1 Korinit 7:17 - Tataroha Diana

¹⁷ Oto ahutaka, kie ke mani saie uri mei meuringe nge nga iini e toꞌo aana maholo a God e soie mai i saana, mei niinge a Aalaha ni ngeena. Oto aena urine omu ke suꞌuri sare toliꞌaasie loꞌu, taꞌe omu ke ilenimwaꞌe mola haahie. Na haꞌatolanga nge no ko lae peꞌi haꞌarongoa ahutana mo soihaadaꞌinge aana ni otona.

1 Korinit 7:17 ပူးပေါင်းရင်းမြစ်များ

Matiu 19:12

Ngaeta mo iini kire kaꞌa sai tola huꞌe ike, aena aana kire hute mola na kire kaꞌa sare aapwasu ike aana tola-huꞌanga. Ngaeta mo iini loꞌu kire kaꞌa tola huꞌe ike aana mwala ko haꞌa-haꞌamauꞌora mwaanie. Na nga mo iini loꞌu kire kaꞌa sare tola huꞌe ike, mwaanie kire tolahiꞌe loꞌu aana nga mei ola aaopa mwaanie Aalahanga a God. Taꞌe nga iini nge a God ko niie oto huꞌe nana, ke hele diana aana oto haꞌa-uusulinge ngeena.”

1 Korinit 10:32

Na omu ke suꞌuri haꞌatataroa ngaeta mo iini, maꞌalana mo Jiu, wa mo iini nge ikire mo Jiu haꞌike, wa mo iini aana soihaadaꞌinge a God.

1 Korinit 11:16

Taꞌe mala uri nga mo iini hikemiu ko sare ere haitelili haahie leune, nga taa nou sai unue huniꞌomu mola uuri, iꞌemeelu mo hurulaꞌaa na mo soihaadaꞌinge a God aana mo huilume hai aaopaꞌi melu kaꞌa toꞌo aana ike loꞌu nga tala aaopa huni lae i sulie aani palonga.

1 Korinit 11:34

Na mala uri nga iini ko hiolo, nge ke holaꞌi ngeu oto wau i nume ingeie, mwaanie a God e leiꞌomu haahie tolahai ngeunge aaela ngeena aana maholo omu ko meni ngeu tararuru. Na ne ke si haꞌa-oodohie ngaeta mo ola loꞌu aana maholo ne kei lae wau i seemiu.

1 Korinit 14:33

Aena aana a God e kaꞌa saetoꞌo aana ike uri kie ke talei deu taꞌewau mola aana mo ola aana soihaadaꞌinge, taꞌe e saetoꞌo aana uri kie ke mani iiꞌo hata-hata mola ni henuelama. Oto mala i sulie tolahana ahutana mo soihaadaꞌinge,

1 Korinit 16:1

Oto no ko sare haꞌarongoꞌomu mola aana niinge huni peꞌie mwala a God aana poꞌo ni henue i Jiudia. Omu ke asuie oto mola mala nou hatongaꞌinie hunie mo soihaadaꞌinge aana poꞌo ni henue i Kalesia.

1 Korinit 4:17

Aena leune mone no ko uusungeꞌinie wau a Timoti i seemiu. Ingeie domana oto a kaleku toꞌohuu na ko esu diana nana Aalaha paine ikie. Ingeie ke si haꞌananauꞌomu loꞌu aana mo haꞌatolanga nge nou lae peꞌi laeliwala aani i sulie mo soihaadaꞌinge aana taꞌena nga leu no ko lae-lae aana.

1 Korinit 7:18

Oto mala uri o ko hele aana oto torihesiꞌonga aana maholo a God e soiꞌo, nge o ke suꞌuri sare oolisie loꞌu. Na mala uri o kaꞌa hele aana ue torihesiꞌonga maholo a God e soiꞌo, nge o ke suꞌuri sare torihesiꞌo loꞌu.

1 Korinit 7:24

Iau, maeni eesiku maaꞌi, omu ke iiꞌo oto mola mala omu iiꞌo kaꞌu aana maholo nge a God e soiꞌomune, taꞌe omu ke iiꞌo ruru peꞌie a God i leune.

1 Korinit 7:7

Na aana loꞌongaꞌinge ineu loꞌu, saeku hunie omu ke mani iiꞌo mola maraamiu mala ineu. Taꞌe a God e niie oto mo niinge hai aaopaꞌi hunikie. Ngaeta mo iini kire toꞌo aana ngaeta mo taungei niinge, na ngaeta mo iini kire toꞌo aana noꞌone ngaeta mo taungei niinge aaopa loꞌu.

2 Korinit 11:28

Oto loꞌu sapeitana walu ola ienini, na no ko tolahiꞌe mola i suli dinge aani lio sulilana mo soihaadaꞌinge.

2 Korinit 8:18

Na melu ko uusungeꞌinie ngaeta aasikaelu loꞌu oto noꞌone hao peꞌie a Taetas. Ahutana mwala aana ahutana mo soihaadaꞌinge hailiu kire haꞌamaꞌu aana aasikaelu ienini haahie asunge ingeie aani tarohaꞌinilana Tataroha Diana.

Kalesia 1:22

Aana maholona, mwala aana mo soihaadaꞌinge i Jiudia kire kaꞌa manataꞌinieu ike ue.

1 Tesalonaeka 2:14

Maeni eesiku, nga taa e raꞌusiꞌomu ngeena e rau taane oto noꞌone aana mo soihaadaꞌinge a Kraes Jisas aana poꞌo ni henue i Jiudia. Iꞌomu, omu sapesalu aana mwala iꞌomu loꞌu mola kire taungeꞌiniꞌomu, na e urihana noꞌone loꞌu mola ikire kire sapesalu aana mwala ikire mo Jiu kire taungeꞌinire.

2 Tesalonaeka 1:4

Aena urinena, nge melu ko lae peꞌi laheꞌomu i laona mo soihaadaꞌinge a God aana taꞌena nga leu. Melu ko laheꞌomu haahie tala nge maꞌalana omu ko sapesalu hiitoꞌo na mwala ko teungeꞌiniꞌomu, taꞌe omu uure aꞌailaꞌa mola aana hiiwalaimolinge iꞌomu.