1 Korinit 4:14 - Tataroha Diana

¹⁴ Nou kaꞌa unue ike mo ola ienini huni haꞌamasaꞌomu, taꞌe huni haꞌananauꞌomu mala mo mwela maaꞌi ineu.

1 Korinit 4:14 ပူးပေါင်းရင်းမြစ်များ

Palonga 20:31

Oto omu ke tohungei lio talamiu. Omu ke aamasitoꞌo aana mo haꞌapasulinge nge nou nii-niie huniꞌomu tarau, na nou sapesalu i suliꞌomu hunie e oolu helisi.

1 Korinit 15:34

Oto omu ke loꞌo-loꞌongaꞌi diana loꞌu, na mwaanie omu heꞌi oora-oorahaꞌaala loꞌu. No ko tola tahangaꞌinie leune huni haꞌamasaꞌomu uri nga mo iini eemiu kire kaꞌa saie ike ue a God.

1 Korinit 4:15

Maꞌalana uri omu ke toꞌo aana loꞌu nga mo iini hunge huni haꞌa-uusuliꞌomu aana tolahana a Kraes, taꞌe omu ke suꞌuri pulongosie uri ineu oto taꞌa-taꞌa aamamiu. Aana ineu oto nou tooleꞌomu mei i saana a Kraes maholo nou laeliwala aana tataroha diana namiu.

1 Korinit 4:17

Aena leune mone no ko uusungeꞌinie wau a Timoti i seemiu. Ingeie domana oto a kaleku toꞌohuu na ko esu diana nana Aalaha paine ikie. Ingeie ke si haꞌananauꞌomu loꞌu aana mo haꞌatolanga nge nou lae peꞌi laeliwala aani i sulie mo soihaadaꞌinge aana taꞌena nga leu no ko lae-lae aana.

1 Korinit 6:5

!Mei ola ni masanga ni ngeena! ?Uri nga taꞌa-taꞌa mwane saenanau haꞌike oto i seemiu huni haꞌa-oodohiꞌomu aana mo ola urine?

1 Korinit 9:15

Taꞌe maꞌalana e toꞌohuu taane oto urine, no ko tohalaꞌi mola aana uri nou kaꞌa toolea ike taꞌena nga mei ola mwaaniꞌomu. Oto ie nou kaꞌa uusu-uusu ike hunie omu ke nii-nii nekue urine. !Nou sereꞌi! Aana e lai diana hunieu uri hunie ne ke mae oto, taꞌe nga iini eemiu ke suꞌuri unue uri no ko esu mola huni toꞌoha. Mala uri omu ko ere urine, nge omu ko da uri toohaꞌinileku ke totowai mola.

2 Korinit 11:11

?Oto e ue? ?Uri omu loꞌongaꞌinie uri no ko ere urine aena aana nou kaꞌa manata diana ike huniꞌomu? !Haꞌike! A God e saie taane uri nou tohungei manata diana huniꞌomu.

2 Korinit 12:19

Saꞌa mola omu ko loꞌongaꞌinie uri melu uusue walu ola ienini mola huni ere talihe aana nga moi taa kire ere aaelasiꞌemeelu eeni. !Haꞌike oto ooꞌoo! Taꞌe melu ere-ere oto mola mala a Kraes e saetoꞌo aana, na walu ola melu unu-unuꞌi, melu unuꞌi i maana God ni ngeena. Na ahutana walu ola melu uusuꞌi ienini, maeni iinoni maaꞌi, mo ola oto huni haꞌa-aꞌailaꞌaa hiiwalaimolinge iꞌomu ni ngeena.

2 Korinit 7:3

Nou kaꞌa ere ike urine huni ere aaelasiꞌomu, aana nou unue kaꞌu oto huniꞌomu uri melu manata diana huniꞌomu toꞌohuu. Na maꞌalana uri kolu ke mauri wa kolu ke mae loꞌu, taꞌe saemeelu hunie kolu ke iiꞌo tararuru oto tarau.

Kolosi 1:28

Aena urine, melu ko tarohaꞌinie Tataroha Diana ienini i sulie a Jisas Kraes hunie taꞌena nga iinoni. Oto aana saenanaunge diana a God, melu ko lae peꞌi haꞌapasulire na peꞌi haꞌananaure uri hunie kire ke lae mai saana God, na hunie kire ke mani neꞌi rato i sulie tolahana a Kraes.

1 Tesalonaeka 2:11

Omu saie taane noꞌone mola uri melu peꞌi diana aamiu oto mala aamana mo mwela ko peꞌi diana aana mo kalena.

1 Tesalonaeka 5:14

Na melu ko eitanaiꞌomu, maeni eesiku, uri omu ke ere aana mo iini ko lalawasie asunge. Omu ke peꞌie mo iini nge kire sai meꞌu hunie saeda ke susu. Omu ke peꞌie mo iini nge loꞌongaꞌinge ikire e mamaelaꞌa, na omu ke haro kele ere hunie ahutana mwala. Na mwaanie saewasunge iꞌomu e lau-leu hunie taꞌena nga iini.

2 Tesalonaeka 3:14

Mala uri nga mo iini eemiu kire kaꞌa tola i sulie ike mo wala melu ko uusuꞌi weu huniꞌomu ngeena, nge e lae oto i diana hunie omu ke lee-leesie uri kira tei, na omu ke oopa mwaanire hunie kire ke masa mola i sulie tolahada maraada.

Pilimon 1:10

Oto no ko eitanaiꞌo hunie o ke aamasie loꞌu kaleku a Onesimas, sulie maholo nou iiꞌo i nume ni hoꞌo ie nou haꞌa-haꞌa-uusulie na e hiiwalaimoli oto aana Kraes. Oto e urihana e neꞌi kaleku toꞌohuu oto.

1 Jon 2:1

Maeni mwela ineu, no ko uusue oto urine huniꞌomu uri hunie omu ke suꞌuri oorahaꞌaa. Taꞌe mala uri nga iini ko oorahaꞌaa, kie toꞌo aana taane iini huni peꞌikie aani erenga oolitaka peꞌie a Mamaꞌa. Na ingeie oto a Jisas Kraes, iini e oodotaꞌi taꞌingelu.

3 Jon 1:4

Nga mei ola aaopa hunie ne ke ilenimwaꞌe liutaa haahie haꞌike loꞌu, taꞌe mwaanie no ko rongoa mo kaleku ko lulu i sulie walaimolinge.