1 Pita 1:1 - Tataroha Diana

¹ Saediananga mwaanieu a Pita, hurulaꞌaa a Jisas Kraes, huniꞌomu mo iinoni a God wau aana mo poꞌo ni henue i Pontas na i Kalesia na i Kapadosia na i Esia na i Bitinia. No ko uusu-uusu weu huniꞌomu mo iinoni a God nge omu ko iiꞌo mala mo awataa aana omu iiꞌo tatanga mola hailiu aana mo poꞌo ni henue ngeena.

1 Pita 1:1 ပူးပေါင်းရင်းမြစ်များ

Matiu 10:2

Ie satana aawalai hurulaꞌaa mwana rue: Eetana a Saemon (haaraꞌinilana loꞌu a Pita), na a Andru (aasine a Saemon), na a Jemes (kalena Sebedi), na a Jon (aasine a Jemes),

Matiu 24:22

Mala uri a God kaꞌa holo oꞌoruꞌe aana maholo ni siꞌohaꞌanga ngeena, nge nga iini saꞌa mauri ike loꞌu. Taꞌe i sulie a God e loꞌongaꞌinie mo iini nge e lio hilisire oto, nge mone kei holo oꞌoruꞌe aana maholona.”

Matiu 4:18

Maholo a Jisas e lae-lae i reune Aasi I Kalili na ko leesie e ro mwane wee-weesi, kirerue ko weesi aana huꞌo. Ngaeta mwane oto a Saemon nge ruana nga sata ingeie a Pita, na a Andru, aasine.

Tataroha Diana I Sulie A Jisas Kraes Nge A Luk E Uusue 18:7

?Uri omu loꞌongaꞌinie a God e saꞌa haꞌa-oodohie ike nga mei ola urine hunie mo iini kire hiiwalaimoli aana, aena aana kire ko ngarasie i suli rodo na aatowaa huni peꞌinge? ?Na e ue? ?Uri omu loꞌongaꞌinie e saꞌa peꞌire ike lau-leu?

Tataroha Diana I Sulie A Jisas Kraes Nge A Jon E Uusue 11:52

Na e kaꞌa ike mola honotana mo Jiu hahaiteli, taꞌe huni lokoa ahutana mo iinoni a God nge kire iiꞌo tatanga i laona walumalau hunie kire ke neꞌie taꞌa-taꞌa iinoni.

Tataroha Diana I Sulie A Jisas Kraes Nge A Jon E Uusue 7:35

Oto mo naꞌohai mwane mo Jiu kire ko lae peꞌi ere-ere maraada uuri, “?A mwane ie kei lae i tei ni uri kolu saꞌa lio oodoie loꞌu? ?Mwaanie ohe kei lae i saana mwala ikolu aana mo poꞌo ni henue mo Krik, wa ohe kei lae huni haꞌa-uusulie mo Aapoloa Aaopa?

Palonga 18:2

Na aana huilume ngeena ko oodoie mwane satana a Akuila mwane ni Jiu nge e hute aana poꞌo ni henue i Pontas. A Akuila na huꞌe ingeie a Prisila kirerue oꞌoꞌo wau i naꞌo aana poꞌo ni henue i Itali, taꞌe kirerue si lae mwaanie maholo inemauri peine ni Rom a Klodias e oohea ahutana mo Jiu mwaanie huilume i Rom, nge e neꞌi naꞌohai huilume aana poꞌo ni henue i Itali. Oto a Akuila na Prisila ko si lae mai iiꞌo i Korinit maholo a Pol e oodoirerue.

Palonga 18:23

E haro iiꞌo tewa i Antiok nge e si lae loꞌu mwaanie i leune, na ko lai liuhie oto mo henue i laona e ro poꞌo ni henue i Kalesia na i Frijia ni ere haꞌasusue saeda, hunie hiiwalaimolinge ikire aana Jisas ke aꞌailaꞌa loꞌu.

Palonga 19:10

A Pol e asuie urine hunie e ro halisi, hunie ahutana mo Jiu na mo Aapoloa Aaopa nge kire ko oꞌoꞌo aana poꞌo ni henue i Esia kire ke mani rongoa walana Aalaha.

Palonga 6:9

Taꞌe ngaeta mo mwane ni Jiu kire ko leledie mola a Stivin. Mo mwane ngeena kire uure mwaanie mo huilume haꞌatau i Saerin na i Aleksandria na e ro poꞌo ni henue i Silisia na i Esia. Na kire mani sai loko aana nume ni palo-palo mo Jiu nge kire haaraꞌinie aana Nume Ni Palo-palo Mwala Kire Iiꞌo Luhetaꞌi Loꞌu. Oto mo mwane ngeena kire ko aehota haꞌa-ere oto peꞌie a Stivin,

Palonga 8:4

Oto mwala nge kire tahi mwaanie i Jerusalem, kire si lae peꞌie houleꞌinilana walana God aana ahutana mo leu kire ko lae aani.

