1 Korinit 4:5 - Tataroha Diana

⁵ Oto omu ke suꞌuri leie mwala, aena aana e kaꞌa hule ue aana maholo a God kei lae mai huni leie mwala. Oto omu ke maaꞌoohie kaꞌu Aalaha ikie kei lae mai, aana ingeie nge ke si haataꞌinie mo ola kire oꞌoꞌo mumuni rorodoꞌa hunie kire ke iiꞌo haadaꞌi. Ingeie oto kei haataꞌinie saehaahinge mo iinoni, na kei lahera i sulie nga taa nga iini e asuie.

1 Korinit 4:5 ပူးပေါင်းရင်းမြစ်များ

Matiu 10:26

“Taꞌe maꞌalana e urine, omu ke suꞌuri meꞌuteꞌinire, aana taꞌe-taꞌena nga mei ola iinoni ko mumumunie, haataꞌinilana kei saro lae mola, na taꞌena nga mei ola ko reu mumuni, sailana kei saronai lae taane.

Matiu 24:30

Oto aana maholo urine nga tolimaa leesilana kei lae i laona salo huni haataꞌinie uri ineu a Kale Ni Iinoni no ko lae oto mai. Ahutana mo komu ni iinoni aana walumalau kei ngara aana kire kei leesieu a Kale Ni Iinoni no ko lae mai i laona mei uuru mwaanie salo. Ne kei lae mai peꞌie nanamanga na manikuluꞌanga oto paine.

Matiu 24:46

Na kei tohungei diana oto liutaa hunie koni-konihe ngeena, mala uri aalaha ingeie kei lio oodoie ko esu diana urine maholo kei ooli mei.

Matiu 25:21

“Oto aalaha ingeie ko aalamie uuri, ‘O tohungei deu diana, na iꞌoe oto mwane auꞌesu diana, iini ni nou-norue. O lio i suli diana aana mo ola kaꞌa hunge, oto ne kei neꞌiꞌo o ke lio i sulie loꞌu mo ola hunge. Lae mai na o ke ilenimwaꞌe peꞌieu.’

Matiu 25:23

“Oto aalaha ingeie ko aalamie uuri, ‘O tohungei deu diana, na iꞌoe oto mwane auꞌesu diana, iini ni nou-norue. O lio i suli diana aana mo ola kaꞌa hunge, ne kei neꞌiꞌo o ke lio i sulie loꞌu mo ola hunge. Lae mai na o ke ilenimwaꞌe peꞌieu.’

Tataroha Diana I Sulie A Jisas Kraes Nge A Luk E Uusue 6:37

Oto a Jisas ko heꞌi teꞌuri loꞌu, “Mwaanie omu talei lei-leie taꞌena nga iinoni, mwaanie a God e leiꞌomu noꞌone urine. Mwaanie omu talei lei-lei maesie nga mwala, hunie a God ke suꞌuri lei maesiꞌomu noꞌone. Na omu ke sae-sae aasi hunie mo iinoni, hunie a God ke si saeꞌaasi noꞌone huniꞌomu.

Tataroha Diana I Sulie A Jisas Kraes Nge A Jon E Uusue 21:22

A Jisas e aalamie, oto ko teꞌuri, “?Mala uri no ko saetoꞌo aana uri ke oꞌoꞌo mola hule aana ne kei ooli loꞌu mei, e ue o ko tolahiꞌe aana? Iꞌoe, o ke lulu i sulieu.”

Tataroha Diana I Sulie A Jisas Kraes Nge A Jon E Uusue 21:23

Oto mei wala ko taro i matolana mo pwaarongoisuli a Jisas uri pwaarongoisuli ngeena e saꞌa mae ike. Taꞌe a Jisas e kaꞌa unue ike uri e saꞌa mae, taꞌe e unue mola uuri, “?Mala no ko saetoꞌo aana ke oꞌoꞌo mola hule aana ne kei ooli loꞌu mei, e ue o ko tolahiꞌe aana?”

