1 Pita 1:10 - Tataroha Diana

¹⁰ Mo propet oto i naꞌo kire unu tahangaꞌinie taane uri a God kei tohungei haꞌadianaꞌaꞌomu peꞌie manata-diananga oto paine. Na suli maholo kire saa-saaie mo Uusu-uusu Maaꞌi, kire haitale waaꞌiniꞌini i laona mo Uusu-uusu Maaꞌi uri hunie kire ke lio saie tala uri taa nge a God kei haꞌa-uuriꞌomu aana.

1 Pita 1:10 ပူးပေါင်းရင်းမြစ်များ

Matiu 13:17

Aana no ko unue oto huniꞌomu uri hungelana mo propet na mo mwane oodotaꞌi kire tohungei sasare leesie mo ola omu ko leesiꞌi ie, taꞌe kire kaꞌa lio mangini, na uri huni rongoa mo ola omu ko rongoꞌi ie, taꞌe kire kaꞌa rongo lelengani.”

Matiu 26:24

Ineu a Kale Ni Iinoni ne kei mae taane oto mala mo Uusu-uusu Maaꞌi e unue. Taꞌe aama-aamasilana a mwane ngeena nge kei pweloau a Kale Ni Iinoni, aana kei lae otoi diana hunie iinoni ngeena mala uri ke suꞌuri hute.”

Tataroha Diana I Sulie A Jisas Kraes Nge A Luk E Uusue 10:24

Aana no ko unue oto huniꞌomu uri hungelana mo propet na mo inemauri kire tohungei sasare leesie mo ola omu ko leesiꞌi ie, taꞌe kire kaꞌa lio mangini, na uri huni rongoa mo ola omu ko rongoꞌi ie, taꞌe kire kaꞌa rongo lelengani.”

Tataroha Diana I Sulie A Jisas Kraes Nge A Luk E Uusue 24:44

Oto ko teꞌuri hunire, “Mei ola nge e rau eeku ngeena, nou unu mangoa oto oodoiꞌomu maholo nge nou oꞌoꞌo ue peꞌiꞌomu. Aana nou unue uri ahutana walu ola uusuleni e lae i sulieu i laona Haꞌatolanga a Mosis na aana mo Uusu-uusu Maaꞌi mo propet na aana Puke ni Kana, kire kei saronai oa mango.”

Tataroha Diana I Sulie A Jisas Kraes Nge A Jon E Uusue 5:39

“Omu ko tohungei heitale susulie mo Uusu-uusu Maaꞌi aena aana omu loꞌongaꞌinie uri i laona mo Uusu-uusu Maaꞌi ngeena ni omu kei lio oodoie maurihe huu. Na mo Uusu-uusu ngeena kaꞌu mola kire ere i sulieu.

Tataroha Diana I Sulie A Jisas Kraes Nge A Jon E Uusue 7:52

Oto kire aalamie, kire ko si teꞌuri, “?Uri iꞌoe noꞌone o uure i Kalili? O ke lio diana aana kaꞌu mo Uusu-uusu Maaꞌi, na o ke leesie nga taꞌa-taꞌa propet e kaꞌa lae ike mai uure mwaanie i Kalili.”

Palonga 10:43

Ahutana mo propet oto i naꞌo kire ere-ere noꞌone i sulie a Jisas, na kire laengaꞌinie uri nga iini ko hiiwalaimoli aana, nge a God kei saeꞌaasie mo oorahaꞌaa ingeie i tehulaꞌana.”

Palonga 17:11

Na aana huilume ngeena, tolahana ahutana mwala e tohungei diana, liue mwala i Tesalonaeka. Mo Berea kire tohungei mwaꞌe-mwaꞌe ni rongo i sulie walana Pol peꞌi heitalea mo wala ngeena i laona mo Uusu-uusu Maaꞌi, ohe kire toꞌohuu wa haꞌike.

Palonga 28:23

Oto kire lio hilisie hai dinge kire kei loko loꞌu mei saana Pol wau i nume nge ko oꞌoꞌo aana, na aana hai dingena, mwala oto hunge kire loko. A Pol ko lado luhesie Aalahanga a God hunie ahutana mwala, aehota oto i maahuꞌo-huꞌo lai hule i seulehi. Na ko lado luhesie noꞌone mo wala i sulie a Jisas i laona mo Haꞌatolanga a Mosis na i laona mo Uusu-uusu Maaꞌi mo Propet. Na ko deu aahonga noꞌone huni huꞌisie saeda hunie kire ke aehota hiiwalaimoli oto aana a Jisas.

Palonga 7:52

?Maholo mo weuwemiu kire haꞌaloie mo propet oto wau i naꞌo, uri kire liue nga iini aada? !Haꞌike! Taꞌe kire haꞌaloie ahutada mango, hule aana kire horoꞌie mo iini nge kire ko laengaꞌinie laenga mai koni-konihe oodotaꞌi a God. Na hule aana ingeie maraana, iꞌomu oto omu pweloa na omu horo maesie.

Hibru 11:13

Mwala urine ngeena, kire lae peꞌi hiiwalaimoli aana God, oto hule aana maelada. Taꞌe maholo kire oꞌoꞌo ue mai laona walumalau, kire kaꞌa helesie ike walu ola nge a God e haiholotaꞌi huni niiꞌi nada. E urihana uri kire uure mola haꞌatau kire ko si lee-leesiꞌi, na kire ilenimwaꞌe huni lio saie nga taa kei reu. Na kire unu tahangaꞌinie oto uri kire oꞌoꞌo mola mala mo awataa i welumalau.

Hibru 11:40

aena aana a God e loꞌongaꞌinie oto nga oalaꞌinge nge e diana liutaa huni niie hunie ahutaka. Ikire ngeena, a God e saetoꞌo aana uri kire ke maaꞌoohikie kaꞌu, uri hunie kie ke mani hele aana haꞌa-oodohilaka nge e haiholotaꞌinie hunikie aana taꞌa-taꞌa maholo.

1 Pita 1:11

Liꞌoa a Kraes e iiꞌo i lalo aada, na e lae peꞌi unu tahangaꞌinie oto oodoire uri a Kraes kei holaꞌi sapesalu keꞌu hiitoꞌo, na oto loꞌu i puri, ke si hele aana manikuluꞌanga ingeie. Taꞌe mo propet kire kaꞌa tohungei saie ike walu ola ngeena kei reu uri taa, na kire dau-deu aahonga ni heitale i sulie uri maholo uri taa ni mei olana kei reu, na hunie a tei.

1 Pita 1:13

Oto i tehulaꞌana walu ola ngeena, nge omu ke dau aakau eemiu maraamiu huni esuie mo ola diana, na omu ke kinetaꞌinie tolahamiu mwaanie aaelanga. Na omu ke tohungei norutoꞌo mola aana God, na maaꞌoohi-susutoꞌonga iꞌomu ke maꞌutaꞌa i lengine niinge diana nge a God kei niie huniꞌomu aana maholo a Jisas Kraes kei ooli loꞌu mei.