1 Korinit 9:6 - Tataroha Diana

⁶ ?Wa e ue? ?Uri taꞌe iꞌemereꞌi mola mere sai esu uei toꞌoha huni peꞌiꞌemereꞌi maraamereꞌi?

1 Korinit 9:6 ပူးပေါင်းရင်းမြစ်များ

Palonga 11:22

Tataroha i sulie mei ola ienini e lai hule aana soihaadaꞌinge taꞌau i Jerusalem, oto kire si uusungeꞌinie a Banabas huni lae wau i Antiok.

Palonga 13:50

Taꞌe mo rato ni Jiu kire ko haꞌa-olaa mo naꞌohai mwane aana huilume ngeena na mo naꞌohai keni nge kire ko hele maꞌutaꞌa aana palonga uri kire ke leledie noꞌone a Pol na Banabas. Oto aena mei olana nge mwala ko teungeꞌinirerue, na kire oohe aasirerue oto mwaanie poꞌo ni henue ngeena.

Palonga 14:12

Oto kire unue saꞌa mola a Banabas ingeie oto a Sus, aalaha haahie mo god ikire. Na aana a Pol ingeie mwane huni ere-ere, kire unue uri ingeie oto a Hemis, tatahowala mo god ikire.

Palonga 18:3

Oto a Pol ko iiꞌo oto peꞌirerue, na ko euꞌesu oto peꞌirerue aena aana kiraelu ko meni esu mola aana asuilana mo nume susulu.

Palonga 4:36

Ngaeta mwane e nii urine oto a Josep, mwane aana komu a Livae nge e uure mai mwaanie mala-malau i Saepras. Mo hurulaꞌaa ko haa-haaraꞌinie aana a Banabas, loꞌongaꞌinge aana uri “Kale ni Haꞌasaedodo.”

1 Korinit 11:16

Taꞌe mala uri nga mo iini hikemiu ko sare ere haitelili haahie leune, nga taa nou sai unue huniꞌomu mola uuri, iꞌemeelu mo hurulaꞌaa na mo soihaadaꞌinge a God aana mo huilume hai aaopaꞌi melu kaꞌa toꞌo aana ike loꞌu nga tala aaopa huni lae i sulie aani palonga.

2 Korinit 11:8

Ohe omu kaꞌa saie ike uri mo soihaadaꞌinge aana ngaeta mo poꞌo ni henue ni kire nii-niie taane waaiteku hunie uri ne ke lae peꞌi esu aani peꞌilemiu. Aana nga taa nge e malisine ne ke asuie nada, kaꞌu no ko si esuie mola namiu ie, oto nou karaꞌi hii mala uri nou pelire ni ngeena.

1 Tesalonaeka 2:9

Maeni eesiku maaꞌi, nou saie uri omu ko aama-aamasitoꞌo taane aana weonga iꞌemeelu aana melu esu susue rodo na aatowaa mwaanie melu haꞌahiꞌeie nga iini eemiu maholo melu lae-laeliwala aana Tataroha Diana a God namiu.