1 Korinit 8:13 - Tataroha Diana

¹³ Aena urinena, maeni eesiku, mala uri ngaulana nga mei ngeulaa ko aaela oto hunie aasiku, nge nou saꞌa ngau hikeni loꞌu mala no ko meu-meuri ue, aena aana nou kaꞌa sare dau huꞌisie ike aasiku hunie ke domu i laona oorahaꞌaa.

1 Korinit 8:13 ပူးပေါင်းရင်းမြစ်များ

Matiu 17:27

Taꞌe aana ke urine, na kolu kaꞌa saetoꞌo aana ike uri mwalana ke neꞌisae aaelasikolu. Oto o ke lae, na o ke lai aasie walo hai laona aasi ngeena. Ho iiꞌe o kei holaꞌi weꞌinie, o ke lio i laona wawana, na i leune o kei lio oodoie nga seleni malisine nga taa kire ko sukaa mwaanikure. O ko hele aana, oto o ko lai niie hunire arengakarue.”

Palonga 15:20

Taꞌe hunie hanuelamanga ke iiꞌo i matolaka, e diana hunie kolu ke uusu-uusu mola hunire ni haꞌarongora uri kire ke suꞌuri esuie mo ola e lio mamaꞌelaꞌa aakaelu mo Jiu, mala ngaulana mo ngeulaa nge kire uunu ola aani i saana mo liꞌoa aaela, wa aeni-olanga peꞌie nga iini. Na kire ke suꞌuri ngeue taꞌena nga ola mauri nge liꞌoilana e lae hunie ke mae, na kire ke suꞌuri ngeue noꞌone nga mei epu.

Uusu-uusu A Pol Hurula'aa Hunie Mo Rom 14:13

Aena urinena, kie ke rohu oto mwaanie leilaka hailiu. Na omu ke suꞌuri da loꞌu nga mei ola huni haꞌatataroa nga aasimiu maaꞌi hunie ke domu i laona oorahaꞌaa.

Uusu-uusu A Pol Hurula'aa Hunie Mo Rom 14:21

Oto e lae otoi diana uri omu ke suꞌuri ngaa loꞌu nga mei sapei ola mauri, wa omu ke inuhie loꞌu nga ewei wei ni pweunge, wa omu ke da loꞌu nga mei ola nge e sai haꞌatataroa aasimiu takoie oorahaꞌaa.

1 Korinit 10:32

Na omu ke suꞌuri haꞌatataroa ngaeta mo iini, maꞌalana mo Jiu, wa mo iini nge ikire mo Jiu haꞌike, wa mo iini aana soihaadaꞌinge a God.

1 Korinit 10:33

Na omu ke lae i sulie tolahaku, aana no ko sare peꞌie ahutana mwala aana ahutana walu ola no ko esuiꞌi, aena aana nou kaꞌa loꞌongaꞌinieu ike maraaku, taꞌe no ko loꞌongaꞌinie noꞌone ngaeta mo iini hunie ne ke peꞌire hunie a God ke haꞌa-uurire.

1 Korinit 13:5

Manata-diananga e kaꞌa ola ike huni haꞌamasaa ngaeta iinoni, wa huni loꞌongaꞌinie maraana, wa huni loohaꞌi roroꞌanga, wa huni saewasu oto mola lau-leu.

1 Korinit 6:12

Oto loꞌu, maeni eesiku, nga mo iini eemiu kire unue uuri, “Nga mei ola e kaꞌa aapu ike hunieu.” Iau, leune e toꞌohuu. Taꞌe ngaeta mo ola kire saꞌa da ike nga mei diananga huniꞌo. Na maꞌalana nou iiꞌo luhetaꞌi huni esuie taꞌena nga mei ola, taꞌe nou saꞌa toliꞌaasie ike nga mei ola urine ke aalaha haahieu.

1 Korinit 9:12

Ngaeta mwala kaꞌu kire sai tola ola urine mwaaniꞌomu. Oto iꞌemereꞌi na e urine noꞌone mola, na hule aana e malisine uri mere ke roroꞌa loꞌu liutaa aana mwala ngeena. Taꞌe i sulie mere kaꞌa nine aani teꞌurine ike, oto aana maꞌalana walu ola ko aasaiꞌemereꞌi, mere kaꞌa sare aapwasu ike aani. Mere kaꞌa saetoꞌo aana ike nga mei ola ke liu honosie loꞌu Tataroha Diana i sulie a Kraes.

2 Korinit 11:29

Aana maholo hiiwalaimolinge nga iini e mamaelaꞌa, nge saeku ko hii mamaelaꞌa oto noꞌone haahie. Na maholo nga iini ko haꞌatataroa nga iini huni domu i laona oorahaꞌaa, nge saeku ko mela mala dunge aana aaelanga urine ko da no ko tohungei saewasu oto hiitoꞌo.

2 Korinit 6:3

Melu eriꞌapasie taane uri walu ola melu ko esuiꞌi ke oodo na kire ke suꞌuri liu honosie hiiwalaimolinge nga iini aana a Jisas, na mwaanie nga iini e ere aaelasie asunge iꞌemeelu ienini.