1 Korinit 9:1 - Tataroha Diana

¹ ?Oto e ue maeni eesiku? ?Uri omu kaꞌa saie ike uri ineu nou sai esuie noꞌone taꞌena nga ola a God e toliꞌaasie hunikie mo iinoni? !Omu saie taane! Na hule aana omu saie taane noꞌone oto uri ineu nga hurulaꞌaa ni ienini. Na loꞌu omu meni saie oto uri ineu nou leesie Aalaha ikie a Jisas aana maaku. Iꞌomu oto mo tolimaa aana asunge ineu nana a Aalaha, aana omu ko aehota hiiwalaimoli oto i tehulaꞌana asunge ineu.

1 Korinit 9:1 ပူးပေါင်းရင်းမြစ်များ

Palonga 13:2

Na maholo kire ko palo-paloa God peꞌie oolongaunge, Liꞌoa Maaꞌi e ere mai peꞌire e teꞌuri, “Omu ke oopaa a Banabas na a Sol nakue huni esuie mei esunge nou lio hilisirerue huni esuie.”

Palonga 14:14

Oto maholo e ro hurulaꞌaa kire lio saie nga taa ko reune, kire ko si hakasie mo toꞌoni ikirerue aani saehuunge, na kire ko huru oto i matolana mwala peꞌie teanga na kire ko teꞌuri,

Palonga 14:4

Oto ahutana mwala aana huilume ngeena kire oopa oto aana e ro pulitaa, ngaeta mo iini kire neꞌisae peꞌie mo rato ni Jiu, na ngaeta mo iini kire neꞌisae peꞌie e ro hurulaꞌaa.

Palonga 23:11

Oto aana hai rodona a Aalaha e lae mai uure i sulie a Pol oto ko teꞌuri, “!Mwaanie o meꞌu-meꞌu! O kei lai unu haꞌa-oaieu noꞌone wau i Rom mala o esuie i Jerusalem.”

Palonga 9:15

Taꞌe a Aalaha e teꞌuri mola hunie, “!O ke lae mola! A mwane ngeena nou lio hilisie oto hunie ke asu nekue. Kei tarohaꞌinie sataku hunie mo Aapoloa Aaopa na mo inemauri ikire, na mo Israel noꞌone.

Palonga 9:17

Oto a Ananaeas e lae oto, e lai sili weu i nume ngeena e si hele i pweune a Sol aana nimana, na ko teꞌuri, “!Aasiku, Sol! A Jisas nge e haataꞌi eemu maholo o lae mai sulie tala, ingeie oto a Aalaha na e uusungeꞌinieu mei ie hunie o ke lio-lio loꞌu, na hunie o ke honu aana Liꞌoa Maaꞌi.”

Palonga 9:3

Oto a Sol ko lae oto wau, na maholo ko nanauhie oto huilume paine i Damaskas, ko si aparaꞌi mola aana raa-raa ko raa kali-kelie oto uure mai taꞌau i salo.

Palonga 9:5

Oto a Sol ko dolosi aana, ko teꞌuri, “?Iꞌoe a tei ni o ko teꞌurine ngeena, Poro paine?” Oto mei wala ko aalamie ko teꞌuri, “Ineu a Jisas, iini nge o ko teungeꞌinie.

Uusu-uusu A Pol Hurula'aa Hunie Mo Rom 1:1

Saediananga mwaanieu a Pol, iinoni euꞌesu a Kraes Jisas. A God e lio hilisieu na e soieu hunie ne ke neꞌi hurulaꞌaa ingeie huni tarohaꞌinie Tataroha Diana a God.

Uusu-uusu A Pol Hurula'aa Hunie Mo Rom 1:5

A Jisas e tohungei haataꞌinie hahuꞌana manata-diananga ingeie hunieu aana e lio hilisieu hunie ne ke neꞌi hurulaꞌaa ingeie, uri hunie ne ke naꞌona mwala aana taꞌena nga komu hunie kire ke haꞌapainaꞌaa satana, na hunie kire ke hiiwalaimoli aana, na hunie kire ke tola i sulie walana.

Uusu-uusu A Pol Hurula'aa Hunie Mo Rom 11:13

Ie no ko ere namiu mwala nge iꞌomu nga mo Jiu haꞌike. Ineu oto Hurulaꞌaa a Kraes huniꞌomu mo Aapoloa Aaopa nge iꞌomu nga mo Jiu haꞌike. No ko ere hiitoꞌo huniꞌomu i sulie mei esunge ineu ngeena,

1 Korinit 1:1

Saediananga mwaanieu a Pol, iini nge a God e soieu oto huni neꞌi hurulaꞌaa nana a Jisas Kraes, na mwaanie a aasikaelu a Sostinis noꞌone.

