1 Korinit 7:18 - Tataroha Diana

¹⁸ Oto mala uri o ko hele aana oto torihesiꞌonga aana maholo a God e soiꞌo, nge o ke suꞌuri sare oolisie loꞌu. Na mala uri o kaꞌa hele aana ue torihesiꞌonga maholo a God e soiꞌo, nge o ke suꞌuri sare torihesiꞌo loꞌu.

1 Korinit 7:18 ပူးပေါင်းရင်းမြစ်များ

Palonga 15:19

Oto a Jemes ko teꞌuri loꞌu, “Neꞌisaenga ineu e uuri. Kolu ke suꞌuri da aasanga hunie mo Aapoloa Aaopa maholo kire ko si aehota lulu i sulie a God.

Palonga 15:24

Melu rongoa uri ngaeta mwala aana pulitaa iꞌemeelu kire lai hule wau i seemiu, na kire kotahiꞌomu oto aani wala na ko hurosie saemiu. Taꞌe walu ola ngeena melu kaꞌa unuꞌi ike hunire hunie kire ke lae wau i unuꞌi huniꞌomu.

Palonga 15:28

Oto loꞌongaꞌinge a Liꞌoa Maaꞌi na iꞌemeelu noꞌone uri melu ke suꞌuri haꞌahiꞌeiꞌomu aana nga mo ola mwaanie mo naꞌohai ola ienini.

Palonga 15:5

Taꞌe ngaeta mo Parise nge kire hiiwalaimoli oto aana a Jisas kire uure, oto kire ko teꞌuri, “E tohungei roroꞌa oto liutaa hunie mo Aapoloa Aaopa nge kire ko sare lulu i sulie a Jisas ke tola i sulie mo Haꞌatolanga a Mosis na kire ke torihesiꞌo.”

Palonga 21:21

Kire rongo tarohana uri o ko haꞌa-uusulie mo Aapoloa Aaopa uri e kaꞌa roroꞌa ike hunire hunie kire ke lulu i sulie mo Haꞌatolanga a Mosis. Oto aena ngeena, kire ko neꞌisae takalo uri o ko haꞌa-uusulie mo Jiu noꞌone hunie kire ke suꞌuri aapwasu aana mo Haꞌatolanga a Mosis, na uri o ko haꞌa-uusulie mo Jiu uri kire ke suꞌuri torihesiꞌo aana mo mwela mwane ikire, wa kire ke lulu i sulie loꞌu tolahaka mo Jiu.

Kolosi 3:11

Ahutaka mo iinoni kie mani sada mola i laona mauringe haalu ngeena. Maꞌalana uri kie hute aana mo Jiu wa haꞌike, maꞌalana uri kie hele aana torihesiꞌonga wa haꞌike, maꞌalana uri kie hute aana mwala ni puꞌo wa mwala e puꞌo tataꞌala oto liutaa mala mo Sitia, maꞌalana uri kie neꞌi koni-konihe wa kie iiꞌo luhetaꞌi loꞌu, taꞌe a Kraes oto e neꞌi naꞌohai ola roroꞌa i laona maurihaꞌaka, mo iini kie hiiwalaimoli aana.