Tataroha Diana I Sulie A Jisas Kraes Nge A Jon E Uusue 5:44

Omu saetoꞌo aana mola uri mwala ke laheꞌomu, taꞌe omu kaꞌa sare iiꞌo oodotaꞌi ike uri hunie taꞌa-taꞌa tohungei God ke laheꞌomu. ?Nge ko urine, omu ke si hiiwalaimoli eeku uri taa eena?

Uusu-uusu A Pol Hurula'aa Hunie Mo Rom 14:4

?Haꞌalaa o ko loꞌo-loꞌongaꞌinie uri iꞌoe a tei, aana o ko sare leie iinoni euꞌesu ngaeta iinoni? E kaꞌa malisi ike hunie o ke leie asunge iinoni euꞌesu ngaeta iinoni, taꞌe leu oto i sapena aalaha ingeie ni huni unue uri iinoni ngeena ko esu diana taane wa haꞌike. Na mo iinoni euꞌesu Aalaha ikie kire kei meni esu diana taane mola, maꞌalana kire ko ngeu-ngeu urine wa haꞌike, aena aana a Aalaha oto ko peꞌire hunie kire ke toꞌohie saena.

Uusu-uusu A Pol Hurula'aa Hunie Mo Rom 2:1

Oto iꞌomu nge omu ko unu-unue uri mo iini nge kire dau urine kire tohungei deu aaela, iꞌomu noꞌone omu ke lio talamiu. ?Oto omu ko ere huni taa? Aena aana maholo omu ko leie ngaeta mwala urine, e urihana omu ko leiꞌomu loꞌu mola maraamiu ni ngeena, aena aana iꞌomu na omu ko deu-deu aaela noꞌone mola mala ikire.

Uusu-uusu A Pol Hurula'aa Hunie Mo Rom 2:16

Na mala Tataroha Diana no ko tatarohaꞌinie ko unu tahangaꞌinie, a God ke si haataꞌinie kira tei nge kire oodotaꞌi aana maholo a Jisas Kraes kei leie taꞌe-taꞌena nga ola e iiꞌo mumuni i lalo aana mau-meuringe mo iinoni.

Uusu-uusu A Pol Hurula'aa Hunie Mo Rom 2:29

Tohungei iinoni ni Jiu oto iini nge manatana e oodo oto peꞌie a God, na tohungei haꞌa-ara aana iinoni a God, mei hei-oolisinge takoie a God nge a Liꞌoa Maaꞌi ko esuie aana saena iinoni. Leu ngeena e kaꞌa lae ike mai mwaanie mo Haꞌatolanga nge uusuleni e sai lae i laona mo puke, taꞌe Liꞌoa Maaꞌi a God oto mola hahaiteli ni e sai esuie. Taungei iinoni urine e kaꞌa saetoꞌo aana ike mwala ke lahea, taꞌe saena mola hunie a God ke lahea.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

1 Korinit 1:7

hule aana soihaadaꞌinge iꞌomu e toꞌo aana oto taꞌena nga niinge aana Liꞌoa Maaꞌi. Oto omu saꞌa tola talea ike nga mei ola aana maholo nge omu ko maaꞌoohi peꞌi heri-huninge loosie Aalaha ikie a Jisas Kraes kei ooli loꞌu mei.

1 Korinit 11:16

Taꞌe mala uri nga mo iini hikemiu ko sare ere haitelili haahie leune, nga taa nou sai unue huniꞌomu mola uuri, iꞌemeelu mo hurulaꞌaa na mo soihaadaꞌinge a God aana mo huilume hai aaopaꞌi melu kaꞌa toꞌo aana ike loꞌu nga tala aaopa huni lae i sulie aani palonga.

1 Korinit 11:26

Oto taꞌe-taꞌena nga maholo omu ko ngaa mei ngeulaa ienini na omu ko inu aana kao-kao ienini, omu ko unu haadaꞌi aana Tataroha Diana uri a Aalaha e mae honotaka ni ngeena, lai hule aana kei ooli loꞌu mei.

1 Korinit 15:23

Taꞌe nga iini ni e lae-lae oto i sulie maholo ingeie. A Kraes oto e holaꞌi taꞌelaꞌi mwaanie maenga, na maholo kei ooli loꞌu mei, nge ikie mwala ingeie kie ke si taꞌelaꞌi loꞌu.

