1 Korinit 7:35 - Tataroha Diana

³⁵ No ko ere urine huniꞌomu aena aana no ko sare peꞌiꞌomu na e kaꞌa ike huni esuie mo haꞌatolanga e aasa. Nou saetoꞌo aana mola uri omu ke asuie nga taa e oodo na hunie omu ke asu nana God hahaiteli.

1 Korinit 7:35 ပူးပေါင်းရင်းမြစ်များ

Matiu 19:12

Ngaeta mo iini kire kaꞌa sai tola huꞌe ike, aena aana kire hute mola na kire kaꞌa sare aapwasu ike aana tola-huꞌanga. Ngaeta mo iini loꞌu kire kaꞌa tola huꞌe ike aana mwala ko haꞌa-haꞌamauꞌora mwaanie. Na nga mo iini loꞌu kire kaꞌa sare tola huꞌe ike, mwaanie kire tolahiꞌe loꞌu aana nga mei ola aaopa mwaanie Aalahanga a God. Taꞌe nga iini nge a God ko niie oto huꞌe nana, ke hele diana aana oto haꞌa-uusulinge ngeena.”

Matiu 22:15

Oto mo Parise kire iisitaa, kire ko si lai ere-ere i sulie uri kire kei pweloa a Jisas uri taa aani dolosinge.

Tataroha Diana I Sulie A Jisas Kraes Nge A Luk E Uusue 21:34

Oto a Jisas ko heꞌi teꞌuri loꞌu, “!Omu ke lio talamiu! Mwaanie omu tolahiꞌe mola aana mo ola ni welumalau, wa mwaanie omu talei tara mola aani ngeuhe na aani inunge. Aana mala omu kei tara mola aana mo ola urine, hai dingena kei hule mola na omu kaꞌa dau aakau ike.

Tataroha Diana I Sulie A Jisas Kraes Nge A Luk E Uusue 8:14

Nga mo iini loꞌu manatada e urihana mei mwakano e honu aana walo kau-keu ngeena, kire rongoa noꞌone walana God, taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

1 Korinit 7:2

Omu saie uri aeni-olanga e paine siꞌiri, oto e diana hunie mwane ke toꞌo aana nga huꞌe maraana, na keni e adona ke toꞌo aana oto nga poro maraana.

1 Korinit 7:28

Taꞌe maꞌalana ke urine, mala uri o ko sare tola huꞌe, e diana mola, nga oorahaꞌaanga haꞌike. Na mala uri nga keni raoriꞌi ko toꞌo poro, e diana noꞌone mola. E kaꞌa oorahaꞌaa ike ni urine. Taꞌe omu ke saie mola uri mo iini nge kire ko haꞌaruru, kire kei deu oodoie mo aasanga i laona mau-meuringe ienini. Na nou sereꞌinie ke aasa urine huniꞌomu.

1 Korinit 7:36

Taꞌe mala uri nga iini ko loꞌongaꞌinie uri e kaꞌa dau diana hunie keni raoriꞌi e haiholotaꞌi huni haꞌaruru peꞌie aana a keine ko karaꞌi liue maholo ni toꞌo-poronga, na ingeie maraana ko loꞌongaꞌinie mola uri kirerue ke haꞌaruru, nge e diana mola hunie kirerue ke haꞌaruru. Nga mei oorahaꞌaanga haꞌike i leune.

Epesas 5:3

Oto aeni-olanga peꞌie nga iinoni, wa taꞌena nga masinge loꞌu urine, wa saehanalilana toꞌo-toꞌolana ngaeta mwala, e kaꞌa tohungei adongamiu ike. Omu ke iiꞌo haꞌataulie mola taꞌena nga ola urine, hule aana nga iini kaꞌa sai kele siho aamiu aana nga mei ola urine, aana iꞌomu mo iinoni a God.

Pilipae 4:8

Oto ie, maeni eesiku, mei wala ooreta ineu huniꞌomu, uri omu ke lolodoa mo ola toꞌohuu na mo ola diana i saemiu. Na omu ke loꞌo-loꞌongaꞌi mola i sulie mo ola oodo, na mo ola manola, na mo ola e lio diana, na mo ola mwala e sai haꞌamaꞌu eeni, na mo ola e malisine lahenga haahiꞌi, na taꞌena nga mei ola e diana loꞌu liutaa urine.

1 Timoti 1:10

Na ola noꞌone huni haꞌa-oodohie mo iini ko mei-mesi, na mo mwane kire ko aeꞌaeni ola peꞌie mo mwane loꞌu mola mala ikire, na mo iini ko peli-pelie mo iinoni, na mo iini ko eero-eero hailiu, na mo iini ko eeroa mo mwane lei-lei. Na e neꞌi ola noꞌone huni haꞌa-oodohie taꞌena nga mei ola nge ko lae aaopa loꞌu mwaanie haꞌa-uusulinge diana

Taetas 2:3

Na o ke haꞌa-uusulie noꞌone mo huꞌe hunie kire ke lulu i sulie tolahai iinoni diana nge e malisine mo iini kire hiiwalaimoli aana a Jisas. Kire ke suꞌuri sisiho aana mwala, na kire ke suꞌuri inu-inu wei ni mehiri hiitoꞌo. Taꞌe kire ke haꞌa-uusulie mwala mola aana tolahai iinoni diana,