1 Korinit 4:19 - Tataroha Diana

¹⁹ Taꞌe e saꞌa tewa na ne kei lae loꞌu mei maatoliꞌomu, mala a Aalaha ko saetoꞌo aana ne ke asuie urine. Na aana maholona, nou saꞌa rongo ike hunie mwala too-toohaꞌi ngeena, taꞌe ne kei lio mola hunie nga nanamanga uri taa nge kire toꞌo aana.

1 Korinit 4:19 ပူးပေါင်းရင်းမြစ်များ

Palonga 18:21

Maholo ko deu aakau oto huni lae mwaanire, oto ko teꞌuri, “Mala uri a God e saetoꞌo aana ne ke ooli loꞌu mei, nge omu ke leesieu loꞌu i leu.” Oto e si lai taꞌe aana haka, no ko lae oto mwaanie i Epesas.

Palonga 19:21

Purine walu ola ngeena e rau mango, a Pol e hiingeꞌinie uri a Liꞌoa Maaꞌi ko sare uusungeꞌinie huni holaꞌi lae aana e ro poꞌo ni henue i Masedonia na i Akaea, nge ke si lae loꞌu hunie i Jerusalem. Na a Pol ko teꞌuri loꞌu, “Maholo ne kei lai liuhie mo leu ngeena mango, ne kei lai hule loꞌu aana huilume paine i Rom.”

Palonga 20:2

E liuhie mo henue hunge i laona poꞌo ni henue i Masedonia ni ere haꞌasusure, na lae-lae e si lai hule aana poꞌo ni henue i Akaea

Uusu-uusu A Pol Hurula'aa Hunie Mo Rom 15:32

Oto aana ko urine na mala uri a God ko saetoꞌo aana oto, nge ne ke lae wau i seemiu peꞌie ilenimwaꞌenga oto paine, na ne ke mamalo diana wau peꞌiꞌomu.

1 Korinit 11:34

Na mala uri nga iini ko hiolo, nge ke holaꞌi ngeu oto wau i nume ingeie, mwaanie a God e leiꞌomu haahie tolahai ngeunge aaela ngeena aana maholo omu ko meni ngeu tararuru. Na ne ke si haꞌa-oodohie ngaeta mo ola loꞌu aana maholo ne kei lae wau i seemiu.

1 Korinit 14:5

Saeku uri ahutemiu omu ke mani ere-ere aani erenga hai aaopaꞌi, taꞌe oto liutaa nou saetoꞌo aana uri omu ke toꞌo aana niinge huni unu tahangaꞌinie walana God. Aana iini ko unu tahangaꞌinie walana God ko esuie mei ola e hiꞌe liutaa aana loꞌu iini ko ere mola aani erenga hai aaopaꞌi. Aana iini ko ere aana mo erenga hai aaopaꞌi e sai peꞌie taane ahutana soihaadaꞌinge mala uri nga iini e iiꞌo huni ere luhesie walana, taꞌe mala haꞌike, nge nga kele peꞌinge hunie soihaadaꞌinge na haꞌike loꞌu.

1 Korinit 16:5

Ne kei liu taane mai keliꞌomu aana maholo ne kei uure mwaanie poꞌo ni henue i Masedonia, aena aana nou loꞌongaꞌinie uri ne ke holaꞌi lae kaꞌu i Masedonia.

1 Korinit 16:7

Aana nou kaꞌa sare maatoliꞌomu ike oto molana aena aana no ko tapaliu mola. Saeku uri ne ke kele iiꞌo tewa kaꞌu peꞌiꞌomu, mala uri Aalaha ko toliꞌaasie ke urine.

1 Korinit 2:6

Taꞌe mo wala no ko tarohaꞌiniꞌi ienini, mo wala ni saenanaunge taane, mei saenanaunge nana mo iini nge kire paine oto peꞌie tolahai hiiwalaimolinge. E kaꞌa saenanaunge ike aana walumalau ienini. Mei saenanaunge ienini e tohungei aaopa oto liutaa mwaanie saenanaunge aana mo iini kire nanama haahie walumalau siꞌiri, mo iini nge kire kei eiꞌaa mola.

1 Korinit 4:18

Ngaeta mo iini hikemiu kire loꞌongaꞌinie uri nou saꞌa hule loꞌu i seemiu, oto kire ko aehota toohaꞌinire oto.

1 Korinit 4:6

Maeni eesiku maaꞌi, walu ola ienini no ko unuꞌi i suliꞌemereꞌi a Apolos hunie omu ke saenanau aana tolahamereꞌi. Ngaeta mei wala e teꞌuri, “Mwaanie omu liue nga taa uusulana e lae i laona Uusu-uusu Maaꞌi.” Mala uri omu kei teꞌurine, nge omu saꞌa unu-unue ike uri nga iini e paine liutaa aana nga iini, na omu saꞌa toohaꞌiniꞌomu ike maraamiu aana omu ko lae i sulie iini nge omu unue e paine, na omu saꞌa ere aaelasie loꞌu nga iini.

2 Korinit 1:23

Oto ne ke unue oodoiꞌomu aana e ue kaꞌu nou kaꞌa ooli ike mai i seemiu mala nou unue. A God e saie mola manataku, na e saie taane uri nga taa no ko unue e toꞌohuu. Nou kaꞌa lae ike ue hao i Korinit, i sulie nou kaꞌa sare ere aamiu loꞌu na urine kei aasa loꞌu huniꞌomu.

2 Korinit 10:9

Na nou kaꞌa sare da ike omu ke loꞌongaꞌinie uri no ko sare haꞌamaꞌusiꞌomu mola aana mo uusu-uusu ineu.

Hibru 6:3

Taꞌe mala uri a God ko toliꞌaasie hunikie, nge kie ke lae taraꞌasi huni toolea mo saenanaunge kokoro loꞌu i sulie a Kraes.

Jemes 4:15

Taꞌe omu ke ere uuri haꞌalaa, “Mala a God ko saetoꞌo aana, nge melu ke iiꞌo sapemawa mola huni esuie mo ola ienini wa mo iini ngeena.”