1 Korinit 7:25 - Tataroha Diana

²⁵ Hoe. Omu dolosi noꞌone i sulie mo mwane na mo keni nge kire iiꞌo pupupu. A Aalaha e kaꞌa niie ike nga mei haꞌatolanga i sulire, taꞌe ne kei unue mola neꞌisaenga ineu maraaku. Na aena aana a Aalaha e aamasieu na e manata diana hunieu, oto e neꞌieu hunie nga iini nge omu sai norutoꞌo aana.

1 Korinit 7:25 ပူးပေါင်းရင်းမြစ်များ

1 Korinit 15:10

Taꞌe aana niinge ni hahuꞌana manata-diananga a God e lae hunieu mone, no ko oꞌoꞌo urine ue ie. Na manata-diananga a God hunieu e kaꞌa waetaꞌi ike taane mola mwaakule, aana nou lae peꞌi esu oto hiitoꞌo loꞌu liutaa aada mo hurulaꞌaa. Taꞌe nou kaꞌa asuie ike taane tohuku, aana niinge a God mone ko peꞌieu huni esuie leune urine.

1 Korinit 4:2

Na omu saie taane e taꞌa-taꞌa mei ola mola ni e roroꞌa oto liutaa. E roroꞌa mola hunie mo koni-konihe kire ke asu toꞌohuu nana mo poro paine ikire.

1 Korinit 7:10

Oto huniꞌomu mo poro na mo huꞌe, no ko sare unue mei haꞌatolanga ie huniꞌomu. Na haꞌatolanga ie nga ola kaꞌa uure ike mola mwaanieu, taꞌe e uure mwaanie a Jisas. Mo huꞌe, omu ke suꞌuri sikaa mo poro iꞌomu,

1 Korinit 7:12

Oto huniꞌomu loꞌu mo iini nge omu haꞌaruru peꞌie iini i sinaha aana soihaadaꞌinge, a Aalaha e kaꞌa unue ike nga mei ola i sulie taungei haꞌarurunge iꞌomu ngeena. Oto ineu maraaku no ko unue huniꞌomu uuri. Mala nga mwane nge e hiiwalaimoli aana a Kraes ko toꞌo aana nga keni ni puꞌo, na a huꞌena e ilenimwaꞌe ni iiꞌo ruru mola peꞌie, a poro ngeena ke suꞌuri sikaa.

1 Korinit 7:28

Taꞌe maꞌalana ke urine, mala uri o ko sare tola huꞌe, e diana mola, nga oorahaꞌaanga haꞌike. Na mala uri nga keni raoriꞌi ko toꞌo poro, e diana noꞌone mola. E kaꞌa oorahaꞌaa ike ni urine. Taꞌe omu ke saie mola uri mo iini nge kire ko haꞌaruru, kire kei deu oodoie mo aasanga i laona mau-meuringe ienini. Na nou sereꞌinie ke aasa urine huniꞌomu.

1 Korinit 7:34

na neꞌisaenga ingeie oto aana e ro mei ola. Taꞌe keni nge e kaꞌa toꞌo poro, ko tolahiꞌe mola aana asunge nana a Aalaha, aana ko sare niie oto mauringe ni sape na maurihaꞌai oto hunie a God. Taꞌe huꞌe nge e toꞌo poro, ko tolahiꞌe aana mo ola aana walumalau ie, aena aana ko sare da hunie poro ingeie ke ilenimwaꞌe.

1 Korinit 7:40

Taꞌe mala uri a huꞌe ngeena ko iiꞌo mwaakule mola urine, nge ke si tohungei ilenimwaꞌe loꞌu eena. Neꞌisaenga ineu otona, na nou hiiwalaimoli uri Liꞌoa Maaꞌi a God noꞌone ko neꞌisae urine.

1 Korinit 7:6

Omu ke saie a God e kaꞌa unue ike omu ke mamalo haꞌawali mwaanie maꞌahunge tararuru huni aarea. !Haꞌike! Taꞌe neꞌisaenga diana ineu mola ni ngeena, mala saemiu huni lulu i sulie.

2 Korinit 11:17

A Aalaha e kaꞌa sai ere toohaꞌi ike urine, taꞌe no ko ere toohaꞌi mola urine mala mo pweu.

2 Korinit 2:17

Mo iini oto hunge ko lupweꞌi tarohaꞌinie walana God, taꞌe kire kaꞌa asu toꞌohuu ike, aena aana saeda mola hunie kire ke tari toꞌoha aana. Taꞌe iꞌemeelu, melu aaopa oto mwaanire aana melu ko tarohaꞌinie walana God aani sae manola peꞌie nanamanga a Kraes. Na melu saie uri a God nge e uusungeꞌiniꞌemeelu mala mo koni-konihe ingeie, na ko toꞌo-toꞌomaaie taane nga taa melu ko euꞌesuie.