1 Korinit 4:20 - Tataroha Diana

²⁰ Aena aana Aalahanga a God kaꞌa ola ike mola aani wala, taꞌe ola ni nanamanga.

1 Korinit 4:20 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 1:16

Nou tohungei norutoꞌo aana Tataroha Diana a Jisas na nou saꞌa roroꞌa masa ike huni tarohaꞌinie, aana e toꞌo aana nanamanga paine a God huni haꞌa-uurie ahutana mo iini e hiiwalaimoli aana, maꞌalana ikire mo Jiu wa ikire mo Aapoloa Aaopa nge ikire nga mo Jiu haꞌike.

Uusu-uusu A Pol Hurula'aa Hunie Mo Rom 14:17

Aana mo ola mala ngaunge na inunge, kire kaꞌa roroꞌa ike i laona Aalahanga a God. Taꞌe mo ola nge Liꞌoa Maaꞌi ko niiꞌi mala oodotaꞌinge na hanuelamanga na ilenimwaꞌenga haꞌalaa kire roroꞌa.

Uusu-uusu A Pol Hurula'aa Hunie Mo Rom 15:19

Oto mwala kire hiiwalaimoli aana i sulie nou esuie mo huꞌi-huꞌite peꞌie nanamanga aana Liꞌoa Maaꞌi mala mo tolimaa aana nanamanga a God. Oto ahutana mo henue uure i Jerusalem lai hule oto aana taitelihe aana poꞌo ni henue i Ilirikam, nou lae peꞌi tarohaꞌinie oto Tataroha Diana i sulie a Jisas Kraes oto aani.

1 Korinit 1:24

Taꞌe hunikie mo iini nge a God e soikie oto, mo Jiu na oto mo Aapoloa Aaopa, mei wala aana a Kraes ienini ingeie oto nanamanga na saenanaunge a God.

1 Korinit 2:4

Oto nou saie uri laeliwalanga ineu na mei wala nge nou tarohaꞌinie huniꞌomu e kaꞌa lae ike aana mo wala diana i sulie saenanaunge mo iinoni. !Haꞌike! Taꞌe e lae mola peꞌie nanamanga aana Liꞌoa Maaꞌi a God.

2 Korinit 10:8

E lio mala uri no ko ere toohaꞌi oto i sulie nanamanga aana iiꞌo-iiꞌoha a Aalaha e niie hunieu, taꞌe aana ke urine na nou saꞌa masa ike huni ere i sulie, aena aana nanamanga ngeena ola huni haꞌamaꞌutaꞌaa hiiwalaimolinge iꞌomu, kaꞌa ola ike huni waeliꞌomu.

1 Tesalonaeka 1:5

Aana maholo melu toolea mai Tataroha Diana huniꞌomu, melu kaꞌa toolea ike mai mola aani wala, taꞌe peꞌie nanamanga a Liꞌoa Maaꞌi, aana e haataꞌi diana aana aamiu uri e toꞌohuu. Na omu lio saie noꞌone urine aena aana mo ola melu euꞌesuiꞌi maholo melu iiꞌo peꞌiꞌomu, mo ola mola huni peꞌilemiu haliꞌite ni ngeena.