1 Korinit 7:7 - Tataroha Diana

⁷ Na aana loꞌongaꞌinge ineu loꞌu, saeku hunie omu ke mani iiꞌo mola maraamiu mala ineu. Taꞌe a God e niie oto mo niinge hai aaopaꞌi hunikie. Ngaeta mo iini kire toꞌo aana ngaeta mo taungei niinge, na ngaeta mo iini kire toꞌo aana noꞌone ngaeta mo taungei niinge aaopa loꞌu.

1 Korinit 7:7 ပူးပေါင်းရင်းမြစ်များ

Palonga 26:29

Oto a Pol ko teꞌuri, “Maꞌalana kele maholoi sato e oꞌoruꞌe wa ke tewa loꞌu, taꞌe no ko aare-aarea God hunie mwala nge omu ko pwaarongo hunieu siꞌiri omu ke mani sada peꞌieu. Taꞌe hoꞌosilemiu aani iieli heu haꞌalaa nge nou sereꞌinie ke rau eemiu.”

Uusu-uusu A Pol Hurula'aa Hunie Mo Rom 12:6

Ahutaka, kie mani toꞌo aana mo taungei niinge hai aaopaꞌi nge a God e niiꞌi hunikie i tehulaꞌana hahuꞌana manata-diananga ingeie hunikie. Oto kie ke mani esu aana mo niinge ngeena huni peꞌikie hailiu. Mala uri niinge a God ko lae oto huniꞌo hunie o ke tarohaꞌinie walana mala mo propet, nge o ke tarohaꞌinie oto ahutana mo wala nge o hiiwalaimoli uri a God e niiꞌi huniꞌo toꞌohuu.

1 Korinit 12:11

Taꞌe e taꞌa-taꞌa Liꞌoa Maaꞌi ngeena mola ko niie ahutana mo niinge ngeena oto i sulie saena maraana, na e mani haꞌa-adokie oto aana mo niinge ingeie.

1 Korinit 12:4

Mo taungei niinge ni Liꞌoa kire hunge na kire mani hei aaopaꞌi, taꞌe taꞌa-taꞌa Liꞌoa mola ni ko niiꞌi.

1 Korinit 7:8

Oto huniꞌomu mo nao mwane na mo nao keni, no ko unue uri e diana hunie omu ke iiꞌo mwaakule mola mala ineu.

1 Korinit 9:15

Taꞌe maꞌalana e toꞌohuu taane oto urine, no ko tohalaꞌi mola aana uri nou kaꞌa toolea ike taꞌena nga mei ola mwaaniꞌomu. Oto ie nou kaꞌa uusu-uusu ike hunie omu ke nii-nii nekue urine. !Nou sereꞌi! Aana e lai diana hunieu uri hunie ne ke mae oto, taꞌe nga iini eemiu ke suꞌuri unue uri no ko esu mola huni toꞌoha. Mala uri omu ko ere urine, nge omu ko da uri toohaꞌinileku ke totowai mola.

1 Korinit 9:5

Ngaeta mo hurulaꞌaa loꞌu, na mo eesine a Aalaha, na a Pita, hule aana kire mani toolea mo huꞌe ikire peꞌire. ?Oto e ue aana iꞌemereꞌi a Banabas?