1 Korinit 3:10 - Tataroha Diana

^10-11 A Jisas Kraes oto poo-pootana nume ngeena, na nga poo-poota aaopa hunie nga iini ke neꞌie loꞌu, haꞌike oto ooꞌoo. A God e niie mai nanamanga hunieu, hunie ne ke neꞌie mwane saenanau diana aana tohu-numanga. Oto ineu nge nou neꞌie poo-pootana nume ngeena, na ngaeta mo mwane ko si tohu nume i lengine. Taꞌe kire ke lio talada mola hunie kire ke tohu diana aana nume ngeena.

1 Korinit 3:10 ပူးပေါင်းရင်းမြစ်များ

Matiu 24:45

Oto a Jisas ko heꞌi unue loꞌu uuri, “?Aana a tei kaꞌu e saenanau na e neꞌi koni-konihe diana? Ingeie oto iini nge aalaha ingeie e neꞌie hunie ke lio i sulie ngaeta mwala auꞌesu aana maholo ko lae, na hunie ke nii-niie waaitada hunire i suli maholo.

Matiu 7:24

“Aena ngeena taꞌena nga iini ko rongoa walaku peꞌi sulu i suliꞌi, e urihana iinoni saenanau e tohue nume ingeie aana e eli kokoro talana mo hunu, na e neꞌie mo heu i poo-pootana mo hunu aana nume ngeena.

Tataroha Diana I Sulie A Jisas Kraes Nge A Luk E Uusue 11:35

Lio diana aana, mwaanie o unu-unue uri saemu e manola taane, taꞌe e rodohono mola.

Tataroha Diana I Sulie A Jisas Kraes Nge A Luk E Uusue 21:8

Oto a Jisas ko teꞌuri, “Omu ke lio talamiu mwaanie nga iini e eeroꞌomu. Aana mo iini hunge kei lae mai aana sataku, na kire kei unue uuri, ‘Ineu oto a Kraes,’ na loꞌu uuri, ‘Pongi e hule oto.’ Taꞌe omu ke suꞌuri rongo hunire wa omu ke lae i sulire.

Palonga 18:27

Oto purihaꞌana, maholo a Apolos ko sare lae loꞌu holosie aasi hunie poꞌo ni henue i Akaea, mo mwaasine i lalo aana Kraes i Epesas kire si peꞌie ni uusue uusu-uusu hunie mwala aana soihaadaꞌinge i Akaea uri kire ke lio i suli diana aana maholo kei lae wau i saada. Oto maholo a Apolos e lai hule wau i Akaea, e si peꞌie mo iini nge a God e si niie hiiwalaimolinge hunire aena aana manata-diananga ingeie e paine hunire.

Uusu-uusu A Pol Hurula'aa Hunie Mo Rom 1:5

A Jisas e tohungei haataꞌinie hahuꞌana manata-diananga ingeie hunieu aana e lio hilisieu hunie ne ke neꞌi hurulaꞌaa ingeie, uri hunie ne ke naꞌona mwala aana taꞌena nga komu hunie kire ke haꞌapainaꞌaa satana, na hunie kire ke hiiwalaimoli aana, na hunie kire ke tola i sulie walana.

Uusu-uusu A Pol Hurula'aa Hunie Mo Rom 12:3

Aana a God e manata diana mone hunieu, nge e lio hilisieu mala Hurulaꞌaa ingeie huniꞌomu mo Aapoloa Aaopa, na e niie noꞌone mei wala ienini hunie ne ke unue huniꞌomu uri nga iini eemiu ke suꞌuri neꞌi-neꞌisae toohaꞌinie maraana, taꞌe omu ke neꞌi-neꞌisae toꞌohuu mola, na omu ke totohoꞌomu maraamiu mola aana hiiwalaimolinge nge a God e niie huniꞌomu e paine uri taa.

Uusu-uusu A Pol Hurula'aa Hunie Mo Rom 15:15

Taꞌe maꞌalana ke urine, na no ko heꞌi uusue loꞌu ngaeta mo ola huniꞌomu, hunie uri omu ke aama-aamasitoꞌo aani. Nou kele ere hiitoꞌo i sulie mo olana, aena aana a God ni e aamasieu na e lio hilisieu

Uusu-uusu A Pol Hurula'aa Hunie Mo Rom 15:20

Na oto tarau no ko sare laeliwala aana Tataroha Diana mola aana mo henue nge mwala kaꞌa saie wa kire ke rongoa ue a Kraes, mwaanie uri nou lae peꞌi esu loꞌu mola aana hanue ngaeta iinoni e aehotaa oto soihaadaꞌinge aana.

