1 Korinit 16:1 - Tataroha Diana

¹ Oto no ko sare haꞌarongoꞌomu mola aana niinge huni peꞌie mwala a God aana poꞌo ni henue i Jiudia. Omu ke asuie oto mola mala nou hatongaꞌinie hunie mo soihaadaꞌinge aana poꞌo ni henue i Kalesia.

1 Korinit 16:1 ပူးပေါင်းရင်းမြစ်များ

Palonga 11:28

Oto ngaeta iini aada satana a Agabas, e uure i lengi ko si ere aana nanamanga a Liꞌoa Maaꞌi uri hiolonga kei tola aana ahutana mo leu aana aalahanga ni Rom. Oto mai puri, nge mei ola ienini ko si oa aana maholo a Klodias e neꞌi inemauri ni Rom.

Palonga 11:30

Kire teꞌurine, nge kire si uusungeꞌinie a Banabas na a Sol hunie kirerue ke toolea mo niinge na kire ke niiꞌi hunie mo naꞌohai iinoni aana soihaadaꞌinge.

Palonga 16:6

Kira Pol ko lai liuhie mo toꞌo-toꞌolana e ro poꞌo ni henue hai aaopaꞌi i Frijia na i Kalesia. Kire oalaꞌi huni eeliꞌu takoie poꞌo ni henue i Esia huni tarohaꞌinie Tataroha Diana i leune noꞌone, taꞌe Liꞌoa Maaꞌi e uure honosire.

Palonga 18:23

E haro iiꞌo tewa i Antiok nge e si lae loꞌu mwaanie i leune, na ko lai liuhie oto mo henue i laona e ro poꞌo ni henue i Kalesia na i Frijia ni ere haꞌasusue saeda, hunie hiiwalaimolinge ikire aana Jisas ke aꞌailaꞌa loꞌu.

Palonga 24:17

“Nou lae mwaanie i Jerusalem mo helisi hunge e mango oto, oto nou eelihoꞌi loꞌu mei huni tola toꞌoha nana mo iinoni ineu ni Israel nge kire ko siꞌohaꞌa, na huni uunu ola hunie a God.

Palonga 9:13

Oto a Ananaeas ko aalamie uuri, “Aalaha, nou rongoa mo laladonga hunge i sulie mo ola aaela a mwane ngeena ko esuiꞌi aana mwala iꞌoe taꞌau i Jerusalem.

Palonga 9:41

A Pita e hele aana nimana, e si haꞌa-uuresie i lengi. Oto purihaꞌana e si soie mai mo nao keni na ngaeta mo iinoni a God hunie kire ke leesie a Tabita e mauri loꞌu.

Uusu-uusu A Pol Hurula'aa Hunie Mo Rom 12:13

Omu ke peꞌie mo iinoni a God aana maholo kire ko lae oodoie aasanga, na omu ke tola konie mo awataa i laona mo nume iꞌomu.

1 Korinit 11:34

Na mala uri nga iini ko hiolo, nge ke holaꞌi ngeu oto wau i nume ingeie, mwaanie a God e leiꞌomu haahie tolahai ngeunge aaela ngeena aana maholo omu ko meni ngeu tararuru. Na ne ke si haꞌa-oodohie ngaeta mo ola loꞌu aana maholo ne kei lae wau i seemiu.

1 Korinit 16:15

Oto maeni eesiku maaꞌi, omu saie taane a Stepanas na uluhe ni iinoni ingeie. Omu saie uri ikire oto eetana nga mwala kire hiiwalaimoli aana Jisas aana poꞌo ni henue iꞌomu wai Akaea, na kire toliꞌaasire maraada huni peꞌi-peꞌi aani esunge nana mo iini e hiiwalaimoli. No ko eitanaiꞌomu uri

1 Korinit 4:17

Aena leune mone no ko uusungeꞌinie wau a Timoti i seemiu. Ingeie domana oto a kaleku toꞌohuu na ko esu diana nana Aalaha paine ikie. Ingeie ke si haꞌananauꞌomu loꞌu aana mo haꞌatolanga nge nou lae peꞌi laeliwala aani i sulie mo soihaadaꞌinge aana taꞌena nga leu no ko lae-lae aana.

Kalesia 2:10

Taꞌe taꞌa-taꞌa leu mola kiraelu unue huniꞌemereꞌi uri mere ke neꞌi-neꞌisae taraureꞌi aana mo iini e maitale, mei ola oto hule aana e tohungei hiꞌe i manataku noꞌone.

Pilimon 1:5

No ko aama-aamasitoꞌo aamu sulie no ko rorongoa uri o ko tohungei manata diana liutaa hunie ahutana mwala a God, na hiiwalaimolinge iꞌoe e susu i lalo aana Jisas Aalaha ikie.

Pilimon 1:7

Malahuku diana, manata-diananga iꞌoe hunie mwala a God e da kire ko tohungei hii diana, na aena mei olana o da ineu noꞌone, no ko tohungei ilenimwaꞌe na saeku e susu.

Hibru 6:10

Aana leinge a God e oodo oto taꞌingelu na e kaꞌa sai pulongosie ike asunge iꞌomu na manata-diananga nge omu haataꞌinie hunie mwala i tehulaꞌana a Kraes. E lio saie mola uri omu peꞌi-peꞌi diana aana mo iinoni ingeie, na uri omu ko lae-lae ue aana peꞌinge huniꞌomu heiliu.

1 Jon 3:17

Loꞌongaꞌi keꞌu i sulie iini e toꞌo aana taane nga mo ola, na ko lee-leesie aasine ko siꞌohaꞌa taꞌe hule aana e kaꞌa sare aamasie. ?Uri iinoni urine ko haataꞌinie taane manata-diananga a God? !Haꞌike oto ooꞌoo!