1 Korinit 9:14 - Tataroha Diana

¹⁴ Oto e urine noꞌone mola aana mo iini ko tarohaꞌinie Tataroha Diana. Aana a Aalaha e unue oto uri mo iini nge kire ko tarohaꞌinie Tataroha Diana, e malisine oto uri kire ke waaire haahie mei esunge ngeena.

1 Korinit 9:14 ပူးပေါင်းရင်းမြစ်များ

Matiu 10:10

Na mwaanie omu too-toolea loꞌu nga mwaꞌi aana omu ko lae aani laeha, wa nga ro toꞌoni, wa nga ro hoꞌohaahiꞌae, wa nga apaꞌa. Aana e diana hunie mwala ke peꞌiꞌomu, aana iinoni auꞌesu e malisine uri nga taa e saetoꞌo aana niilana kei lae hunie.

Tataroha Diana I Sulie A Jisas Kraes Nge A Luk E Uusue 10:7

Na omu ke iiꞌo rako oto mola aana numena. Mwaanie omu lae-lae hailiu loꞌu aana ngaeta mo nume. Omu ke ngau-ngeu mola na omu ke inu-inu aana nga moi taa kire ko niiꞌi huniꞌomu. Aana e diana hunie mwala ke peꞌiꞌomu, aana iinoni auꞌesu e malisine oto uri ke hele aana waaitana.

Tataroha Diana I Sulie A Jisas Kraes Nge A Luk E Uusue 10:8

“Mala uri omu ko lae aana nga huilume na mwala ko tekuhiꞌomu, nge omu ke ngau-ngeu mola aana nga moi taa kire ko niiꞌi huniꞌomu.

Palonga 18:3

Oto a Pol ko iiꞌo oto peꞌirerue, na ko euꞌesu oto peꞌirerue aena aana kiraelu ko meni esu mola aana asuilana mo nume susulu.

1 Korinit 4:15

Maꞌalana uri omu ke toꞌo aana loꞌu nga mo iini hunge huni haꞌa-uusuliꞌomu aana tolahana a Kraes, taꞌe omu ke suꞌuri pulongosie uri ineu oto taꞌa-taꞌa aamamiu. Aana ineu oto nou tooleꞌomu mei i saana a Kraes maholo nou laeliwala aana tataroha diana namiu.

1 Korinit 9:11

Iꞌemereꞌi a Banabas mere hasie taane oto hue-huana maurihe huu i laona manatamiu. Oto e malisine uri omu ke peꞌiꞌemereꞌi loꞌu aana nga mo ola huni peꞌie mola mauringe aana sapemereꞌi.

1 Korinit 9:12

Ngaeta mwala kaꞌu kire sai tola ola urine mwaaniꞌomu. Oto iꞌemereꞌi na e urine noꞌone mola, na hule aana e malisine uri mere ke roroꞌa loꞌu liutaa aana mwala ngeena. Taꞌe i sulie mere kaꞌa nine aani teꞌurine ike, oto aana maꞌalana walu ola ko aasaiꞌemereꞌi, mere kaꞌa sare aapwasu ike aani. Mere kaꞌa saetoꞌo aana ike nga mei ola ke liu honosie loꞌu Tataroha Diana i sulie a Kraes.

1 Korinit 9:16

Taꞌe e kaꞌa malisine ike uri ne ke toohaꞌinieu aana nou tarohaꞌinie Tataroha Diana, aena aana nga iini taane ni e dau rarahieu huni esu urine. Oto kei tohungei aaela oto hiitoꞌo hunieu mala uri nou kaꞌa tarohaꞌinie Tataroha Diana.

1 Korinit 9:4

No ko esu keꞌu oto mala nga hurulaꞌaa. ?Na e ue nou saꞌa unue mwala ke peꞌieu aani ngeulaa?

2 Korinit 2:12

Maholo nou hule wau aana huilume i Troas huni laeliwala aana Tataroha Diana i sulie a Kraes, nou deu oodoie uri a Aalaha e tahanie oto maa talana asunge ngeena hunie ke lae diana i leune.

Kalesia 6:6

Taꞌena nga iini haꞌa-uusulilana ko lae aana walana a God, nge ke waaie haꞌa-uusuli ingeie aana nga moi taa diana nge e toꞌo aani.

1 Tesalonaeka 1:5

Aana maholo melu toolea mai Tataroha Diana huniꞌomu, melu kaꞌa toolea ike mai mola aani wala, taꞌe peꞌie nanamanga a Liꞌoa Maaꞌi, aana e haataꞌi diana aana aamiu uri e toꞌohuu. Na omu lio saie noꞌone urine aena aana mo ola melu euꞌesuiꞌi maholo melu iiꞌo peꞌiꞌomu, mo ola mola huni peꞌilemiu haliꞌite ni ngeena.