1 Korinit 2:12 - Tataroha Diana

¹² Oto Liꞌoa nge kie toolea i lalo aaka ngeena, nga liꞌoa haꞌike loꞌu aana walumalau, taꞌe Liꞌoa Maaꞌi, iini nge a God e niie mai hunie kie ke sai diana aana ahutana mo niinge a God hunikie.

1 Korinit 2:12 ပူးပေါင်းရင်းမြစ်များ

Uusu-uusu A Pol Hurula'aa Hunie Mo Rom 8:1

Oto ie a God e saꞌa lei mae aaka ike, aena aana kie lado oto peꞌie a Jisas Kraes.

Uusu-uusu A Pol Hurula'aa Hunie Mo Rom 8:32

A God e kaꞌa saenie ike nga mei ola mwaanikie, kaꞌu hule aana e toliꞌaasie a Kalena hunie ke mae huni haꞌa-uurikie. Oto leune ko haataꞌinie uri a God kei tohungei nii mwaakule mola aana ahutana mo ola diana ingeie hunikie.

1 Korinit 1:27

A God e tohungei lio hilisie oto mo iini nge mwala e loꞌongaꞌinie uri kire puꞌosasu uri huni haꞌamasaa kira saenanau. Na e lio hilisie oto noꞌone mo iini nge mwala e loꞌongaꞌinie uri kire mamaelaꞌa huni haꞌamasaa mo iini e nanama.

1 Korinit 2:6

Taꞌe mo wala no ko tarohaꞌiniꞌi ienini, mo wala ni saenanaunge taane, mei saenanaunge nana mo iini nge kire paine oto peꞌie tolahai hiiwalaimolinge. E kaꞌa saenanaunge ike aana walumalau ienini. Mei saenanaunge ienini e tohungei aaopa oto liutaa mwaanie saenanaunge aana mo iini kire nanama haahie walumalau siꞌiri, mo iini nge kire kei eiꞌaa mola.

2 Korinit 4:4

Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.

Epesas 2:2

Aana maholona, omu lae oto mola i sulie mo tolahai ola aaela aana walumalau ienini. Omu lulu i sulie oto mola a Pwelu Eero-eero, nge ko aalaha haahie mo liꞌoa aaela, na ko auꞌesu i laona saena ahutana mo iini kire ko hei-heitohea a God.

Jemes 4:5

Mo Uusu-uusu Maaꞌi kire unue uuri, a God e saetoꞌo aana liꞌoa nge e neꞌie aaka ke iiꞌo oto mola nana haliꞌite. ?Na ohe omu unue uri kire talei ere-ere mwaakule mola aana kire ere urine? !Haꞌike!

1 Jon 2:20

Taꞌe iꞌomu, a Kraes e niie oto Liꞌoa Maaꞌi ingeie huniꞌomu, na omu meni saie oto walaimolinge.

1 Jon 2:27

Taꞌe iꞌomu, nou saie uri omu saꞌa rongo ike hunire aana a Kraes e neꞌie Liꞌoa Maaꞌi oto i lalo aamiu. Na aena aana ko iiꞌo taraꞌasi i lalo aamiu, omu kaꞌa saetoꞌo aana ike loꞌu nga iini hunie ke haꞌa-uusuliꞌomu, aana Liꞌoa Maaꞌi ko haꞌa-uusuliꞌomu oto aana ahutana walu ola, na nga taa ko haꞌa-uusuliꞌomu aana, e toꞌohuu na nga eeronga haꞌike. Oto omu ke iiꞌo susu i lalo aana a Kraes mala a Liꞌoa Maaꞌi e haꞌa-uusuliꞌomu.

Haataꞌinge 12:9

taꞌe kire aasire mango oto mai aano i laona walumalau. Painehaꞌana mwaa ala-ala ngeena ola e uure oto mai i naꞌo. Na ingeie kaꞌu kie ko haa-haaraꞌinie a Pwelu Eero-eero wa a Satan. Na ingeie oto iini nge ko eeroa ahutana mwala aana walumalau huni lae i sulie mo tala aaela.

Haataꞌinge 22:6

Oto ensel ngeena e heꞌi unue loꞌu hunieu uuri, “O ke hiiwalaimoli aana mo wala ienini, aena aana kire toꞌohuu. A God Aalaha nge e niie Liꞌoa Maaꞌi ingeie i saana mo propet ingeie nge e uusungeꞌinieu ensel ingeie mai seemu, huni haataꞌinie mo ola ienini eemiu mo koni-konihe ingeie aana e saꞌa tewa na kire kei reu oto.”