1 Korinit 9:2

Oto maꞌalana ngaeta mwala kaꞌa si lio saieu mala uri nga hurulaꞌaa, taꞌe iꞌomu, omu saie taane, aena aana mauringe haalu iꞌomu i lalo aana a Aalaha e haataꞌi diana aana taane uri ineu nga hurulaꞌaa toꞌohuu.

2 Korinit 10:15

Na melu kaꞌa ere toohaꞌiniꞌemeelu ike haahie mei esunge nge ngaeta mwala kire asuie. Taꞌe saemeelu hunie uri hiiwalaimolinge iꞌomu ke paine, na asunge iꞌemeelu i matolamiu ke paine loꞌu na ke hungu diana.

Epesas 2:20

Iꞌomu, omu urihana oto noꞌone nume a God ko esuie. Nume ngeena, mo hurulaꞌaa na mo propet kire neꞌi poo-poota aana, na a Jisas Kraes oto tohungana haususu aana.

Kolosi 1:29

Oto huni esuie leune, no ko tohungei esu waaꞌiniꞌini oto liutaa. Na asunge ineu e aꞌailaꞌa taraꞌasi mola urine aena aana no ko esu aana nanamanga nge a Kraes e niie hunieu.

Kolosi 4:17

Na omu ke haꞌarongoa a Akipas uuri, “O ke haꞌamangoa oto mei asunge nge a Aalaha e niie hunie o ke asuie.”

1 Tesalonaeka 3:2

na huni uusungeꞌinie mola wau aasikaelu a Timoti hunie ke ere haꞌasusuꞌomu na ke haꞌa-aꞌailaꞌaa hiiwalaimolinge iꞌomu. Aana ingeie noꞌone ko esu nana God aani laeliwalanga aana Tataroha Diana i sulie a Kraes.

1 Timoti 4:16

O ke kinetaꞌinie mauringe iꞌoe hunie ke diana, na haꞌa-uusulinge iꞌoe hunie mwala ke diana noꞌone. Aana mala uri o kei hele susuleꞌi aani iiꞌonga oodotaꞌi, na o ke lae taraꞌasi peꞌie haꞌananaulana mwala urine, nge o sai haꞌa-uuriꞌo maraamu na mo iini nge kire ko pwaarongo i suliꞌo.

2 Timoti 2:15

O ke ariꞌapasie o ke neꞌi iinoni auꞌesu diana, hunie a God ke saemango haahie asunge iꞌoe. O ke haꞌa-uusuli toꞌohuu aana walana God, hunie o ke suꞌuri hii masanga i maana.

Jemes 3:1

Maeni eesiku, e kaꞌa malisine ike mo iini hunge aamiu ke neꞌi haꞌa-uusuli, aena aana omu saie uri mo iini nge kolu ko haꞌa-uusuli, leilakaelu kei peine liutaa aana ngaeta mo iini.

1 Pita 4:11

Taꞌena nga iini eemiu nge a God e niie oto nanamanga nana huni laeliwala, nge ke laeliwala oto mola i sulie mo wala nge a God e niiꞌi mei hunie. Na taꞌena nga iini eemiu nge a God e niie nanamanga huni peꞌie mwala, nge ke peꞌie mwala oto toꞌohuu aana nanamanga nge a God e niie hunie. Oto i tehulaꞌana mo esunge diana urine, mwala e sai paalahea God aana satana Jisas Kraes. Na ingeie oto e toꞌo aana ahutana manikuluꞌanga na sakanga oto di, oto di. Iau, ke urine oto.

2 Pita 3:15

Aalaha ikie ko niie maholo huniꞌomu ni ngeena, kaꞌu e kaꞌa lae-lae ue mai lau-leu. Oto omu ke toꞌo maaie mala uri nga maholo oto hunie haꞌa-uurilemiu kei lae ni ngeena. Taꞌa-taꞌa mei neꞌisaenga urine a God e niie noꞌone hunie aasikaelu maaꞌi a Pol, mala e uusue kaꞌu taꞌa-taꞌa taungei erenga ngeena noꞌone huniꞌomu.

Haataꞌinge 21:14

Para ahuie hanuena asuilana e lae aana aawalai toliꞌae mwana rue aani heu, na uusulana satana aawalai hurulaꞌaa mwana rue a Kalei Sipu e lae oto aana mo heu ngeena.

Haataꞌinge 21:19

Toliꞌae aani heu aana para ngeena, kire haꞌalaunie aana taꞌena nga hau iiro-iiro oto mola nge holitana e paine—eetana aani jaspa, ruana aani sapaea, oolune aani agit, haine aani emaral,