1 Korinit 9:5 - Tataroha Diana

⁵ Ngaeta mo hurulaꞌaa loꞌu, na mo eesine a Aalaha, na a Pita, hule aana kire mani toolea mo huꞌe ikire peꞌire. ?Oto e ue aana iꞌemereꞌi a Banabas?

1 Korinit 9:5 ပူးပေါင်းရင်းမြစ်များ

Matiu 13:55

Ingeie kalena mola mwane aadu-eedu ni ngeena. Nikana kaꞌu mola a Meri, na mo eesine kire mani hute kaꞌu mola a Jemes, na a Josep, na a Saemon, na a Jiudas.

Matiu 8:14

Maholo a Jisas e lai hule aana nume a Pita, na ko leesie keni hungaona e eno aana ko tohungei mataꞌi oto hiitoꞌo.

Tataroha Diana I Sulie A Jisas Kraes Nge A Mak E Uusue 1:30

Na keni hungaona a Saemon e eno taane i nume aana ko tohungei mataꞌi oto hiitoꞌo. Oto kire haꞌarongoa a Jisas aana.

Tataroha Diana I Sulie A Jisas Kraes Nge A Mak E Uusue 6:3

Na lau-leu kire ko upwesie loꞌu mola uuri, “Kolu meni saie mola uri ingeie mwane aadu-eedu mola ni ngeena. Nikana kaꞌu mola a Meri, na mo eesine kire mani hute kaꞌu mola a Jemes, na a Josep, na a Jiudas, na a Saemon. Mo eesine keni kaꞌu noꞌone mola i leu peꞌikolu.” Oto kire ko si mola.

Tataroha Diana I Sulie A Jisas Kraes Nge A Luk E Uusue 6:15

na a Matiu, na a Tomas, na a Jemes kalena Alpeas na a Saemon, ngaeta iini aana pulitaa nge ko sare haiseuni huni taꞌaasie aalahanga ni Rom mwaanie hanue i Israel,

Tataroha Diana I Sulie A Jisas Kraes Nge A Luk E Uusue 8:20

Oto ngaeta iini aana mwala ngeena ko unue hunie a Jisas uuri, “!Lio kaꞌu! A nikemu na mo eesimu kire uure mola taꞌi sinaha, na kire ko sare leesiꞌo.”

Tataroha Diana I Sulie A Jisas Kraes Nge A Jon E Uusue 1:42

Oto a Andru e toolea Saemon i saana Jisas. A Jisas e toꞌomaaie a Saemon, e si teꞌuri, “Iꞌoe oto a Saemon kalena Jon, taꞌe haaraꞌinilemu kei lae oto aana a Sipas.” (Satai ola aana erenga mo Jiu ngeena e sada mola peꞌie satai Pita aana erenga ni Krik, na loꞌongaꞌinge aana uri “a Hau” aana a Jisas e saie uri a Pita kei neꞌie mwane kei uure maꞌutaꞌa diana mala hau e susu.)

Tataroha Diana I Sulie A Jisas Kraes Nge A Jon E Uusue 2:12

I purine ngauhe aana haꞌarurunge ngeena e mango, e si lae hunie i Kapaneam peꞌie nikana, na mo eesine mwane kire mani hute, na mo pwaarongoisuli ingeie. Oto kire iiꞌo loꞌu i leune hunie ngaeta mo hei dinge.

Palonga 1:14

Ahutadaelu kire sai loko oto tarau peꞌie a Meri nikana a Jisas, na ngaeta mo huꞌe loꞌu, na mo mwane aasine a Jisas kire mani hute, hunie ahutada kire ke mani aarea God.

Uusu-uusu A Pol Hurula'aa Hunie Mo Rom 16:1

No ko sare unue oodoiꞌomu uri keni eesikaelu a Pibi nge ko hei raretaꞌi i laona soihaadaꞌinge wau aana huilume i Senkria, ingeie tohungei keni diana ni ngeena.

1 Korinit 1:12

Ngaeta mo iini eemiu ko unu-unue uuri, “Ineu aana aapa a Pol.” Na ngaeta mo iini loꞌu uuri, “Ineu aana aapa a Apolos.” Na ngaeta mo iini loꞌu uuri, “Ineu aana aapa a Pita.” Na ngaeta mo iini loꞌu uuri, “Ineu aana aapa a Kraes.”