1 Korinit 16:19

Mo soihaadaꞌinge i leu aana poꞌo ni henue i Esia, kire ko niie saediananga ikire huniꞌomu. A Akuila na Prisila oto peꞌie mo iini ko rururu peꞌire tarau wau i nume ikirerue, kire ko niie mei wala ni saediananga huniꞌomu i lalo aana satana Aalaha

2 Korinit 1:8

Maeni eesiku maaꞌi, melu saetoꞌo aana uri omu ke sai diana aana mei siꞌohaꞌanga nge e hite kaꞌu aameelu weu aana poꞌo ni henue i Esia uri e hiꞌeiꞌemeelu oto liutaa, na e tohungei aasa oto hiitoꞌo huniꞌemeelu hule aana melu loꞌo-loꞌongaꞌinie oto uri melu ke maesie mola.

Epesas 2:12

Na holaꞌinaꞌo iꞌomu mo puꞌo toꞌohuu taane, aana omu tohungei haꞌataulie a Kraes oto hiitoꞌo, na iꞌomu haꞌike aana poꞌo ni iinoni nge a God e lio hilisie nana maraana. Aana maholona, omu iiꞌo mola poꞌoi sinaha mwaanie mo heiholotaꞌinge nge a God e unuꞌi mei hunie mwala ingeie. Na omu iiꞌo oto mola mwaakule aana walumalau ienini, na omu kaꞌa toꞌo aana ike loꞌu nga mei ola diana huni maaꞌoohie, na hule aana omu kaꞌa saie ike noꞌone a God.

Epesas 2:19

Oto iꞌomu mo iini nge iꞌomu nga mo Jiu haꞌike, omu kaꞌa neꞌi awataa ike loꞌu mwaanie ngaeta hanue aaopa. !Haꞌike! Omu neꞌie oto e taꞌa-taꞌa komu ni iinoni a God, na omu neꞌie oto ngaeta mo iinoni aana uluhe ingeie.

2 Timoti 1:15

O saie mola uri ahutana mo eesikaelu aana hiiwalaimolinge aana poꞌo ni henue i Esia nge o iiꞌo aana ngeena, kire aatopuri eeku mola, hule aana a Pijelas na a Hemojenis ikirerue noꞌone.

Hibru 11:13

Mwala urine ngeena, kire lae peꞌi hiiwalaimoli aana God, oto hule aana maelada. Taꞌe maholo kire oꞌoꞌo ue mai laona walumalau, kire kaꞌa helesie ike walu ola nge a God e haiholotaꞌi huni niiꞌi nada. E urihana uri kire uure mola haꞌatau kire ko si lee-leesiꞌi, na kire ilenimwaꞌe huni lio saie nga taa kei reu. Na kire unu tahangaꞌinie oto uri kire oꞌoꞌo mola mala mo awataa i welumalau.

Jemes 1:1

Saediananga mwaanieu a Jemes, koni-konihe a God na a Jisas Kraes Aalaha ikie, huniꞌomu ahutemiu mwala a God nge omu oopa hailiu i laona walumalau.

1 Pita 2:11

Maeni iinoni maaꞌi, iꞌomu nga mo iinoni ni welumalau haꞌike na omu iiꞌo mola mai mala mo awataa, na tohungei henue iꞌomu oto taꞌau i Lengi. Aena urine no ko unue oto huniꞌomu uri omu ke suꞌuri lae loꞌu i sulie mo saehanalinge aaela iꞌomu. Aana mo neꞌisaenga aaela ngeena kire sai ooho honosie maurihaꞌamiu.

2 Pita 1:1

Saediananga mwaanieu a Saemon Pita, koni-konihe na hurulaꞌaa a Jisas Kraes, huniꞌomu mo iini nge omu hiiwalaimoli noꞌone aana a Jisas Kraes mala iꞌemeelu. Ingeie oto a God na a Haꞌa-uuritaka, na aena aana e tohungei oodotaꞌi na ko sare dau diana mola hunie ahutaka, nge hiiwalaimolinge e niie mai huniꞌomu ngeena e sada mola peꞌie hiiwalaimolinge iꞌemeelu mo hurulaꞌaa.

Haataꞌinge 1:11

na ko teꞌuri, “O ke uusue nga taa o ko leesie i laona nga uusu-uusu, na o ke haꞌatolaa uusu-uusu ngeena hunie mo soihaadaꞌinge aana e hiu huilume paine wau i Epesas, na i Smina, na i Pegamam, na i Taeataera, na i Sadis, na i Piladelpia, na i Leodisia.”