1 Korinit 7:29 - Tataroha Diana

²⁹ No ko ere urine, maeni eesiku maaꞌi, aana kele maholo oꞌoruꞌe oto mola e si oore. Oto aehota siꞌiri, omu ke neꞌisae paine mola aana God. Oto mo iini omu tola huꞌe, omu ke suꞌuri loꞌongaꞌinie iiꞌo-rurunge mala mei naꞌohai ola iꞌomu.

1 Korinit 7:29 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 14:20

Na ngaeta iini ko unue uuri, ‘Nou si tola huꞌe haalu, oto nou saꞌa lae ike taꞌau.’

1 Korinit 7:28

Taꞌe maꞌalana ke urine, mala uri o ko sare tola huꞌe, e diana mola, nga oorahaꞌaanga haꞌike. Na mala uri nga keni raoriꞌi ko toꞌo poro, e diana noꞌone mola. E kaꞌa oorahaꞌaa ike ni urine. Taꞌe omu ke saie mola uri mo iini nge kire ko haꞌaruru, kire kei deu oodoie mo aasanga i laona mau-meuringe ienini. Na nou sereꞌinie ke aasa urine huniꞌomu.

1 Korinit 7:30

Ilenimwaꞌenga wa saehuunge wa toꞌo-olanga ke suꞌuri uure honosie nga iini mwaanie asunge nana God.

1 Korinit 7:31

Na mo iini nge kire toꞌo ola i laona walumalau ie, kire ke suꞌuri neꞌisae paine haahie toꞌo-olanga ikire. Taꞌe kire ke mani neꞌisae paine mola aana God, aena aana nga taa nge kolu ko leesie i laona walumalau ie, karaꞌinie oto kire kei eiꞌaa.

1 Pita 1:24

Mo Uusu-uusu Maaꞌi e unue uuri, Ahutana mwala kire urihana mola hahalisi, na manikuluhaꞌada e urihana noꞌone mola tatakana hahalisi. Aana hahalisi e sai mae mola, na tatakana e sai eehuhu mola.

1 Pita 4:7

Maholo ie ko karaꞌinie oto haꞌamangolana ahutana walu ola. Oto omu ke loꞌo-loꞌongaꞌi diana na omu ke kinetaꞌinie tolahamiu mwaanie nga mei ola e waelie aarengaꞌinge iꞌomu.

1 Jon 2:17

Walumalau na ahutana walu ola i laona nge mwala ko sae-saetoꞌo aani, kire kei meni eiꞌaa mola, taꞌe iini ko tola i sulie saena God nge kei iiꞌo huu.