1 Korinit 4:12 - Tataroha Diana

¹² Melu ko tohungei haꞌaweoꞌemeelu oto hiitoꞌo aani esunge. Maholo mwala ko ere ni hoꞌasinge huniꞌemeelu, melu ko ere ni haꞌadianaꞌara mola. Na maholo mwala ko teungeꞌiniꞌemeelu, melu ko esu susutoꞌo mola.

1 Korinit 4:12 ပူးပေါင်းရင်းမြစ်များ

Matiu 5:11

“Oto iꞌomu na mwala kei teungeꞌiniꞌomu noꞌone urine, na kire kei ere aaelasiꞌomu, na kire kei pwelu wala eero-eero noꞌone i lengimiu urine, aena aana omu ko lulu i sulieu, taꞌe maꞌalana e urine omu ke ile-ilenimwaꞌe mola.

Matiu 5:44

Taꞌe ineu no ko unue huniꞌomu uri omu ke manata diana noꞌone hunie mo maelonga iꞌomu, na omu ke aarea God talana mo iini ko taungeꞌiniꞌomu.

Tataroha Diana I Sulie A Jisas Kraes Nge A Luk E Uusue 23:34

Oto a Jisas e teꞌuri, “Mamaꞌa, o ke neꞌisae-aasie leu ie mwaanire, aana kire kaꞌa saie ike uri nga taa kire ko da.” Na maholo mwala ko maa-maa ni ola ue aana maelana e oolu mwane, mo ramo kire ko si inie daes huni leesie iini uri taa aada kei toꞌo aana mo sala a Jisas. Na mo rato ni Jiu ko haꞌamwasi aana a Jisas, kire ko teꞌuri, “E roroꞌa haꞌa-haꞌa-uurie mwala aaopa. Kolu ke lio kaꞌu ohe ko haꞌa-uurie maraana, mala ko neꞌie a Kraes toꞌohuu, inemauri a God e lio hilisie hunikie mo Jiu.”

Tataroha Diana I Sulie A Jisas Kraes Nge A Luk E Uusue 6:28

Omu ke aitanaie a God hunie ke haꞌadianaꞌaa mo iini ko ere aaelasiꞌomu, na omu ke aarengaꞌi talana mo iini ko teungeꞌiniꞌomu.

Tataroha Diana I Sulie A Jisas Kraes Nge A Jon E Uusue 15:20

Omu ke aamasitoꞌo aana mei wala nou unue kaꞌu huniꞌomu uri nga koni-konihe e kaꞌa paine ike loꞌu liutaa aana aalaha ingeie. Oto mala uri mwala aana walumalau ngeena ko teungeꞌinieu, nge kire kei teungeꞌiniꞌomu noꞌone. Mala uri kire ke tola i sulie mo haꞌatolanga ineu, haꞌalaa kire kei tola i sulie noꞌone mo haꞌatolanga iꞌomu.

Palonga 18:3

Oto a Pol ko iiꞌo oto peꞌirerue, na ko euꞌesu oto peꞌirerue aena aana kiraelu ko meni esu mola aana asuilana mo nume susulu.

Palonga 20:34

Na omu saie oto maraamiu uri e ro nimeku nge e raretaꞌinieu huni terie taꞌena nga mei ola nge nou saetoꞌo aana, na hule aana nou raretaꞌinie noꞌone mo iini kire iiꞌo peꞌieu.

Palonga 7:60

Oto e pouruuru hai aano ko si soi peine, ko teꞌuri, “Aalaha, o ke suꞌuri suꞌue loꞌu mei oorahaꞌaanga ienini hunire.” E ere urine mola, na ko mae oto.

Uusu-uusu A Pol Hurula'aa Hunie Mo Rom 12:14

Omu ke aitanaie mola a God hunie ke haꞌadianaꞌaa mwala ko teungeꞌiniꞌomu. Iau, omu ke haꞌadianaꞌara mola na mwaanie omu ere aaelasire.

Uusu-uusu A Pol Hurula'aa Hunie Mo Rom 12:20

Oto mwaanie omu suꞌu-suꞌue aaelanga, taꞌe omu ke haꞌadianaꞌaa mola mo maelonga iꞌomu, aana mo Uusu-uusu Maaꞌi e unue noꞌone uuri, Mala uri maelonga iꞌoe ko hiolo, o ke nii ngeulaa ana. Na mala uri ko maarou, o ke nii wei ana. Mala uri o kei deu urine hunie, nge o kei kumwaa saewasunge ingeie. Provebs 25:21

Uusu-uusu A Pol Hurula'aa Hunie Mo Rom 8:35

?Na nga mei taa ni e sai oopakie mwaanie manata-diananga a Kraes? ?Uri a Kraes kei sereꞌinikie maholo kie ko siꞌohaꞌa, wa kie ko lae oodoie aasanga, wa aana mwala ko teungeꞌinikie, wa aana kie ko maesie hiolo, wa kie kaꞌa toꞌo aana ike nga mo sala, wa mwala ko horo maesikie? ?Uri walu ola urine ni kire sai oopakie mwaanie manata-diananga a Kraes? !Haꞌike oto ooꞌoo!