1 Korinit 3:13

Taꞌe aana hai dinge ooreta, dunge kei haataꞌinie mo taungei esunge hai aaopaꞌi nge mwala e asuiꞌi, ohe kire diana taane wa haꞌike.

1 Korinit 3:14

Mala uri dunge e kaꞌa waruhie mo ola nge iinoni e asuie nume ngeena aani, nge a God kei waaie iinoni ngeena haahie asunge diana ingeie.

1 Korinit 3:8

Oto mwane ko hesi lite na mwane ko dengu wei, kire ko meni esu tararuru mola hunie taꞌa-taꞌa mei neꞌisaenga, na a God ke si waairerue i sulie asunge ikirerue.

2 Korinit 10:18

Aana iinoni nge a Aalaha e neꞌisae paine aana haꞌalaa a God ko saetoꞌo aana, e kaꞌa ike iinoni nge e neꞌisae paine aana mola maraana.

2 Korinit 10:9

Na nou kaꞌa sare da ike omu ke loꞌongaꞌinie uri no ko sare haꞌamaꞌusiꞌomu mola aana mo uusu-uusu ineu.

2 Korinit 4:2

Melu ko tarohaꞌinie a Kraes mola aana mo tolahai ola diana, na melu toliꞌaasie oto taꞌena nga tolahai ola aaela huni tarohaꞌinie. Melu kaꞌa tarohaꞌinie ike a Kraes aana mo tolahai ola e kaꞌa malisi, wa aana mo tolahai ola mumuni, wa aana mo tolahai ola nge ko esuie masanga. Melu kaꞌa haꞌa-olaa ike nga mo iini aani eeronga, na melu kaꞌa sai huꞌisie ike walana God. !Haꞌike oto ooꞌoo! Taꞌe melu ko lae peꞌi unu tahangaꞌinie mola walaimolinge haliꞌite i maana God, hunie ahutana mwala kire ke lio saie uri melu ko ere toꞌohuu.

2 Korinit 5:10

Aana kie mani manataꞌinie oto uri ahutaka mo iinoni, kie kei meni lae i uure i naꞌona naunekume ni leinge a Kraes taꞌau i Lengi hunie ingeie kei waaikie oto i sulie helelaka mai aano i leu e diana wa e aaela.

1 Tesalonaeka 5:2

Aena aana iꞌomu maraamiu omu sai diana aana oto uri a Aalaha ikie kei ooli loꞌu mola mai aana taꞌena nga dinge nge mwala kaꞌa loꞌo-loꞌongaꞌinie ike, mala iinoni peli-peli e sai lae mola mai aana taꞌena nga maholo i rodo.

Hibru 4:13

Taꞌe-taꞌena nga ola haꞌaholalana e lae, mumunilana e saꞌa roroꞌa lae ike mwaanie maana God. Aana ingeie ko toꞌo-toꞌomaaie mola ahutana walu ola ngeena, na kire mani iiꞌo haadaꞌi mola i maana. Na aana nga dinge, kie kei saronai unu haadaꞌi mola aana oodoie taꞌe-taꞌena nga ola nge kie asuiꞌi.

Jemes 4:11

Maeni eesiku, omu ke suꞌuri sisiho aana nga iini. Mala omu ko siho aana nga iini i lalo aana Kraes, wa omu ko leie, nge omu ko ere waelie oto haꞌatolanga kire ko lulu i sulie. Urine nge e haataꞌinie omu kaꞌa hele ike i sulie mo haꞌatolanga, taꞌe omu ko sare haꞌapainaꞌaꞌomu loꞌu liutaa aana haꞌatolanga ngeena huni leie.

Jemes 5:7

Maeni eesiku, omu ke maaꞌoohi susutoꞌo lai hule aana a Jisas kei ooli loꞌu mei. Ikolu, kolu meni saie uri mo mwane nge ko esuie hohola kire sai maaꞌoohi susutoꞌo hule aana nemo kei da hohola ikire ke repo diana malisine soꞌokoninge.

