1 Korinit 2:5 - Tataroha Diana

⁵ Oto saenanaunge iinoni e kaꞌa da ike omu ke hiiwalaimoli aana a God, taꞌe nanamanga a God maraana nge ni e asuie urine, uri hunie omu ke hiiwalaimoli aana.

1 Korinit 2:5 ပူးပေါင်းရင်းမြစ်များ

Palonga 16:14

Na ngaeta huꞌe aada satana a Lidia keni ni Taeataera. Ingeie ngaeta keni aana mo Aapoloa Aaopa, na asunge ingeie oto huni haꞌaholingeꞌinie mo sala nonoroꞌa holiteni e paine oto liutaa. Ingeie ko palo-paloa noꞌone a God, na maholo ko pwaa-pwaarongo i sulie a Pol, a God e tahanie manatana hunie ke hiiwalaimoli aana mo erenga a Pol.

1 Korinit 1:17

A Kraes e kaꞌa uusungeꞌinieu ike mola huni loo-loto maaꞌi aana mwala, taꞌe huni laeliwala aana Tataroha Diana. Na e kaꞌa ike huni laeliwala mola aana mo wala diana mala mo iini e saenanau huni haꞌa-olaa mwala, taꞌe mola i sulie a Kraes, mwaanie maenga a Jisas i lengine poꞌu-poꞌu e totowai mola.

1 Korinit 3:6

Oto ineu nge nou urihana mwane e hasie mo litei ola i laona hohola, na a Apolos nge e urihana mwane e danguhie mo litei ola ngeena aani wei. Taꞌe a God nge e asuie hunie kire ke mwaꞌora.

2 Korinit 12:9

Taꞌe e unue mola hunieu uuri, “Manata-diananga ineu huniꞌo e paine na e adomu oto, aana nanamanga ineu e sai peine oto liutaa maholo o ko mamaelaꞌa.” Oto no ko tohungei ilenimwaꞌe huni toohaꞌinieu haahie mamaelaꞌanga ineu, hunie uri nanamanga a Kraes ke iiꞌo oto i lalo aaku.

2 Korinit 4:7

Iꞌemeelu, melu kaꞌa roroꞌa ike, taꞌe Tataroha Diana melu ko tarohaꞌinie e paine oto liutaa. Mo sapei ola melu toꞌo aani ie kire kaꞌa neꞌie ike nga mei ola, na melu urihana mola mo kao-kao kire asuiꞌi aani mwakano. Taꞌe melu toꞌo aana taane dianahaꞌana a God mola i laona mo kao-kao aaela ngeena, aana melu ko tarohaꞌinie Tataroha Diana a Kraes. Na leune e haataꞌinie uri nanamanga e manikuluꞌe ngeena e kaꞌa ola ike iꞌemeelu, taꞌe mei ola a God.

2 Korinit 6:7

Melu haataꞌinie uri iꞌemeelu mo koni-konihe a God toꞌohuu aana melu sai ere mola aana walaimolinge. A God e niie mai nanamanga ingeie nameelu, na melu toꞌo aana oodotaꞌinge mala talo huni deu honosie mo maelonga. Na oodotaꞌinge e urihana noꞌone nga reisinge huniꞌemeelu, huni haataꞌinie mo takalonga ikire.