1 Korinit 7:9 - Tataroha Diana

⁹ Taꞌe mala uri ko aasaiꞌomu hunie omu ke iiꞌo mola mwaakule, e diana hunie omu ke tola huꞌe na omu ke toꞌo poro. Aana e diana liutaa hunie omu ke haꞌaruru mwaanie omu iiꞌo mwaakule peꞌi saehanalilana mola iiꞌo-rurunge.

1 Korinit 7:9 ပူးပေါင်းရင်းမြစ်များ

Palonga 19:36

Oto e aasa hunie nga iini kei unue uri mei ola ienini e kaꞌa toꞌohuu. Oto omu ke iiꞌo hahuroto mola mwaanie omu esuie loꞌu nga mei ola e aaela loꞌu liutaa.

1 Korinit 7:2

Omu saie uri aeni-olanga e paine siꞌiri, oto e diana hunie mwane ke toꞌo aana nga huꞌe maraana, na keni e adona ke toꞌo aana oto nga poro maraana.

1 Korinit 7:28

Taꞌe maꞌalana ke urine, mala uri o ko sare tola huꞌe, e diana mola, nga oorahaꞌaanga haꞌike. Na mala uri nga keni raoriꞌi ko toꞌo poro, e diana noꞌone mola. E kaꞌa oorahaꞌaa ike ni urine. Taꞌe omu ke saie mola uri mo iini nge kire ko haꞌaruru, kire kei deu oodoie mo aasanga i laona mau-meuringe ienini. Na nou sereꞌinie ke aasa urine huniꞌomu.

1 Korinit 7:36

Taꞌe mala uri nga iini ko loꞌongaꞌinie uri e kaꞌa dau diana hunie keni raoriꞌi e haiholotaꞌi huni haꞌaruru peꞌie aana a keine ko karaꞌi liue maholo ni toꞌo-poronga, na ingeie maraana ko loꞌongaꞌinie mola uri kirerue ke haꞌaruru, nge e diana mola hunie kirerue ke haꞌaruru. Nga mei oorahaꞌaanga haꞌike i leune.

1 Korinit 7:39

Na loꞌu, huꞌe nge e toꞌo poro ke iiꞌo ruru taraꞌasi oto peꞌie poro ingeie. Taꞌe mala uri poro ingeie ko mae, nge e sai toꞌo aana loꞌu mola taꞌena nga mwane ko saetoꞌo aana, mala uri a mwane ngeena noꞌone ko lulu i sulie a Kraes.

1 Tesalonaeka 4:4

na uri hunie taꞌena nga iini eemiu ke kinetaꞌinie oto sapena maraana aani iiꞌonga maaꞌi na peꞌi haꞌamaꞌunge hunie ngaeta mwala.

1 Timoti 5:11

Taꞌe o ke suꞌuri uusue satana mo nao keni haalu, aena aana e saꞌa tewa na kire kei hiingeꞌinie uri kire ko sare toꞌo poro loꞌu oto hule aana kire kei pulongosie mola a Jisas.

1 Timoti 5:14

Oto nou saetoꞌo aana mo nao keni haalu uri kire ke toꞌo poro, na kire ke toꞌo mwela, na kire ke lio i suli diana aana mo nume ikire, na mwaanie kire niie nga matahaa hunie taꞌena nga maelonga ikie huni ere aaelasikie.