1 Korinit 16:6 - Tataroha Diana

⁶ Ne kei kele iiꞌo tewa taane ohe peꞌiꞌomu lai hule i haꞌamangolana mo waro-waro aana wawai na iihiꞌure. Oto urine omu sai peꞌieu loꞌu huni lae taraꞌasi aana laenga ineu takoie leu nge ne kei lae loꞌu aana.

1 Korinit 16:6 ပူးပေါင်းရင်းမြစ်များ

Palonga 15:3

Oto aana soihaadaꞌinge e uusungeꞌinire huni lae i Jerusalem, nge kire liu aana e ro poꞌo ni henue i Ponisia na i Samaria. Kire lae peꞌi maatolie kira hiiwalaimoli aana mo hanuena, na kire ko laengaꞌinie uri mo Aapoloa Aaopa kire ko aehota hiiwalaimoli oto aana a Jisas. Na kira hiiwalaimoli aana mo leune kire ko tohungei ilenimwaꞌe aana kire rongoa mei ola ienini.

Palonga 17:15

Na mo iini nge kire hakusie a Pol kire lae taraꞌasi oto peꞌie hule aana huilume i Atens. Oto purihaꞌana kire lae mwaanie a Pol aana huilume ngeena, kire si lae peꞌie mei wala a Pol hunie a Saelas na Timoti uri kirerue ke lae lau-leu i saana Pol.

Palonga 20:38

Na mei wala nge e da kire ko si tohungei saehuu hiitoꞌo nge mei wala e unue ngeena uri kire saꞌa leesie loꞌu aana nga maholo. Oto kire lae, kire ko si lai toliꞌaasie i laona haka.

Palonga 21:5

Oto purine e hiu hei dinge e mango, nge melu si lae loꞌu. Ahutada maꞌalana mo huꞌe na mo mwela kire mani lai toliꞌaasiꞌemeelu oto hai oone. Oto melu meni pouruuru i laona oone, melu ko si aarengaꞌi.

Palonga 27:12

Na aena aana aasi ko mawa mola aana mo waro-waro ngeena, na suꞌu ngeena e kaꞌa diana ike huni iiꞌo aana, oto hungelana mwala saeda mola hunie melu ke lae taraꞌasi. Kire saetoꞌo aana melu ke dau aahonga huni lae hunie suꞌu i Piniks huni iiꞌo kohi wau i leune aana maholo daitaꞌaa. Aana suꞌu ngeena ngaeta suꞌu diana i Krit aana e saro takoie suulana sato.

Palonga 28:11

Purine oolu waro-waro e mango melu si lae mwaanie mala-malau ngeena aana ngaeta haka nge e oꞌoꞌo kaꞌu mola i leune aana mo waro-waro ko mawa ngeena. Haka ngeena e uure mwaanie huilume i Aleksandria, na satana “E ro iu god.”

Uusu-uusu A Pol Hurula'aa Hunie Mo Rom 15:24

nge nou neꞌisae mouteꞌi oto ie huni lae wau i seemiu. Nou loꞌo-loꞌongaꞌi uri aana maholo ne kei lae wau hunie poꞌo ni henue i Spen, ne ke holaꞌi liu weu i seemiu hunie nga kele maholo, aana nou saetoꞌo aana uri omu ke si peꞌieu aana laenga ineu hunie i Spen.

1 Korinit 16:11

Nga iini eemiu ke suꞌuri mwaka aana, taꞌe omu ke peꞌi diana aana mola. A Timoti ko lae-lae noꞌone peꞌie ngaeta mo iini kire hiiwalaimoli aana a Jisas, na no ko tohungei maaꞌoohire uri kire ke hule mai seeku. Oto saeku uri omu ke peꞌie laenga ikire ngeena hunie kire ke aalihoꞌi mei seeku.

2 Korinit 1:16

Oto nou oalaꞌi keꞌu huni lae hao i leesiꞌomu aana maholo nou neꞌisae huni lae mai hunie poꞌo ni henue i Masedonia, na uri ne ke si leesiꞌomu loꞌu aana maholo ne kei uure mwaanie i leu, aana ne ke lae loꞌu hunie i Jiudia. Urine nou loꞌongaꞌi uri omu ke si peꞌieu aana laenga ngeena.

Taetas 3:12

No ko oalaꞌinie uri hunie ne kei uusungeꞌinie a Atemas wa a Tikikas wau i seemu huni oolisiꞌo wau i Krit. Maholo nga iini aadarue ko hule wau i seemu, nge o ke dau aahonga huni lae mai honosieu aana huilume i Nikopolis. Saeku ne ke iiꞌo wau i leune aana mo waro-waro wawai aana iihiꞌure.