1 Korinit 3:15 - Tataroha Diana

¹⁵ Taꞌe mala uri dunge ko weruhie mola mo ola nge e asuie nume ngeena aani, nge ahutana weonga ingeie e aiꞌaa oto. Maꞌalana a God kei haꞌa-uurie taane mangona, taꞌe kei urihana mola iinoni nge kire waꞌinie mwaanie nume nge ko weru ngeena.

1 Korinit 3:15 ပူးပေါင်းရင်းမြစ်များ

Palonga 27:21

Melu kaꞌa ngau loꞌu hunie mo dinge hunge, oto a Pol e si uure i matolameelu ko teꞌuri, “Mo mwane, mala uri omu ke holaꞌi rongo oto hunie walaku hunie kolu ke suꞌuri lae mwaanie mala-malau i Krit, haꞌalaa kolu kaꞌa siꞌohaꞌa ike urine na kolu kaꞌa tekelaꞌinie ike nga mei ola.

Palonga 27:44

Na mo iini nge kire oore kire ke hele aana mo reu-reu nge naho e makasiꞌi mwaanie haka na taꞌena nga mei ola aana haka hunie kire ke oolo aani i oone. Oto melu lae urine, na melu meni lai hule sapemawa i oone, na hule aana nga iini e kaꞌa mae ike.

1 Pita 4:18

Aana mo Uusu-uusu Maaꞌi e unue uuri, ?Mala uri haꞌa-uurilana kira oodotaꞌi e kaꞌa mwadaꞌu ike, nge kei uri taa hunie kira oorahaꞌaa nge kire kaꞌa manataꞌinie ike a God? Provebs 11:31

2 Jon 1:8

Oto omu ke lio talamiu mwaanie omu deu tekelaꞌinie tolahai iinoni diana iꞌomu nge melu esu oto hiitoꞌo hunie omu ke toꞌo aana. Taꞌe omu ke lae taraꞌasi peꞌie hunie omu ke hele haꞌamangoa oto waaitemiu.

Jiud 1:23

Na hunie mo iini kire ko lae takalo, omu ke haꞌa-uurire aani weꞌinilada mwaanie eeso-eesohaꞌana dunge ni haꞌamotaahinge nge kire ko lae takoie ngeena. Omu ke haataꞌinie noꞌone aamasinge hunire, taꞌe omu ke lio talamiu mwaanie kire waꞌiniꞌomu loꞌu i sulie mo tala ni oorahaꞌaa ikire.

Haataꞌinge 3:18

Oto no ko unue nga taa e diana liutaa hunie omu kei esuie. Omu ke toliꞌaasie ne ke niie namiu mo ola e aasa hunie omu kei holiꞌi. Toliꞌaasie ne ke luhesiꞌomu mwaanie mo oorahaꞌaa iꞌomu. Urine omu ke si lio oodoie maurihe huu na omu ke si toꞌo-toꞌo toꞌohuu. Oto omu ke toolea loꞌu mwaanieu mo toꞌoni rereꞌa aana oodo-oodonga ineu, huni hoꞌosiꞌi haahie maurihaꞌamiu mwaanie omu masa aana omu iiꞌo oto mola mwaakule. Na loꞌu omu ke toolea noꞌone mwaanieu mo ei ni ulu huni huiꞌi i laona maamiu, hunie omu ke lio taataha aana a God.