1 Korinit 10:29

Oto maꞌalana uri omu ko loꞌongaꞌinie nga mei ola e kaꞌa aaela ike aana omu kei ngaa mo ngeulaa ngeena, taꞌe omu ke kinetaꞌinie hiinge iinoni ngeena nge e unue leune huniꞌomu. Taꞌe ohe nga iini eemiu kei unue uuri, “!Haꞌike eena! ?Uri nou saꞌa asuie ike nga taa e kohi mola hunieu, aena aana mwane aaopa e unue uri e aaela?

1 Korinit 10:30

Nou paalahea God haahie mo ngeulaa ngeena. ?Oto e ue nge ngaeta iini ko si maaleledieu haahie mei ola nou paalahea oto a God haahie?”

1 Korinit 11:16

Taꞌe mala uri nga mo iini hikemiu ko sare ere haitelili haahie leune, nga taa nou sai unue huniꞌomu mola uuri, iꞌemeelu mo hurulaꞌaa na mo soihaadaꞌinge a God aana mo huilume hai aaopaꞌi melu kaꞌa toꞌo aana ike loꞌu nga tala aaopa huni lae i sulie aani palonga.

1 Korinit 3:6

Oto ineu nge nou urihana mwane e hasie mo litei ola i laona hohola, na a Apolos nge e urihana mwane e danguhie mo litei ola ngeena aani wei. Taꞌe a God nge e asuie hunie kire ke mwaꞌora.

1 Korinit 9:19

Nga iini e kaꞌa aalaha ike haahieu mala ineu koni-konihe ingeie, taꞌe maꞌalana e urine, nou toliꞌaasieu mola hunie ne ke asu mala koni-konihe nana ahutana mwala. No ko deu urine huni huꞌisie mwala hunge hunie kire ke hiiwalaimoli aana a Jisas.

2 Korinit 10:7

Ngaeta mei ola omu ko deu aaelasie nge omu ko lio mola hunie mo ola e lio kohi poꞌoi sinaha. Taꞌe mala uri nga mo iini eemiu ko loꞌongaꞌinie uri ikire oto mo hurulaꞌaa a Kraes, nge e diana uri hunie kire ke lio saie uri iꞌemeelu noꞌone mo hurulaꞌaa a Kraes, na taꞌe ikire mola haꞌike.

2 Korinit 11:5

Ineu nou loꞌongaꞌinie uri nou kaꞌa mwai-mwei ike mwaanie mo iini nge omu ko unu-unue uri ikire mo hurulaꞌaa paine.

2 Korinit 6:1

Oto aani esunge tararuru peꞌie a God, melu ko eitanaiꞌomu, mo iini omu hele aana oto niinge paine a God ngeena, mwaanie omu toliꞌaasie niinge paine ngeena e totowai mola.

Kalesia 1:1

Saediananga mwaanieu a Pol Hurulaꞌaa huniꞌomu mo iini aana mo soihaadaꞌinge wau aana poꞌo ni henue i Kalesia. A Jisas Kraes na a God Aamaka, kirerue soieu uri hunie ne ke neꞌi hurulaꞌaa, na soileku e kaꞌa lae ike mola aani iinoni wa mwaanie nga pulitaa ni iinoni. !Haꞌike! A God nge e taꞌea a Jisas Kraes aalihoꞌi mwaanie maenga ni e asuie leune urine hunieu. Ahutameelu mo mwaasine aana hiiwalaimolinge mai leu, melu ko niie saediananga iꞌemeelu huniꞌomu,

Kalesia 5:1

A Kraes e luhesikie oto uri hunie kie ke suꞌuri iiꞌo loꞌu i mamalutana mo Haꞌatolanga a Mosis. Oto omu ke uure maꞌutaꞌa na mwaanie omu toliꞌaasie nga iini e da omu heꞌi neꞌi koni-konihe loꞌu nana mo Haꞌatolanga.

1 Tesalonaeka 2:6

na melu kaꞌa loꞌohie ike noꞌone uri iꞌomu wa nga mwala aaopa loꞌu kire ke laheꞌemeelu.

1 Timoti 2:7

Aena urine nge lio hilisileku e lae huni houleꞌinie Tataroha Diana na huni neꞌi hurulaꞌaa. No ko ere toꞌohuu na nou kaꞌa eeroꞌo ike uri lio hilisileku e lae huni haꞌa-uusulie mo Aapoloa Aaopa nge ikire nga mo Jiu haꞌike hunie uri kire ke saie walaimolinge na kire ke hiiwalaimoli aana.

2 Timoti 1:11

A God e lio hilisieu uri hunie ne ke tarohaꞌinie Tataroha Diana ngeena, na ne ke neꞌi hurulaꞌaa, na hunie ne ke haꞌa-uusulie mwala.