1 Korinit 6:15 - Tataroha Diana

¹⁵ Omu saie mola sapena nga iini e neꞌie oto ngaeta sasarai ola a Kraes. ?Oto e ue? ?Uri e malisine nga iini ke toolea mola sapena nge e neꞌie oto ngaeta sasarai ola a Kraes, na ke ladoa peꞌie nga repi? !Haꞌike! !E kaꞌa malisi ike!

1 Korinit 6:15 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 20:16

Maholo kei lae mai, nge kei tohungei horo suuheꞌinie oto mwala aaela ngeena, na kei haꞌahaulaa loꞌu hohola ngeena aana ngaeta mwala aaopa.” Maholo mwala e rongo urine, kire si meni teꞌuri, “!Haꞌike, ke suꞌuri urine!”

Uusu-uusu A Pol Hurula'aa Hunie Mo Rom 12:5

Oto e urine noꞌone aana soihaadaꞌinge, aana maꞌalana uri ikie mwala hunge, taꞌe kie neꞌie taꞌa-taꞌa mei sape mola aana a Kraes ni ngeena, na ahutaka kie mani lado mola peꞌie ngaeta mwala aana taꞌa-taꞌa mei sape ngeena.

Uusu-uusu A Pol Hurula'aa Hunie Mo Rom 3:31

?Oto e ue aana mo Haꞌatolanga a God? ?Uri hiiwalaimolinge ikie ko unue uri ikire mo ola mwaakule mola? !Haꞌike oto ooꞌoo! Taꞌe kie ko haataꞌinie uri mo Haꞌatolanga ngeena kire tohungei oodo hule aana e aasa hunie nga iinoni ke iiꞌo oodotaꞌi taꞌingelu mala mo Haꞌatolanga a God e unue, taꞌe a Jisas haꞌalaa.

Uusu-uusu A Pol Hurula'aa Hunie Mo Rom 6:15

?Oto kie kei ue eena, aana hahuꞌana manata-diananga a God e luhesikie oto mwaanie kie iiꞌo loꞌu i mamalutana mo Haꞌatolanga? ?Oto uri e diana mola hunie kie ke dau loꞌu mola mala saeka? !Haꞌike! !E kaꞌa urine ike!

Uusu-uusu A Pol Hurula'aa Hunie Mo Rom 6:2

!Haꞌike oto ooꞌoo! !Mau-meuringe ikie i laona oorahaꞌaanga e mae oto! Kie mae oto uri hunie kie ke toliꞌaasie tolaha ni oorahaꞌaanga ngeena. ?Oto kie ke si lae loꞌu peꞌi iiꞌo i laona oorahaꞌaa uri taa eena?

Uusu-uusu A Pol Hurula'aa Hunie Mo Rom 7:13

?Oto e ue? ?Uri mo Haꞌatolanga diana ngeena ni kire ko horo maesieu? !Haꞌike! Taꞌe oorahaꞌaa ni ko horo maesieu, maꞌalana e asuie leune aana mo ola diana. Oto urine kie sai lio saie oto uri oorahaꞌaa mei ola uri taa, aana mo Haꞌatolanga ko haataꞌinie uri oorahaꞌaa mei ola e tohungei aaela ni ngeena.

Uusu-uusu A Pol Hurula'aa Hunie Mo Rom 7:7

?Oto nga taa nge kolu kei unue? ?Uri mo Haꞌatolanga kire aaela? !Haꞌike oto ooꞌoo! Mo Haꞌatolanga mone ko si da kie ko saie uri kie oorahaꞌaala. Mala uri mo Haꞌatolanga ke suꞌuri unue uuri, Mwaanie o sae-saehanali, Eksodas 20:17 haꞌalaa nou kaꞌa saie ike leune e aapu eena.

1 Korinit 11:3

Taꞌe ngaeta mei ola loꞌu saeku hunie omu ke saie. A God e iiꞌo mala ingeie pwaune a Kraes, na a Kraes e iiꞌo mala ingeie pwaune mwane, na mwane e iiꞌo mala ingeie pwaune keni.

1 Korinit 12:27

Oto e urine noꞌone aana ahutemiu loko-loko oto sapena Kraes, na taꞌena nga iini hikemiu e neꞌi sasarai ola oto aana.

