1 Korinit 16:11 - Tataroha Diana

¹¹ Nga iini eemiu ke suꞌuri mwaka aana, taꞌe omu ke peꞌi diana aana mola. A Timoti ko lae-lae noꞌone peꞌie ngaeta mo iini kire hiiwalaimoli aana a Jisas, na no ko tohungei maaꞌoohire uri kire ke hule mai seeku. Oto saeku uri omu ke peꞌie laenga ikire ngeena hunie kire ke aalihoꞌi mei seeku.

1 Korinit 16:11 ပူးပေါင်းရင်းမြစ်များ

Tataroha Diana I Sulie A Jisas Kraes Nge A Luk E Uusue 10:16

Oto a Jisas ko heꞌi teꞌuri loꞌu hunie mo pwaarongoisuli ingeie, “Nga iini nge ko rongo huniꞌomu, ko rongo hunieu noꞌone eena. Na nga iini nge ko lelediꞌomu, ko leledieu noꞌone. Na iini nge ko leledieu, ko leledie noꞌone iini nge e uusungeꞌinieu mei eena.”

Palonga 15:3

Oto aana soihaadaꞌinge e uusungeꞌinire huni lae i Jerusalem, nge kire liu aana e ro poꞌo ni henue i Ponisia na i Samaria. Kire lae peꞌi maatolie kira hiiwalaimoli aana mo hanuena, na kire ko laengaꞌinie uri mo Aapoloa Aaopa kire ko aehota hiiwalaimoli oto aana a Jisas. Na kira hiiwalaimoli aana mo leune kire ko tohungei ilenimwaꞌe aana kire rongoa mei ola ienini.

Palonga 15:33

Maholo kirerue iiꞌo tewa mango i Antiok, mo mwaasine i lalo aana Kraes kire si toliꞌaasirerue aani henuelamanga na kirerue si eelihoꞌi loꞌu i saana mwala i Jerusalem nge kire uusungeꞌinirerue mai.

1 Korinit 16:10

Mala uri a Timoti ko hule i seemiu, omu ke lio i suli diana aana, aena aana ingeie ko esu noꞌone nana Aalaha ikie mala ineu.

1 Korinit 16:6

Ne kei kele iiꞌo tewa taane ohe peꞌiꞌomu lai hule i haꞌamangolana mo waro-waro aana wawai na iihiꞌure. Oto urine omu sai peꞌieu loꞌu huni lae taraꞌasi aana laenga ineu takoie leu nge ne kei lae loꞌu aana.

2 Korinit 1:16

Oto nou oalaꞌi keꞌu huni lae hao i leesiꞌomu aana maholo nou neꞌisae huni lae mai hunie poꞌo ni henue i Masedonia, na uri ne ke si leesiꞌomu loꞌu aana maholo ne kei uure mwaanie i leu, aana ne ke lae loꞌu hunie i Jiudia. Urine nou loꞌongaꞌi uri omu ke si peꞌieu aana laenga ngeena.

1 Tesalonaeka 4:8

Aena urinena, taꞌena nga iini ko heitohea haꞌa-uusulinge ienini, e kaꞌa haitohea ike mola nga iinoni. !Haꞌike! Ko heitohea oto a God ni ngeena, iini nge e niie Liꞌoa Maaꞌi ingeie huniꞌomu.

1 Timoti 4:12

O ke suꞌuri toliꞌaasie nga iini hunie ke loꞌongaꞌinie uri walamu e kaꞌa hiꞌe ike aana o saanau mola. Taꞌe o ke iiꞌo diana oto liutaa hunie kira hiiwalaimoli ke leesie walamu, na asunge iꞌoe, na manata-diananga iꞌoe, na hiiwalaimolinge iꞌoe, na iiꞌonga rereꞌa iꞌoe, hunie kire ke haimaaniꞌo.

Taetas 2:15

O ke haꞌa-uusulire tarau i sulie walu ola nge no ko unuꞌi huniꞌo ienini. O ke ere haꞌasusure, na o ke haꞌa-oodohie mo iini kire ko lae takalo mwaanie tala diana ngeena. O toꞌo aana oto nanamanga huni deu urine, oto o ke suꞌuri toliꞌaasie nga mo iini kire ke loꞌongaꞌi mwakataꞌiniꞌo.