1 Korinit 7:40 - Tataroha Diana

⁴⁰ Taꞌe mala uri a huꞌe ngeena ko iiꞌo mwaakule mola urine, nge ke si tohungei ilenimwaꞌe loꞌu eena. Neꞌisaenga ineu otona, na nou hiiwalaimoli uri Liꞌoa Maaꞌi a God noꞌone ko neꞌisae urine.

1 Korinit 7:40 ပူးပေါင်းရင်းမြစ်များ

1 Korinit 7:1

Iau, nou sare lado luhesie mo dolosinge omu unuꞌi i laona uusu-uusu omu uusue mai hunieu. Omu dolosi i sulie iiꞌo-rurunge, na omu unue ohe e diana mola hunie mwane ke suꞌuri iiꞌo ruru peꞌie nga keni.

1 Korinit 7:35

No ko ere urine huniꞌomu aena aana no ko sare peꞌiꞌomu na e kaꞌa ike huni esuie mo haꞌatolanga e aasa. Nou saetoꞌo aana mola uri omu ke asuie nga taa e oodo na hunie omu ke asu nana God hahaiteli.

1 Korinit 7:6

Omu ke saie a God e kaꞌa unue ike omu ke mamalo haꞌawali mwaanie maꞌahunge tararuru huni aarea. !Haꞌike! Taꞌe neꞌisaenga diana ineu mola ni ngeena, mala saemiu huni lulu i sulie.

1 Korinit 7:8

Oto huniꞌomu mo nao mwane na mo nao keni, no ko unue uri e diana hunie omu ke iiꞌo mwaakule mola mala ineu.

2 Korinit 12:11

No ko deu oto mala pweu aana nou ere toohaꞌinieu urine, taꞌe iꞌomu ni omu ko si da no ko teꞌurine. Aana e malisine uri omu ke lalado diana oto i sulie asunge ineu, taꞌe omu rohu mola. Ineu nou kaꞌa adona ike taane nga mei ola, taꞌe aena aana nanamanga a God e iiꞌo i lalo aaku, oto mo hurulaꞌaa paine nge omu tohungei saetoꞌo aada ngeena, na kire kaꞌa paine ike liutaa aaku aana nga mei ola oto ooꞌoo.

2 Korinit 13:3

Oto leune ke haataꞌinie toꞌohuu huniꞌomu uri no ko ere oalana a Kraes ni ngeena, aana omu kei leesie taꞌa-taꞌa nanamanga aaku nge omu ko leesie noꞌone aana a Kraes nge ko esu aꞌailaꞌa mola peꞌie nanamanga paine ingeie i matolamiu ngeena.

2 Korinit 8:10

Oto loꞌongaꞌinge ineu uri e lae oto i diana hunie omu ke haꞌamangoa oto nga taa nge omu aehotaa aana halisi e mango haona. Aana iꞌomu oto eetana nga mwala huni loꞌongaꞌinie leune, na iꞌomu oto noꞌone nge omu holaꞌi aehotaa niinge.

1 Tesalonaeka 4:8

Aena urinena, taꞌena nga iini ko heitohea haꞌa-uusulinge ienini, e kaꞌa haitohea ike mola nga iinoni. !Haꞌike! Ko heitohea oto a God ni ngeena, iini nge e niie Liꞌoa Maaꞌi ingeie huniꞌomu.