1 Korinit 7:15

Taꞌe mala uri iini nge e iiꞌo ni puꞌo ko sare sikaa poro wa huꞌe ingeie nge e hiiwalaimoli aana a Kraes, toliꞌaasie mola ke lae i sulie saena. Mala ko lae urine, nga mei haꞌatolanga kaꞌa uure honosie ike iini nge e hiiwalaimoli. Taꞌe omu ke aamasitoꞌo aana uri a God e saetoꞌo aana kie ke iiꞌo ni henuelama.

1 Korinit 7:39

Na loꞌu, huꞌe nge e toꞌo poro ke iiꞌo ruru taraꞌasi oto peꞌie poro ingeie. Taꞌe mala uri poro ingeie ko mae, nge e sai toꞌo aana loꞌu mola taꞌena nga mwane ko saetoꞌo aana, mala uri a mwane ngeena noꞌone ko lulu i sulie a Kraes.

1 Korinit 7:7

Na aana loꞌongaꞌinge ineu loꞌu, saeku hunie omu ke mani iiꞌo mola maraamiu mala ineu. Taꞌe a God e niie oto mo niinge hai aaopaꞌi hunikie. Ngaeta mo iini kire toꞌo aana ngaeta mo taungei niinge, na ngaeta mo iini kire toꞌo aana noꞌone ngaeta mo taungei niinge aaopa loꞌu.

1 Korinit 7:8

Oto huniꞌomu mo nao mwane na mo nao keni, no ko unue uri e diana hunie omu ke iiꞌo mwaakule mola mala ineu.

Kalesia 1:19

Nou kaꞌa leesie ike loꞌu ngaeta mo hurulaꞌaa, taꞌe a Jemes aasine a Aalaha mola nou leesie.

1 Timoti 3:2

Oto taꞌena nga iini nge e neꞌi naꞌohai mwane haahie soihaadaꞌinge ke holaꞌi iiꞌo oodotaꞌi na ke suꞌuri toliꞌaasie nga matahaa hunie mwala ke siho aana. Iinonine ke suꞌuri tolarue, na ke kinetaꞌinie tolahana, na ke nihisie saena. Iinonine ke tohungei iiꞌo diana hunie ke malisine mwala ke haꞌamaꞌu aana, na ke tola konie mwala i laona nume ingeie, na ke sai haꞌa-uusuli diana aana mwala.

1 Timoti 4:3

Mwala urine kire ko haꞌa-uuresie ngaeta mo haꞌatolanga ikire maraada mala mo haꞌatolanga nge ko uure honosie mola mo iinoni mwaanie tola-keninge na toꞌo-poronga, na mwaanie ngaulana ngaeta mo taungei ngeulaa. Taꞌe aana haꞌaholanga, a God e haꞌa-uuresie iiꞌo-rurunge, na e haꞌaholaa noꞌone mo ngeulaa hunie mwala ke ngau-ngeuꞌi mola. Na ikie mo iini kie hiiwalaimoli aana God na kie saie walaimolinge, kie sai paalahea mola a God haahie mo ngeulaa ngeena, na kie sai ngeuꞌi mola.

1 Timoti 5:2

E urine loꞌu aana mo huꞌe, aena aana ikire oto mo nikemu. Mo keni haalu ikire oto mo eesimu keni, oto aena urinena o ke takuhire tarau aana tolahai iinoni diana.

Taetas 1:6

Mo naꞌohai mwane ngeena kire ke iiꞌo oodotaꞌi oto mola. Kire ke suꞌuri tolarue, na mo kaleda ke hiiwalaimoli toꞌohuu aana a Jisas Kraes, na mwaanie mwala kire unue uri mo kaleda kaꞌa sai tola i suli ike taꞌe kire ko deu taꞌewau mola.

Hibru 13:4

Haꞌarurunge mei ola huni haꞌamaꞌu aana, na mwaanie nga iini e maꞌahu loꞌu peꞌie iini e kaꞌa haꞌaruru ike peꞌie, aana a God kei leie mo iini kire ko aeni ola na kire ko mesi.