1 Korinit 7:34 - Tataroha Diana

³⁴ na neꞌisaenga ingeie oto aana e ro mei ola. Taꞌe keni nge e kaꞌa toꞌo poro, ko tolahiꞌe mola aana asunge nana a Aalaha, aana ko sare niie oto mauringe ni sape na maurihaꞌai oto hunie a God. Taꞌe huꞌe nge e toꞌo poro, ko tolahiꞌe aana mo ola aana walumalau ie, aena aana ko sare da hunie poro ingeie ke ilenimwaꞌe.

1 Korinit 7:34 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Jon E Uusue 10:13

Iinoni euꞌesu ngeena ko tehi mola urine, aena aana ko esu uei waaite mola, na e kaꞌa tohungei manata diana ike hunie mo sipu.

Uusu-uusu A Pol Hurula'aa Hunie Mo Rom 6:13

Na mwaanie omu toitoliꞌaasie nga leu aana sapemiu e asuie loꞌu nga mei ola aaela wa ke neꞌie loꞌu mei sape huni euꞌesuie oorahaꞌaa. Taꞌe omu ke toliꞌaasiꞌomu oto taꞌingelu mola hunie a God mala mwala e mae kaꞌu mwaanie tolahai ola aaela na kire heꞌi meuri loꞌu huni esu nana. Oto omu ke niie ahutana mo aapa aana sapemiu hunie a God ke asuie walu ola diana aani.

1 Korinit 6:20

aena aana a Kraes e pwani holiꞌomu oto aana holite oto paine. Oto walu ola omu ko esuiꞌi aana sapemiu, omu ke asuiꞌi hunie mwala ke soi haꞌamanikuluꞌaa a God haahiꞌi.

1 Korinit 7:33

Taꞌe iini nge e tola huꞌe, ko neꞌisae mola aana mo ola aana walumalau aena ko sare haꞌasaedianaꞌaa huꞌe ingeie,

1 Korinit 7:35

No ko ere urine huniꞌomu aena aana no ko sare peꞌiꞌomu na e kaꞌa ike huni esuie mo haꞌatolanga e aasa. Nou saetoꞌo aana mola uri omu ke asuie nga taa e oodo na hunie omu ke asu nana God hahaiteli.

2 Korinit 11:28

Oto loꞌu sapeitana walu ola ienini, na no ko tolahiꞌe mola i suli dinge aani lio sulilana mo soihaadaꞌinge.

2 Korinit 8:16

Melu ko paalahea God oto liutaa haahie e niie mei neꞌisaenga ngeena hunie a Taetas huni peꞌilemiu oto mala iꞌemeelu noꞌone, melu ko peꞌiꞌomu.

Pilipae 1:20

Nou tohungei neꞌisae paine taane aana uri ne ke aꞌailaꞌa huni haꞌamanikuluꞌaa a Kraes aana ahutana mo ola no ko deu-deuꞌi. Aana saeku uri ne ke lae taraꞌasi mola oto mala no ko euꞌesuie tarau, mwaanie uri nou masa i maana a Kraes aana taꞌena nga maholo. Saeku ke urine maꞌalana uri ne ke mauri keꞌu wa ne ke mae loꞌu.

1 Tesalonaeka 5:23

No ko aarea God nge ko nii-niie hanuelamanga hunikie uri ke da hunie omu ke iiꞌo maaꞌi taꞌingelu. Na no ko aarea hunie uri ke kinetaꞌiniꞌomu oto taꞌingelu, hunie loꞌongaꞌinge iꞌomu, na maurihaꞌamiu, na sapemiu ke mani iiꞌo sapemawa mwaanie taꞌena nga ola tataꞌala maholo Aalaha ikie a Jisas Kraes kei ooli loꞌu mei.

1 Timoti 3:5

(?Mala uri nga iini e kaꞌa sai lio i suli diana aana uluhe ingeie maraana, haꞌalaa ke si lio i suli diana aana soihaadaꞌinge a God uri taa eena?)

1 Timoti 5:5

Mala nga nao keni e iiꞌo mola maraana na nga iini peꞌie haꞌike, taꞌe e norutoꞌo mola aana a God na ko aarea susue rodo na aatowaa hunie ke peꞌie, nge ingeie nao keni toꞌohuu eena.

Taetas 3:8

Ahutana mo haꞌa-uusulinge ngeena kire mani toꞌohuu. Aena urinena nge nou saetoꞌo aana o ke tohungei haꞌa-uusulie mwala oto aani, hunie mo iini nge kire hiiwalaimoli toꞌohuu aana God kire ke auꞌesu oodotaꞌi oto mola haliꞌite huni esuie mo ola diana. Walu ola ngeena kire diana oto taꞌingelu, na kire sai peꞌie ahutana mwala.