1 Korinit 9:6

?Wa e ue? ?Uri taꞌe iꞌemereꞌi mola mere sai esu uei toꞌoha huni peꞌiꞌemereꞌi maraamereꞌi?

2 Korinit 11:8

Ohe omu kaꞌa saie ike uri mo soihaadaꞌinge aana ngaeta mo poꞌo ni henue ni kire nii-niie taane waaiteku hunie uri ne ke lae peꞌi esu aani peꞌilemiu. Aana nga taa nge e malisine ne ke asuie nada, kaꞌu no ko si esuie mola namiu ie, oto nou karaꞌi hii mala uri nou pelire ni ngeena.

Epesas 4:28

A tei iinoni ko peli-peli, ke toliꞌaasie oto tolahai ola aaela ngeena na ke aehotaa loꞌu asunge diana. Ke asuie nga mo ola diana aana nimana, hunie ke toꞌo aana mo ola huni peꞌie mo iini kire maitale.

1 Tesalonaeka 2:9

Maeni eesiku maaꞌi, nou saie uri omu ko aama-aamasitoꞌo taane aana weonga iꞌemeelu aana melu esu susue rodo na aatowaa mwaanie melu haꞌahiꞌeie nga iini eemiu maholo melu lae-laeliwala aana Tataroha Diana a God namiu.

2 Tesalonaeka 3:8

Na melu kaꞌa totola mwaakule ike aana nga mei ngeulaa mwaanie mwala, taꞌe melu haro holi-holiꞌi mola. Oto melu esu susue mola aatowaa na rodo mwaanie nga iini eemiu e tolahiꞌe loꞌu aana nga mei ola.

1 Timoti 4:10

Aana kolu esu aꞌailaꞌa mola aana kolu tohungei hiiwalaimoli oto aana God Mau-meuriꞌe, nge e sai haꞌa-uurie taꞌena nga iinoni, na kei haꞌa-uurikie mo iini kie hiiwalaimoli aana.

1 Pita 2:23

Na maholo mwala kire ere aaelasie, e kaꞌa ere aaela ike oolisire. Maholo kire tohungei haꞌasapesaluꞌaa e kaꞌa haꞌamaꞌusire ike, taꞌe e norutoꞌo mola aana God, iini e sai leie mo iinoni aana tala e oodo.

1 Pita 3:14

Taꞌe maꞌalana uri omu ko sapesalu i tehulaꞌana oodotaꞌinge, omu ke ile-ilenimwaꞌe mola aana a God kei haro haꞌadianaꞌaꞌomu taane. Oto omu ke suꞌuri tolahiꞌe i sulie mei sapesalunge, na omu ke suꞌuri meꞌuteꞌinie nga iini.

1 Pita 3:9

Maholo nga iini ko deu huꞌisiꞌomu aana nga mei ola aaela, omu ke suꞌuri oolisie loꞌu hunie. Na maholo nga iini ko ere aaelasiꞌomu, omu ke suꞌuri heꞌi ere aaelasie loꞌu. !Haꞌike! Taꞌe omu ke haꞌadianaꞌara mola, aana a God e soiꞌomu mei i saana hunie omu ke dau urine, na hunie omu ke helesie haꞌadianaꞌanga ingeie haahie.

1 Pita 4:19

Oto maholo omu ko sapesalu aena aana oalaꞌinge a God mone e lae oto urine, nge omu ko sapesalu i sulie oalaꞌinge ingeie, na omu ke suꞌuri aakohe mwaanie asunge diana, taꞌe omu ke toliꞌaasie maurihaꞌamiu i nimana God. Ingeie oto e haꞌaholaꞌomu, na e saꞌa pulongosie ike mo heiholotaꞌinge ingeie huni lio i suliꞌomu.

Jiud 1:9

Taꞌe hule aana a Maekol naꞌohai ensel, maholo e haꞌa-ere peꞌie a Pwelu Eero-eero haahie rae aana a Mosis, e kaꞌa ere aaelasie ike, taꞌe e unue mola uuri, “A Aalaha ke si ere aamu.”