꞌalana nga taa ke rau-reu loꞌu eemiu. Oto omu ke iiꞌo susu oto aana.

1 Pita 5:8

Taꞌe maelonga paine iꞌomu ngeena, a Pwelu Eero-eero, ko talei lae kali-keliꞌomu oto mola tarau huni waeliꞌomu. Ingeie ngeena domana oto nga laeon ko lae peꞌi tea paine aana ko lio hunie nga iini huni oonomie. Oto omu ke lio-lio diana talamiu, na omu ke kinetaꞌinie tolahamiu mwaanie aaelanga.

1 Jon 3:3

Na ahutaka nge kie ko lio-lio peꞌie maaꞌoohinge loosie maholo ngeena, kie ko kinetaꞌinikie hunie kie ke iiꞌo rereꞌa oto mala a Kraes e rereꞌa.