1 Korinit 15:42 - Tataroha Diana

⁴² Oto kei urine noꞌone aana maholo a God kei taꞌe aalihoꞌi aana mo iini e mae oto. Mei sape nge kie ko heitolingeꞌinie e saꞌa tewa na ko kesu oto. Taꞌe mei sape nge ko taꞌelaꞌi eelihoꞌi loꞌu, nge ke iiꞌo huu oto.

1 Korinit 15:42 ပူးပေါင်းရင်းမြစ်များ

Matiu 13:43

Taꞌe mwala a God kire kei lae i laona aalahanga aamada, na kire ke si raa oto mala rarangana sato. Mwaanie omu rorongo aasie mola mo wala ienini, taꞌe omu ke loꞌo-loꞌongaꞌi diana i suliꞌi.”

Palonga 2:27

aena aana o saꞌa toliꞌaasie ike maurihaꞌaku aana leu mwala kire mae oto, na o saꞌa toliꞌaasie ike Iini Maaꞌi iꞌoe hunie ke kasu i laona kilipweꞌu.

Palonga 2:31

A Deved e lio saie mone nga taa a God kei esuie mai puri. Oto e ere urine aena aana e saie uri a Kraes kei taꞌelaꞌi eelihoꞌi loꞌu mwaanie maenga. E unue uri a God e saꞌa toliꞌaasie ike hunie ke iiꞌo mola aana leu mwala e mae oto, na e saꞌa toliꞌaasie ike hunie sapena ke kasu i laona kilipweꞌu.

Uusu-uusu A Pol Hurula'aa Hunie Mo Rom 1:23

Aana kire sereꞌi palo-paloa tohungei God e manikuluꞌe na e iiꞌo huu, oto kire ko si paloa mola mo nunui ola nge kire asuiꞌi huni lio mala mo iinoni, wa mo menu, wa mo mwaa, wa mo ola ni meꞌesu.

Uusu-uusu A Pol Hurula'aa Hunie Mo Rom 2:7

Mwala nge ko lae peꞌi deu esunge diana, aana kire tohungei saetoꞌo aana uri kire ke iiꞌo huu peꞌie a God, na uri a God ke lae-lahera, na ke haꞌapainaꞌara, mwala ngeena nge a God kei niie maurihe huu nada.

Uusu-uusu A Pol Hurula'aa Hunie Mo Rom 8:21

walu ola e haꞌaholaꞌi kei diana aalihoꞌi loꞌu na kei iiꞌo luhetaꞌi taane mwaanie aaelanga na mwaanie maenga nge ko da kire ko iiꞌo ni hoꞌo hule mai siꞌiri. Na leune kei oa hunie walu olana maholo ikie mo kalena God kie kei holaꞌi iiꞌo luhetaꞌi oto taꞌingelu mwaanie aaelanga, na kie kei iiꞌo oto aana manikuluhaꞌana a God.

1 Korinit 15:41

Manikuluhaꞌana sato e aaopa, na manikuluhaꞌana waro-waro e aaopa loꞌu, na manikuluhaꞌana mo heeꞌu e aaopa. Na maꞌalana mo heeꞌu na ngaeta mo ho heeꞌu kire haro manikuluꞌe aaopa loꞌu mwaanie ngaeta mo iini.

Kalesia 6:8

Mala uri iinoni ko hesie mola mo loꞌongaꞌinge aaela ingeie, nge kei soꞌokonie oto tolaha ni maenga. Taꞌe mala uri ko hesie tolaha ni Liꞌoa, nge kei soꞌokonie oto maurihe huu.

1 Pita 1:4

Aena urinena a God e si da hunie omu ke helesie mo niinge diana ingeie huniꞌomu. Mo tohungei niinge diana ngeena kire saꞌa aiꞌaa loꞌu aana nga maholo, wa kire ke aaela loꞌu, wa kire ke waa, taꞌe kire iiꞌo aakau mola loosiꞌomu taꞌau i Lengi.