1 Korinit 6:13

Na nga mo iini loꞌu kire unue uuri, “Ngaulaa ola mola hunie iiaka ni ngeena, na iiaka ola mola huni hele aana ngaulaa.” E toꞌohuu taane, taꞌe a God kei haꞌamangoa mola e ro mei ola ngeena. Oto aana omu ko loꞌongaꞌinie uri mo hiolonga ni sape kire mani sada mola i maana God, nge omu unue uri masinge noꞌone e kaꞌa neꞌie ike nga mei ola. !Taꞌe haꞌike mwae! Sape mei ola huni esu nana Aalaha ni ngeena, na a Aalaha ko lio i sulie sapeka,

1 Korinit 6:17

Taꞌe maholo nga iini kei lado peꞌie a Kraes, kirerue kei neꞌie oto taꞌa-taꞌa iinoni aana mauringe toꞌohuu a Kraes.

1 Korinit 6:19

?Uri omu kaꞌa saie ike uri sapemiu nge oto nume maaꞌi a Liꞌoa Maaꞌi? E iiꞌo oto i lalo aamiu, aana a God e niie huniꞌomu. Oto sapemiu kaꞌa toꞌo-toꞌolamiu ike loꞌu maraamiu,

1 Korinit 6:3

?Uri omu kaꞌa saie ike noꞌone uri ikie nge kie kei leie mo ensel? Nge ko urine oto, na mo ola huni haꞌa-oodohiꞌi mei aano siꞌiri ie, mo ola mwai-mwei mola ni ngeena.

Kalesia 2:17

Oto aana kolu ko loꞌohie haꞌa-oodohilakaelu ke lae peꞌie a God i lalo aana Kraes, e lio oto mala kolu toliꞌaasie mola mo Haꞌatolanga a Mosis, na kolu neꞌi iinoni oorahaꞌaala noꞌone oto mala ikire mo Aapoloa Aaopa nge kire iiꞌo poꞌoi sinaha mwaanie mo Haꞌatolanga. ?Haꞌalaa e ue? ?Uri a Kraes ni ko da kolu ko oorahaꞌaa? !Haꞌike oto ooꞌoo! Leune e kaꞌa toꞌohuu ike.

Kalesia 3:21

?Oto uri mo Haꞌatolanga e uure honosie mo heiholotaꞌinge a God? !Haꞌike! Aana mala uri a God ke niie mai nga haꞌatolanga nge e sai niie maurihe huu, nge taꞌena nga iini ko tola i sulie haꞌatolanga ngeena kei neꞌi iinoni oodotaꞌi oto peꞌie a God eena.

Kalesia 6:14

Taꞌe ineu maraaku, nou kaꞌa sai toohaꞌinieu ike haahie mo ola urine. Taꞌa-taꞌa leu nou sai toohaꞌinieu haahie oto poꞌu-poꞌu a Jisas Kraes, Aalaha ikie. Aena aana nga taa nge a Jisas e asuie aana maelana i lengine poꞌu-poꞌu, nge walumalau ienini e pwani mae oto aana neꞌisaenga ineu, na e urihana ineu noꞌone nou pweni mae oto aana neꞌisaenga mo iinoni ni welumalau.

Epesas 4:12

E asuie urine hunie ahutana mwala maaꞌi ingeie ke mani iiꞌo aakau huni peꞌi-peꞌire hailiu, na hunie sapena Kraes ke aꞌailaꞌa.

Epesas 5:23

Aana mo poro iꞌomu, ikire oto kire ko lio i suliꞌomu mala pwaune iinoni ko lio i sulie sapena, na mala a Kraes noꞌone ko lio i sulie soihaadaꞌinge nge e haꞌa-uurie oto.

Epesas 5:30

na ikie oto mo sasarai ola aana sapena Kraes.

Kolosi 2:19

Kire kaꞌa hele maꞌutaꞌa ike aana a Kraes. Ingeie oto pwaune soihaadaꞌinge nge ko lio i sulie soihaadaꞌinge na ko hele lokoa ahutana mo sasarai ola aana hunie ke mauri oto mala a God e saetoꞌo aana.