1 Korinit 5:11 - Tataroha Diana11 Nga taa nge nou ere urine aana, nge uri omu ke suꞌuri hikusie taꞌena nga iinoni ko unu-unue uri ingeie e hiiwalaimoli aana a Kraes, taꞌe ko aeꞌaeni ola mola, wa ko sae-saehanalie mola toꞌo-toꞌolana ngaeta mwala, wa ko palo-paloa mola mo god eero-eero, wa ko ere-ere aaelasie mola ngaeta mo iini, wa ko inu-inu wei ni pweunge mola, wa ko eeroa mola mwala mwaanie toꞌo-toꞌolada. Iini urine, maꞌalana aawenga wa ngaunge peꞌie, na omu ke suꞌuri esuie loꞌu. အခန်းကိုကြည့်ပါ။ |
1 Korinit 5:11
47 ပူးပေါင်းရင်းမြစ်များ
“Aama-aamasilemiu mo Parise na mo haꞌa-uusuli aana mo Haꞌatolanga. !Iꞌomu oto mwala eero-eero! Aana omu urihana mola mo nime na mo kao-kao kire hoda rereꞌa aana aapa poꞌoi sinaha, taꞌe wau i laona e honu mola aana ngaulaa e kasu. Omu ko sasare lio kohi i maana mwala, taꞌe hule aana saemiu e honu oto mola aana horo-pelinge na taꞌena nga loꞌongaꞌinge aaela.
Oto Parise ngeena e uure wau maraana mwaanie mwane susulu toꞌoha, ko si aarengaꞌi i sulie maraana, na ko teꞌuri, ‘God, no ko paalaheꞌo aana nou kaꞌa aaela ike mala ngaeta mwala. Nou kaꞌa urihana ike mwala nge kire sai peli, kire sai leu-leu ola, na kire ko mei-mesi. No ko paalaheꞌo aana nou kaꞌa urihana ike mwane susulu toꞌoha waune.
Iau, kie ke iiꞌo oodotaꞌi oto mola tarau, mala mwala ko esuie mola mo ola haadaꞌi i laona matapwanga aana aatowaa. Kie ke suꞌuri esuie mo ngeunge aaela na mahiringe aana inuhilana mo wei ni pweunge. Masinge na ke suꞌuri loꞌu, na kie ke suꞌuri tara loꞌu i sulie mo tolahai ola aaela urine. Kie ke suꞌuri toolea loꞌu haꞌa-erenga na heotaꞌinge.
?Uri omu kaꞌa saie ike mo iini nge helelada e tataꞌala kire saꞌa roroꞌa ni hele aana ike Aalahanga a God? Mwaanie omu neꞌi-neꞌisae takalo. Mo iini nge kire ko mei-mesi, wa kire ko palo-paloa mo ola aaopa mwaanie a God, wa kire ko aeꞌaeni ola, wa mo mwane nge kire ko deu mala mo repi, wa kire ko aeꞌaeni ola peꞌinie mo mwane mala ingeie,
Oto huniꞌomu loꞌu mo iini nge omu haꞌaruru peꞌie iini i sinaha aana soihaadaꞌinge, a Aalaha e kaꞌa unue ike nga mei ola i sulie taungei haꞌarurunge iꞌomu ngeena. Oto ineu maraaku no ko unue huniꞌomu uuri. Mala nga mwane nge e hiiwalaimoli aana a Kraes ko toꞌo aana nga keni ni puꞌo, na a huꞌena e ilenimwaꞌe ni iiꞌo ruru mola peꞌie, a poro ngeena ke suꞌuri sikaa.
Taꞌe mala uri iini nge e iiꞌo ni puꞌo ko sare sikaa poro wa huꞌe ingeie nge e hiiwalaimoli aana a Kraes, toliꞌaasie mola ke lae i sulie saena. Mala ko lae urine, nga mei haꞌatolanga kaꞌa uure honosie ike iini nge e hiiwalaimoli. Taꞌe omu ke aamasitoꞌo aana uri a God e saetoꞌo aana kie ke iiꞌo ni henuelama.
Iꞌomu, omu saie oto maraamiu uri mwala nge kire ko talei deu taꞌewau mola peꞌie taꞌena nga iinoni, na kire ko lae peꞌi esuie mola taꞌena nga ola aaela urine, kire kaꞌa toꞌo aana ike nga leu talada i laona mauringe nge a Kraes na a God kirerue ko aalaha haahie. Na e urine noꞌone hunie mo iini nge kire ko talei sae-saehanalie mola toꞌo-toꞌolana ngaeta mwala, aana mo iini urine kire ko paloa mola mo god eero-eero ni ngeena.
“Taꞌe tootaꞌi kele mei ola mola nou kaꞌa saetoꞌo aani eemiu. Aana ngaeta mwala ikire peꞌiꞌomu kire ko hele i sulie haꞌa-uusulinge aaela a Balaam, iini nge e haꞌa-uusulie a Balak oto waite aana tala huni naꞌona mwala ni Israel hunie oorahaꞌaa. Aana e da kire ngaa mo ngeulaa kire uunuꞌi i saana mo nunui ola mo liꞌoa aaela, na hunie kire ke hele roroꞌanga peꞌi keni na peꞌi mwane.
“Taꞌe taꞌa-taꞌa mei ola mola nou kaꞌa saetoꞌo aana aamiu. Aana omu ko lio toliꞌaasie huꞌe aaela ngeena ko iiꞌo ue peꞌiꞌomu, maꞌalana e urihana mola a Jesepel oto waite na ko lae peꞌi eeroa mwala uri ingeie nga propet a God. Taꞌe ingeie ko haꞌa-uusuli aaelasie mola mo koni-konihe ineu, na ko naꞌoda mola takoie aeni-olanga na ngaulana mo ngeulaa kire uunuꞌi i saana mo god eero-eero.
Taꞌe mwala kire ko meꞌuteꞌinie mola sapesalunge i tehulaꞌana Jisas, na mo iini kire ko eeliꞌu mola mwaanie a Jisas, na mo iini kire ko talei deu tataꞌala, na mo iini kire ko talei horo, na mo iini kire ko mei-mesi, na mo iini kire ko siꞌo-siꞌo, na mo iini kire ko palo-paloa mo god eero-eero, na mo iini kire ko eero-eero, kire kei meni iiꞌo mola i laona dunge ni haꞌamotaahinge aana mo heu eeso-eeso, na ruana nga maenga otona.”
ကြော်ငြာတွေ