1 Korinit 5:4 - Tataroha Diana

⁴ Oto iꞌomu, omu ke loko tararuru aana satana a Jisas, Aalaha ikie, huni neꞌisae i sulie neꞌisaenga ineu ie. Oto aana nanamanga a Jisas,

1 Korinit 5:4 ပူးပေါင်းရင်းမြစ်များ

Matiu 16:19

Ne kei niie mo kii aana Aalahanga a God huniꞌo. Nga moi taa o ko uure honosiꞌi mei aano, mo ola nge a God kei uure honosiꞌi ni otona. Na nga moi taa o ko toliꞌaasiꞌi mei aano, mo ola nge a God kei toliꞌaasiꞌi eena.”

Matiu 18:20

Aana nga ro iini wa e oolu eemiu kei ruru aana sataku aana taꞌena nga leu, nge ineu oto noꞌone i matolamiu i leune.”

Matiu 28:18

Oto a Jisas ko lae mai saada, na ko ere hunire uuri, “A God e niie oto ahutana nanamanga hunieu, haahie ahutana mo ola i Lengi na mai aano i leu.

Matiu 28:20

Omu ke haꞌa-uusulire hunie kire ke tola i sulie oto taꞌena nga ola nou hatongaꞌinie huniꞌomu. Na omu sai norutoꞌo aana uri ne ke iiꞌo peꞌiꞌomu oto tarau, lai hule aana haꞌamangolana walumalau.”

Tataroha Diana I Sulie A Jisas Kraes Nge A Jon E Uusue 20:23

na aana ingeie kei naꞌomiu, nge mala uri omu ko saeꞌaasi hunie mwala mo oorahaꞌaanga ikire, nge saeꞌaasileni ke si lae. Na mala uri omu kaꞌa saeꞌaasiꞌi hunire, nge saeꞌaasileni saꞌa lae ike.”

Palonga 16:18

Mo dinge hunge a keine ko teꞌurine oto mola, lae-lae hule aana a Pol e kaꞌa sare rongoa oto. Oto a Pol e saro wau takoie, na ko teꞌuri hunie liꞌoa aaela ngeena, “Aana satana Jisas Kraes no ko unue oto huniꞌo o ke lae mwaanie a keni ngeena.” Na oto mola aana maholoi satona liꞌoa aaela ngeena e tolana tahi oto mwaanie a keine.

Palonga 3:6

Taꞌe a Pita e teꞌuri mola hunie, “Nou kaꞌa toꞌo aana ike nga mei toꞌoha, taꞌe ngaeta mei ola mola nou toꞌo aana huni niie namue. No ko unue huniꞌo aana satana a Jisas Kraes ni Nasaret—Taꞌelaꞌi na o ke lae hailiu oto.”

Palonga 4:30

Na o ke haataꞌinie nanamanga iꞌoe huni haꞌa-uurie mo iini ko mweri, na huni esuie mo huꞌi-huꞌite, na mo tolimaa aana satana Jisas koni-konihe maaꞌi iꞌoe.”

2 Korinit 13:10

Oto aena urinena maholo nou kaꞌa iiꞌo ue peꞌiꞌomu taꞌe no ko uusue oto hao uusu-uusu ienini, hunie maholo ne kei hule hao ne ke suꞌuri ere raramaa huniꞌomu aana nanamanga nge a Aalaha e niie hunieu. Aana nanamanga ngeena niilana e lae hunieu uri hunie ne ke peꞌie hiiwalaimolinge iꞌomu ke maꞌutaꞌa loꞌu hiitoꞌo, na e kaꞌa ola ike huni waeliꞌomu.

2 Korinit 13:3

Oto leune ke haataꞌinie toꞌohuu huniꞌomu uri no ko ere oalana a Kraes ni ngeena, aana omu kei leesie taꞌa-taꞌa nanamanga aaku nge omu ko leesie noꞌone aana a Kraes nge ko esu aꞌailaꞌa mola peꞌie nanamanga paine ingeie i matolamiu ngeena.

2 Korinit 2:6

Oto mo iini hunge aamiu, omu leie a mwaena na omu haꞌaloie oto. Na haꞌaloinge omu esuie ngeena e ado oto.

Epesas 5:20

Na omu ke paalahea God Mamaꞌa tarau haahie taꞌena nga ola aana satana Aalaha ikie a Jisas Kraes.

Kolosi 3:17

Oto taꞌe-taꞌena nga ola omu ko euꞌesuie, wa omu ko unu-unue, omu ke asuie mala iinoni a Aalaha ikie a Jisas. Na omu ke paalahea a God Aamaka tarau i tehulaꞌana a Kalena.

2 Tesalonaeka 3:6

Maeni eesiku maaꞌi, melu ko eitanaiꞌomu aana satana a Jisas Kraes Aalaha ikie, uri omu ke suꞌuri hikusie mo eesike nge kire ko lalawa huni esu, na kire kaꞌa tola i sulie ike mo ola melu ko unu-unuꞌi huniꞌomu.