1 Korinit 16:19 - Tataroha Diana

¹⁹ Mo soihaadaꞌinge i leu aana poꞌo ni henue i Esia, kire ko niie saediananga ikire huniꞌomu. A Akuila na Prisila oto peꞌie mo iini ko rururu peꞌire tarau wau i nume ikirerue, kire ko niie mei wala ni saediananga huniꞌomu i lalo aana satana Aalaha

1 Korinit 16:19 ပူးပေါင်းရင်းမြစ်များ

Palonga 16:6

Kira Pol ko lai liuhie mo toꞌo-toꞌolana e ro poꞌo ni henue hai aaopaꞌi i Frijia na i Kalesia. Kire oalaꞌi huni eeliꞌu takoie poꞌo ni henue i Esia huni tarohaꞌinie Tataroha Diana i leune noꞌone, taꞌe Liꞌoa Maaꞌi e uure honosire.

Palonga 18:18

Oto a Pol e iiꞌo tewa oto loꞌu peꞌie mo mwaasine i lalo aana Kraes i Korinit. Lae-lae e si loꞌongaꞌi huni lae loꞌu hunie poꞌo ni henue i Siria. A Prisila na Akuila kirerue hakusie aana laenga ngeena, na maholo kire hule i Senggria, a Pol e si pala oꞌoruꞌe aana iihune pwaune aena aana mo dinge aana haiholotaꞌinge maaꞌi ingeie kire si mango. Oto kire taꞌe aana haka,

Palonga 18:2

Na aana huilume ngeena ko oodoie mwane satana a Akuila mwane ni Jiu nge e hute aana poꞌo ni henue i Pontas. A Akuila na huꞌe ingeie a Prisila kirerue oꞌoꞌo wau i naꞌo aana poꞌo ni henue i Itali, taꞌe kirerue si lae mwaanie maholo inemauri peine ni Rom a Klodias e oohea ahutana mo Jiu mwaanie huilume i Rom, nge e neꞌi naꞌohai huilume aana poꞌo ni henue i Itali. Oto a Akuila na Prisila ko si lae mai iiꞌo i Korinit maholo a Pol e oodoirerue.

Palonga 18:26

A Apolos e lae wau i laona nume ni palo-palo mo Jiu ko tohungei ere hiitoꞌo hunire. Oto maholo a Prisila na Akuila kire rongoa ere-erenga ingeie, kire si toolea wau i nume ikirerue ni haꞌa-uusulie loꞌu aana tolahana God.

Palonga 19:10

A Pol e asuie urine hunie e ro halisi, hunie ahutana mo Jiu na mo Aapoloa Aaopa nge kire ko oꞌoꞌo aana poꞌo ni henue i Esia kire ke mani rongoa walana Aalaha.

Palonga 2:9

Aana ikolu, kolu uure mola mwaanie mo henue mala i Patia na i Midia na i Elam na i Mesopotemia na i Jiudia na i Kapadosia na i Pontas na i Esia,

Uusu-uusu A Pol Hurula'aa Hunie Mo Rom 16:15

Mei wala ni saediananga ineu noꞌone hunie a Filologas peꞌie a Jiulia, na a Nerias peꞌie a keni eesine, na hunie a Olimpas na ahutana mwala a God nge kire ko oꞌoꞌo peꞌire.

Kolosi 4:15

Omu ke niie noꞌone saediananga ineu hunie mo eesikaelu i Leodisia. Na noꞌone hunie a Nimpa na mo iini hiiwalaimoli nge kire ko loo-loko huni rihungeꞌi weu i nume ingeie.

2 Timoti 4:19

O ke niie mei wala ni saediananga ineu hunie a Prisila na poro ingeie a Akuila, na noꞌone hunie uluhe ni iinoni a Onesiporas.

Pilimon 1:2

Mere ko uusu-uusu noꞌone hunie tohungei eesimeelu a Apia, na a Akipas, nge ko esu noꞌone nana a Jisas mala ikolu. Na mere ko uusu-uusu noꞌone hunie mo iini aana soihaadaꞌinge nge kire ko lae-lae mai huni aarea God noꞌone wau i nume iꞌoe.

1 Pita 1:1

Saediananga mwaanieu a Pita, hurulaꞌaa a Jisas Kraes, huniꞌomu mo iinoni a God wau aana mo poꞌo ni henue i Pontas na i Kalesia na i Kapadosia na i Esia na i Bitinia. No ko uusu-uusu weu huniꞌomu mo iinoni a God nge omu ko iiꞌo mala mo awataa aana omu iiꞌo tatanga mola hailiu aana mo poꞌo ni henue ngeena.

Haataꞌinge 1:11

na ko teꞌuri, “O ke uusue nga taa o ko leesie i laona nga uusu-uusu, na o ke haꞌatolaa uusu-uusu ngeena hunie mo soihaadaꞌinge aana e hiu huilume paine wau i Epesas, na i Smina, na i Pegamam, na i Taeataera, na i Sadis, na i Piladelpia, na i Leodisia.”