Jemes 5:9

Omu ke suꞌuri upwesiꞌomu heiliu, maeni eesiku, mwaanie a God e leiꞌomu. Na leinge e karaꞌinie oto kei lae mai.

1 Pita 1:7

Walu ola urine, mo ola mola huni leesie uri hiiwalaimolinge iꞌomu e toꞌohuu taane. Hiiwalaimolinge iꞌomu ngeena e kele urihana kol nge holitana e paine. Aana kire sai esu oto hiitoꞌo aana kol lae hule aana kire sai neꞌie i laona dunge paine hunie ke aahe, hunie kire ke toolea tohungei kol nge e manola, na nga mei mada haꞌike loꞌu peꞌie. Mo aasanga ko deu urine noꞌone aana hiiwalaimolinge iꞌomu ngeena, taꞌe hiiwalaimolinge iꞌomu e tohungei hiꞌe loꞌu liutaa aana kol ngeena nge hule aana kei eiꞌaa mola. Oto mala uri hiiwalaimolinge iꞌomu ke susu maꞌalana mo aasanga uri taa ko hite aamiu, nge mwala kei tohungei haꞌapainaꞌaꞌomu na kire kei soi haꞌamanikuluꞌaꞌomu na kire kei laheꞌomu oto hiitoꞌo aana maholo a Jisas Kraes kei ooli loꞌu mei.

1 Pita 5:4

Na maholo nge Naꞌohai Kakalihe haahie mo sipu kei ooli mei, nge ingeie ke si niie waaite e tohungei menikuluꞌe huniꞌomu, na mei waaite ngeena e saꞌa mango ike loꞌu aana nga maholo.

2 Pita 3:12

Na maholo omu ko lae peꞌi maaꞌoohie hai dinge paine a God ngeena, omu ke asu waaꞌiniꞌini hunie hai dingena ke hule lau-leu. Aana hai dinge ngeena, dunge kei ngaa salo lai hule aana kei aano talihu oto, na walu ola aana haꞌaholanga dunge kei madorohiꞌi hule aana kire kei aahe mango.

2 Pita 3:4

na kire kei unue uuri, “?A Jisas oto i tei? ?Mwane nge e unue uri kei ooli loꞌu mei, ingeie oto i tei? Mo naꞌohai mwane iꞌomu weu i naꞌo ngeena, kire mani mae oto, taꞌe ahutana walu ola ngeena kire mani sada mola mala maholo a God e haꞌaholaa walumalau.”

Jiud 1:14

A Adam oto eetana nga pwaunge ni iinoni wau i naꞌo, na mola aana hiune nga pwaunge, nge mwane maaꞌi a Inok e ere i sulie mwala aaela ienini uuri, “A Aalaha kei lae mai peꞌie mo sinolai ensel maaꞌi ingeie

Haataꞌinge 1:7

!Lio kaꞌu! Ko lae oto mai taꞌaune peꞌie mei uuru, na taꞌena nga maa kei leesie, hule aana oto noꞌone mo iini nge kire otomie. Na ahutana mwala mai aano kei ngara maholo kire kei leesie. Iau, ke urine oto.

Haataꞌinge 20:12

Na nou leesie mo iini e mae oto, mo iini peine na mo iini mwei-mwei, kire mani uure i naꞌona naunekume. Aasi e niie taꞌau ahutana mo iini nge kire mae i laona, na mwakano e niie taꞌau mo iini e mae na kire oꞌoꞌo i laona, na ahutana mo iini kire mae kire mani taꞌelaꞌi oto taꞌau. Oto kire ko tahanie mo uusu-uusu, na kire tahanie uusu-uusu aana maurihe, nge e toꞌo aana satana ahutana mo iini kire kei meuri oto huu. Na kire tahanie mo uusu-uusu loꞌu nge ko unue nga taa mwala kire asuie mai aano. Oto leilada e lae oto i sulie nga taa kire asuie nge uusulana e lae i laona mo uusu-uusu ngeena, nga iini oto i sulie nga taa ingeie maraana e asuie.